സശസ്ത്ര സീമാബലിന്‍റെ കമ്യൂണിക്കേഷന്‍ കേഡറില്‍ സബ് ഇന്‍സ്‌പെക്ടര്‍, അസിസ്റ്റന്‍റ് സബ് ഇന്‍സ്‌പെക്ടര്‍ (എഎസ്‌ഐ), ഹെഡ്‌കോണ്‍സ്റ്റബിള്‍ തസ്തികകളിലേക്ക് അപേക്ഷ ക്ഷണിച്ചു.
പുരുഷന്‍മാര്‍ മാത്രം അപേക്ഷിച്ചാല്‍ മാതി. ഗ്രൂപ്പ് ബി, സി നോണ്‍ ഗസറ്റഡ് കം ബാറ്റെഡ്‌സ് തസ്തികകളാണ്. ഒഴിവുകള്‍ താത്കാലികമാണെങ്കിലും സ്ഥിരപ്പെടാന്‍ സാധ്യതയുണ്ട്. രാജ്യത്തെവിടെയും നിയമനം പ്രതീക്ഷിക്കാം. വിജ്ഞാപനം വൈ കാതെ വെബ്സൈറ്റിൽ പ്രസി ദ്ധീകരിക്കും.
സബ് ഇന്‍സ്‌പെക്ടര്‍ കമ്യൂണിക്കേഷന്‍
യോഗ്യത- ഇലക്‌ട്രോണിക്‌സ്, ടെലികമ്യൂണിക്കേഷന്‍ ബിരുദം അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങള്‍ പഠിച്ച സയന്‍സ് ബിരുദം.
ശമ്പളം- 35,400 രൂപ.
എഎസ്‌ഐ (കമ്യൂണിക്കേഷന്‍)
യോഗ്യത- മെട്രിക്കുലേഷനും ഇലക്‌ട്രോണിക്‌സ്/ ടെലികമ്യൂണിക്കേഷനില്‍ അംഗീകൃത ഡിപ്ലോമയും. അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങള്‍ പഠിച്ച അമ്പതുശമതമാനം മാര്‍ക്കില്‍ കുറയാത്ത പ്ലസ്ടു അല്ലെങ്കില്‍ ഇന്‍റര്‍മീഡിയേറ്റ്.
ശമ്പളം- 29,200 രൂപ.
ഹെഡ് കോണ്‍സ്റ്റബിള്‍ (കമ്യൂണിക്കേഷന്‍)
യോഗ്യത- മെട്രിക്കുലേഷന്‍/ തത്തുല്യം ഇലക്ട്രോണിക്സില് ദ്വിവത്സര ഐടിഐ സര്‍ട്ടഫിക്കറ്റും അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങള്‍ പഠിച്ച് പ്ലസ്ടു അല്ലെങ്കില്‍ ഇന്‍റര്‍മീഡിയറ്റ്.
ശമ്പളം- 25,500 രൂപ.
പ്രായം- സബ് ഇന്‍സ്‌പെക്ടര്‍ തസ്തികയ്ക്ക്- 18- 25
എഎസ്‌ഐ- 18- 25
ഹെഡ്‌കോണ്‍സ്റ്റബില്‍- 18- 23 വയസ്.
2017 ജനുവരി 30 അടിസ്ഥാനമാക്കിയാണ് പ്രായം കണക്കാക്കുന്നത്. എസ്‌സി/ എസ്ടി വിഭാഗക്കാര്‍ക്ക് അഞ്ചും ഒബിസി വിഭാഗക്കാര്‍ക്ക് മൂന്നും വര്‍ഷം ഉയര്‍ന്ന പ്രായത്തില്‍ ഇളവ് ലഭിക്കും. മറ്റു വിഭാഗക്കാര്‍ക്ക് ചട്ടപ്രകാരം ഇളവ് ലഭിക്കും.
ശാരീരിക യോഗ്യതകള്‍- ഉയരം - 170 സെമീ.
ആദിവാസികള്‍ക്കും ഗോത്ര വിഭാഗക്കാര്‍ക്കും 162. സെമീ.
നെഞ്ചളവ്- 80 സെമീ, വികസിപ്പിക്കുമ്പോള്‍ 85 സെമീ. ആദിവാസികള്‍ക്കും ഗോത്രവിഭാഗക്കാര്‍ക്കും 76 സെമീ. വികസിപ്പിക്കുമ്പോള്‍ 81 സെമീ.
