അറ്റോമിക് എനർജി വകുപ്പിനു കീഴിൽ ഡയറക്ടറേറ്റ് ഓഫ് കൺസ്ട്രക്ഷൻ, സർവീസസ് ആൻഡ് എസ്റ്റേറ്റ് മാനേജ്മെന്‍റിൽ വിവിധ തസ്തികകളിൽ 36 ഒഴിവുകളുണ്ട്. സയന്‍റിഫിക് അസിസ്റ്റന്‍റ് (സിവിൽ, ഇലക്‌ട്രിക്കൽ, മെക്കാനിക്കൽ, ഇൻഫർമേഷൻ ടെക്നോളജി/കംപ്യൂട്ടർ സയൻസ്) ടെക്നീഷ്യൻ (പ്ലബിംഗ്, കാർപെന്‍ററി, ഇലക്‌ട്രിക്കൽ, കംപ്യൂട്ടർ ഓപ്പറേഷൻ ആൻഡ് പ്രോഗ്രാമിംഗ് അസിസ്റ്റന്‍റ്, ഇൻഫർമേഷൻ ആൻഡ് കമ്യൂണിക്കേഷൻ ടെക്നോളജി സിസ്റ്റം, മെയിന്‍റനൻസ്, ഡ്രാഫ്റ്റ്മാൻ സിവിൽ), അസിസ്റ്റന്‍റ് സെക്യൂരിറ്റി ഓഫീസർ, അപ്പർ ഡിവിഷൻ ക്ലാർക്ക്, ഡ്രൈവർ എന്നീ തസ്തികകളിലാണ് ഒഴിവ്.
സയന്‍റിഫിക് അസിസ്റ്റന്‍റ്/ബി (സിവിൽ, ഇലക്‌ട്രിക്കൽ, മെക്കാനിക്കൽ, ഇൻഫർമേഷൻ ടെക്നോളജി, കംപ്യൂട്ടർ സയൻസ്): ഒന്പത് ഒഴിവ്.
യോഗ്യത: അതാത് ട്രേഡിൽ അറുപതു ശതമാനം മാർക്കോടെ എൻജിനിയറിംഗ് ഡിപ്ലോമ.
ടെക്നീഷ്യൻ/ബി (പ്ലബിംഗ്, കാർപെന്‍ററി, ഇലക്‌ട്രിക്കൽ, കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്‍റ്, ഇൻഫർമേഷൻ ആൻഡ് കമ്യൂണിക്കേഷന്‍ ടെക്നോളജി സിസ്റ്റം മെയിന്‍റനൻസ്, ഡ്രാഫ്റ്റ്സ്മാൻ സിവിൽ)- 14 ഒഴിവ്.
യോഗ്യത: അറുപതു ശതമാനം മാർക്കോടെ സയൻസ്, മാത്തമറ്റിക്സ് എന്നിവ പഠിച്ച് പ്ലസ്ടു. അപേക്ഷ അയയ്ക്കുന്ന ട്രേഡിൽ ഒരു വർഷത്തെ ഐടിഐയും നാഷണൽ ട്രേഡ് സർട്ടിഫിക്കറ്റും.
അസിസ്റ്റന്‍റ് സെക്യൂരിറ്റി ഓഫീസർ/എ: അഞ്ച് ഒഴിവ്.
യോഗ്യത: ബിരുദവും. സേനയിൽ ജൂണിയർ കമ്മീഷൻഡ് റാങ്കിൽ കുറയാത്ത തസ്തികയിൽ അഞ്ച് വർഷത്തെ സേവന പരിചയം. നിർദിഷ്ട ശാരീരിക യോഗ്യതയും വേണം.
അപ്പർ ഡിവിഷൻ ക്ലാർക്ക്: ആറ്.
യോഗ്യത: അന്പതു ശതമാനം മാർക്കോടെ ബിരുദം. ഇംഗ്ലീഷ് ടൈപ്പിംഗിൽ മിനിറ്റിൽ 30 വാക്ക്.
ഡ്രൈവർ( ഓർഡിനറി ഗ്രേഡ്): 13.
യോഗ്യത: എസ്എസ്എൽസി, ലൈറ്റ്, ഹെവി വാഹനങ്ങൾ ഓടിക്കുന്നതിനുള്ള ലൈസൻസ്, മോട്ടോർ മെക്കാനിസത്തിൽ അറിവ്, ലൈറ്റ്, ഹെവി വാഹനങ്ങൾ ഓടിക്കുന്നതിൽ മൂന്നു വർഷത്തെ പ്രവൃത്തിപരിചയം. ടു വീലർ ഡ്രൈവിംഗ് ലൈസൻസ് അഭിലഷണീയം.
അപേക്ഷാ ഫീസ്: സയന്‍റിഫിക് അസിസ്റ്റന്‍റ്, ടെക്നീഷ്യൻ, അസിസ്റ്റന്‍റ് സെക്യൂരിറ്റി ഓഫീസർ തസ്തികകൾക്ക് 150 രൂപ. അപ്പർ ഡിവിഷൻ ക്ലാർക്ക്, ഡ്രൈവർ തസ്തികകൾക്ക് 100 രൂപ.
വനിതകൾ, വിമുക്തഭടന്മാർ, എസ്‌സി, എസ്ടി വിഭാഗക്കാർ, അംഗപരിമിതർ എന്നിവർക്കു ഫീസില്ല.
അപേക്ഷ: www.dcsem.gov.in അല്ലെങ്കിൽ http://dcsem.mahaonline.gov.in എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കുക.