Deepika.com Career News :കേന്ദ്രീയ വിദ്യാലയങ്ങളിൽ 1017 അനധ്യാപകർ.......

കേന്ദ്രീയ വിദ്യാലയങ്ങളിൽ 1017 അനധ്യാപകർ

കേന്ദ്രീയ വിദ്യാലയ സംഘതനിൽ അനധ്യാപക തസ്തികകളിലേക്ക് നേരിട്ടുള്ള നിയമനത്തിന് അപേക്ഷ ക്ഷണിച്ചു. ഓൺലൈനായി അപേക്ഷിക്കാം. ഓഫീസർ, ലൈബ്രേറിയൻ, മറ്റ് അധ്യാപകേതര തസ്തികകളിലായി 1017 ഒഴിവുകളുണ്ട്.

ലോവർ ഡിവിഷൻ ക്ലാർക്ക് -561 ഒഴിവ്
യോഗ്യത- പന്ത്രണ്ടാം ക്ലാസ് പാസ്. ഇംഗ്ലീഷിൽ മിനിറ്റിൽ 35 വാക്ക് അല്ലെങ്കിൽ ഹിന്ദിയിൽ മിനിറ്റിൽ 30 വാക്ക് ടൈപ്പിംഗ് വേഗം. കംപ്യൂട്ടർ ആപ്ലിക്കേഷൻസിൽ പരിജ്ഞാനം.

അപ്പർ ഡിവിഷൻ ക്ലാർക്ക്- 146
യോഗ്യത- ബിരുദം. എൽഡിസിയായി മൂന്നു വർഷം പ്രവൃത്തിപരിചയം വേണം.
സ്റ്റെനോഗ്രാഫർ ഗ്രേഡ് മൂന്ന് (ഗ്രൂപ്പ് സി)- 38
യോഗ്യത- പന്ത്രണ്ടാംക്ലാസ്. ഡിക്ടേഷനും ട്രാൻസ്ക്രിപ്ഷനും സ്കിൽ ടെസ്റ്റിന്‍റെ ഭാഗമായി ഉണ്ടായിരിക്കും.

‌ലൈബ്രറിയൻ (ഗ്രൂപ്പ് ബി)- 214
യോഗ്യത- ലൈബ്രറി സയൻസിൽ ബിരുദം. അല്ലെങ്കിൽ, ബിരുദവും ലൈബ്രറി സയൻസിൽ ഡിപ്ലോമയും. ഹിന്ദിയും ഇംഗ്ലീഷും നിർബന്ധമായും അറിയണം.

ഹിന്ദി പരിഭാഷകൻ (ഗ്രൂപ്പ് ബി)- നാല്
യോഗ്യത- ഹിന്ദി/ഇംഗ്ലീഷിൽ മാസ്റ്റേഴ്സ് ബിരുദം. ഡിഗ്രി തലത്തിൽ ഇംഗ്ലീഷ് / ഹിന്ദി ഒരു വിഷയമായി പഠിക്കുകയോ പഠനമാധ്യമമായിരിക്കുകയോ വേണം. അല്ലെങ്കിൽ, ഏതെങ്കിലും വിഷയത്തിൽ മാസ്റ്റേഴ്സ് ബിരുദം. ഡിഗ്രിതലത്തിൽ ഇംഗ്ലീഷും ഹിന്ദിയും പഠിക്കുകയോ ഇതിൽ ഏതെങ്കിലും ഒന്ന് പഠന മാധ്യമായിരിക്കുകയോ വേണം. അല്ലെങ്കിൽ, ഏതെങ്കിലും വിഷയത്തിൽ മാസ്റ്റേഴ്സ് ബിരുദം. ഡിഗ്രി തലത്തിൽ ഇംഗ്ലീഷ്/ഹിന്ദി ഒരു വിഷയമായി പഠിക്കുകയും ഹിന്ദി/ ഇംഗ്ലീഷ് പഠന മാധ്യമമായിരിക്കുകയും വേണം.അല്ലെങ്കിൽ ഇംഗ്ലീഷും ഹിന്ദിയും നിർബന്ധ വിഷയമായി പഠിച്ച് , അല്ലെങ്കിൽ ഒന്ന് നിർബന്ധ വിഷയമായും രണ്ടാമത്തേത് പഠനമാധ്യമമായും എടുത്ത് ബിരുദം. ഇതോടൊപ്പം ഹിന്ദി/ഇംഗ്ലീഷ് ട്രാൻസ്‌ലേഷനിൽ ഡിപ്ലോമ/സർട്ടിഫിക്കറ്റ് അല്ലെങ്കിൽ രണ്ടു വർഷത്തെ മുൻപരിചയം.

അസിസ്റ്റന്‍റ് (ഗ്രൂപ്പ് ബി)- 27
യോഗ്യത- ബിരുദം. യുഡിസിയായി മൂന്നു വർഷത്തെ പ്രവൃത്തിപരിചയം.
അസിസ്റ്റന്‍റ് എൻജിനിയർ (ഗ്രൂപ്പ് ബി)- ഒന്ന്
യോഗ്യത- ഇലക്‌ട്രിക്കൽ എൻജിനിയറിംഗ് ബിരുദം. രണ്ടു വർഷത്തെ മുൻപരിചയം. അല്ലെങ്കിൽ ഇലക്‌ട്രിക്കൽ എൻജിനിയറിംഗിൽ ഡിപ്ലോമയും അഞ്ചു വർഷത്തെ മുൻപരിചയവും.

മറ്റ് തസ്തികകൾ:
ഡെപ്യൂട്ടി കമ്മീഷണർ (ഗ്രൂപ്പ് എ)- നാല്, അസിസ്റ്റന്‍റ് കമ്മീഷണർ (ഗ്രൂപ്പ് എ)- 13, അഡ്മിനിസ്ട്രേറ്റീവ് ഓഫീസർ (ഗ്രൂപ്പ് എ)- ഏഴ്, ഫിനാൻസ് ഓഫീസർ (ഗ്രൂപ്പ് ബി)- രണ്ട്.
അപേക്ഷാ ഫീസ്: ഡെപ്യൂട്ടി കമ്മീഷണർ, അസിസ്റ്റന്‍റ് ഡെപ്യൂട്ടി കമ്മീഷണർ, അഡ്മിനിസ്ട്രേറ്റീവ് ഓഫീസർ എന്നീ തസ്തികകളിലേക്ക് 1200 രൂപ വീതവും മറ്റ് തസ്തികകളിലേക്ക് 750 രൂപ വീതവുമാണ് ഫീസ്. ഓൺലൈനായി അടയ്ക്കാം.

എസ്‌സി, എസ്ടി വിഭാഗക്കാർക്കും അംഗപരിമിതർക്കും വിമുക്തഭടർക്കും ഫീസ് ബാധകമല്ല.
അപേക്ഷിക്കേണ്ട വിധം: www.kvsa ngathan.nic.in എന്ന വെബ്സൈറ്റിലൂടെ ഓൺലൈനായണ് അപേക്ഷിക്കേണ്ടത്. ഫോട്ടോ, ഒപ്പ് എന്നിവ സ്കാൻ ചെയ്ത് അപ്‌ലോഡ് ചെയ്യണം. വിശദമായ വിജ്ഞാപനം വെബ്സൈറ്റിൽ ലഭിക്കും.
അവസാന തീയതി ജനുവരി 11.