രക്തതാരകം
ആൾഡ്രിൻ ടി.എം.
പേജ് 120,വില ₹130
കാർമൽ ഇന്‍റർനാഷണൽ, പബ്ലിഷിംഗ് ഹൗസ്,
തിരുവനന്തപുരം, ഫോണ് 0471 232 7253
വിശുദ്ധ ദേവസഹായത്തിന്‍റെ ജീവചരിത്രം. കുടുംബപശ്ചാത്തലം, പ്രവർത്തിച്ച സ്ഥലങ്ങളുടെയും സാഹചര്യങ്ങളുടെയും പ്രത്യേകതകൾ എന്നിവ ചരിത്രപശ്ചാത്തലത്തിൽ ആധികാരികമായി വിവരിക്കുന്നു. തുടര്‌ച്ചയായ പീഡനങ്ങളിലും ക്രിസ്തുവിലുള്ള വിശ്വാസം അദ്ദേഹം കൈവിട്ടില്ല.
ക്ഷമിക്കുന്ന സ്നേഹം
വത്സാ ജോസ് കാപ്പിൽ
പേജ് 56,വില ₹55
ഫോണ്- 9995801824
ആത്മീയതയിൽ തിളച്ചുനിൽക്കുന്ന, മാനുഷികമൂല്യങ്ങളിൽ ഉറച്ചുനിൽക്കുന്ന കവിതകളുടെ സമാഹാരം. ബൈബിളിനെയും വിശുദ്ധരെയും പരാമർശിക്കുന്നതും ആത്മീയ ഉണർവ് സമ്മാനിക്കുന്നതുമായ ഭക്തിഗാനങ്ങളാണ് ഏറെയും.
ഗുരുസ്മരണകൾ രണ്ടാം ഭാഗം
ജോർജ് കുളങ്ങര
പേജ് 224,വില ₹225
ദീപനാളം പബ്ലിക്കേഷൻസ്, പാലാ
ഫോണ്- 04822 212842
വിദ്യാഭ്യാസ വിചക്ഷണനും സാമൂഹികപ്രവർത്തകനുമായ ജോർജ് കുളങ്ങരയുടെ ആത്മകഥയുടെ രണ്ടാം ഭാഗം. കഠിനാധ്വാനവും ഇച്ഛാശക്തിയും കൈമുതലാക്കി വലിയ പ്രവർത്തനമണ്ഡലം സ്വന്തമാക്കിയ ജോർജ് കുളങ്ങര ജീവിതാനുഭവങ്ങൾ പങ്കുവയ്ക്കുന്നു. ജീവിത വിജയത്തിലേക്ക് പുതിയ തലമുറയ്ക്ക് വലിയ സന്ദേശമാണ് ഈ പുസ്തകം.
മഴു
രഘു എൻ. വാരിയർ
പേജ് 76,വില ₹150
കുളവരന്പിൽ ബുക്സ്, തിരുവനന്തപുരം
ഫോണ് 8075156590
മഴുവെറിഞ്ഞ് പരശുരാമൻ കേരളത്തെ സൃഷ്ടിച്ചതായി പാരന്പര്യം. ഇതേ പരശുരാമൻ ഇന്ന് കേരളത്തിലെത്തിയാൽ അദ്ദേഹം കാണുന്ന കേരള അനുഭവങ്ങൾ എങ്ങനെയാവാം. മാറുന്ന ആദർശങ്ങൾക്കു സംഭവിക്കുന്ന അപചയത്തിന്‍റെ സാക്ഷ്യങ്ങളെ ഭാവനയിൽ വിവരിക്കുന്ന നോവലൈറ്റ്.
കൂടെ നടക്കുന്ന ദൈവം
ഫാ. ജോസഫ്
പുത്തൻപുരയ്ക്കൽ
പേജ് 168,വില ₹140
ജീവൻ ബുക്സ്, ഭരണങ്ങാനം
ഫോണ്- 04822 236487
മനുഷ്യനെ എക്കാലവും മുന്നോട്ടു സുരക്ഷിതനായി ദൈവം നയിക്കുന്നതിന്‍റെ ബൈബിൾ വ്യാഖ്യാനം. മന്നായും വെള്ളവും അപ്പവും കരുതലും ധൈര്യവും സമ്മാനിക്കുന്ന അനുഭവങ്ങൾ. ഇമ്മാനുവേലായി എന്നും കൂടെ നടക്കുന്നവൻ. പ്രതിസന്ധികളിൽ ആത്മധൈര്യവും വിശ്വാസവും പകർന്നുനൽകുന്ന ഉന്നതമായ ചിന്തകൾ.
വി.പിയും മറ്റു കഥകളും
സി.ആർ. രാജൻ
പേജ് 98,വില ₹ 140
ഈലിയ ബുക്സ്, തൃശൂർ
ഫോണ് 0487 2365309
ആത്മീയതയുടെ നനുത്ത ഇഴകൾ ഉൾച്ചേർത്ത നല്ല ചിന്തകളും ദർശനങ്ങളും ഉൾച്ചേർന്ന കഥകൾ. വി.ടി. സാഹിത്യ പുരസ്കാരം, അറ്റ്‌ലസ് കൈരളി കഥാപുരസ്കാരം ഉൾപ്പെടെ നിരവധി പുരസ്കാരങ്ങൾക്ക് അർഹമായ കൃതി. ആനുകാലികങ്ങളിൽ പ്രസിദ്ധീകരിച്ച കഥകളുടെ സമാഹാരം.