തൂക്കം ഉയരത്തിനും പ്രായത്തിനും ആനുപാതികം.
കാഴ്ച- കണ്ണട കൂടാതെ മികച്ച കാഴ്ച ശക്തിയുണ്ടായിരിക്കണം.
കൂട്ടിമുട്ടുന്ന കാല്‍മുട്ടുകള്‍, പരന്നപാദം, പിടച്ച ഞരമ്പുകള്‍, കോങ്കണ്ണ് എന്നിവ പാടില്ല. ശാരീരികമായും മാനസികമായും നല്ല ആരോഗ്യം. കൃത്യനിര്‍വഹണത്തെ തടസപ്പെടുത്തിയേക്കാവുന്ന വൈകല്യങ്ങള്‍ പാടില്ല
വിമുക്തഭടന്‍മാര്‍ യോഗ്യത സംബന്ധിച്ച വിവരങ്ങള്‍ക്കു വെബ്‌സൈറ്റ് കാണുക.
തെരഞ്ഞെടുപ്പ- കായികക്ഷമതാ പരീക്ഷ, എഴുത്തുപരീക്ഷ, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്.
കായിക ക്ഷമത പരീക്ഷ: 14 മിനിറ്റ് കൊണ്ട് 3.2 കിലോമീറ്റര്‍ ഓട്ടം
അപേക്ഷാ ഫീസ്- സബ് ഇന്‍സ്‌പെക്ടര്‍ തസ്തികയിക്ക് 200 രൂപ. എഎസ്‌ഐ, ഹെഡ്‌കോണ്‍സ്റ്റബിള്‍ 100 രൂപ. പട്ടിക ജാതി/ പട്ടിക വര്‍ഗക്കാര്‍ക്കു ഫീസ് ഇല്ല. ഡിഡി, ചെക്ക്, നെറ്റ് ബാങ്കിംഗ് എന്നീ സംവിധാനം ഉപയോഗിച്ച് ഫീസ് അടയ്ക്കാം.
അപേക്ഷിക്കേണ്ട വിധം- www.ssbrectt.gov.in എന്ന വെബ്‌സൈറ്റില്‍ അപേക്ഷാ മാതൃക ലഭ്യമാണ്. അപേക്ഷാ ഫോം പൂരിപ്പിച്ച് സ്വയം സാക്ഷ്യപ്പെടുത്തിയ പാസ്‌പോര്‍ട്ട് സൈസ് ഫോട്ടോ നിര്‍ദിഷ്ട സ്ഥാനത്തു പതിക്കണം.
താഴെക്കാണുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍ക്കും അപേക്ഷയ്‌ക്കൊപ്പം വയ്ക്കണം.
1.വിദ്യാഭ്യാസ യോഗ്യത, ടെക്‌നിക്കല്‍ യോഗ്യത, പ്രവൃത്തിപരിചയം.
2. ജനനതീയതി തെളിയിക്കാന്‍ എസ്എസ്എല്‍സി സര്‍ട്ടഫിക്കറ്റ്.
3. പട്ടികജാതി/ വര്‍ഗം, ഒബിസി വിഭാഗക്കാര്‍ ജാതി തെളിയിക്കുന്ന സര്‍ട്ടിഫിക്കറ്റ്.
4. തഹസില്‍ദാര്‍ നല്കുന്ന അധിവാസ സര്‍ട്ടിഫിക്കറ്റ്.
5. ഐപിഒ/ ഡിഡി/ ചെക്ക്.
6. വിമുക്തഭടന്‍മാര്‍ക്ക് ഡിസ്ചാര്‍ജ് സര്‍ട്ടിഫിക്കറ്റ്.
7. ശാരീരിക യോഗ്യതയില്‍ ഇളവുള്ളവര്‍ക്ക് അതു സംബന്ധിച്ച സര്‍ട്ടിഫിക്കറ്റ്.
അപേക്ഷ ഫോമിന്‍റെ മാതൃകയും അപേക്ഷ അയയ്‌ക്കേണ്ട വിലാസവും ഉള്‍പ്പെട്ട വിശദമായ വിജ്ഞാപനം വെബ്‌സൈറ്റില്‍ ലഭിക്കും.
കൂടുതല്‍ വിവരങ്ങള്‍ക്ക് www.ssbrectt.gov.in എന്ന വെബ്‌സൈറ്റ് കാണുക.