Deepika.com Career News :സിഡിഎസ് പരീക്ഷാ വിജ്ഞാപനം ഉടൻ.......

ഇന്ത്യൻ മിലിട്ടറി അക്കാഡമി, ഇന്ത്യൻ നേവൽ അക്കാഡമി, എയർ ഫോഴ്സ് അക്കാഡമി എന്നിവടങ്ങളിലെ വിവിധ കോഴ്സുകളിലേക്കുള്ള പ്രവേശനത്തിനായി യൂണിയൻ പബ്ലിക് സർവീസ് കമ്മീഷൻ നടത്തുന്ന കംബൈയിൻഡ് ഡിഫൻസ് സർവീസസ്(സിഡിഎസ്) എക്സാമിനേഷൻ(II) 2018 ന്‍റെ വിജ്ഞാപനം വൈകാതെ പുറപ്പെടുവിക്കും. 2018 ഒക്ടോബറിലായിരിക്കും പരീക്ഷ. അപേക്ഷ ഓണ്‍ലൈനായി മാത്രമേ സ്വീകരിക്കുകയുള്ളൂ.

1. ഇന്ത്യൻ മിലിട്ടറി അക്കാഡമി, ഡെറാഡൂണ്‍: 144-ാമത് കോഴ്സ് (അവിവാഹിതരായ പുരുഷൻമാർക്ക്)- 200 ഒഴിവുകൾ. (എൻസിസി(ആർമി വിംഗ്) സി സർട്ടിഫിക്കറ്റുള്ളവർക്കായി നീക്കി വച്ചിരിക്കുന്ന 32 ഒഴിവുകളുൾപ്പടെ). പ്രായം: 1995 ജൂലൈരണ്ടിനും 2000 ജൂലൈ ഒന്നിനും മധ്യേ ജനിച്ചവരാകണം. യോഗ്യത: ബിരുദം.

2. ഇന്ത്യൻ നേവൽ അക്കാഡമി, ഏഴിമല: എക്സിക്യൂട്ടീവ് (ഹൈഡ്രോ/ജനറൽ സർവീസ്) (അവിവാഹിതരായ പുരുഷൻമാർക്ക്)- 45 ഒഴിവുകൾ. (എൻസിസി(നേവൽ വിംഗ്) സി സർട്ടിഫിക്കറ്റുള്ളവർക്കായി നീക്കിവച്ചിരിക്കുന്ന 6 ഒഴിവുകളുൾപ്പടെ). പ്രായം: 1995 ജൂലൈ രണ്ടിനും 1999ജൂലൈ ഒന്നിനും മധ്യേ ജനിച്ചവരാകണം.യോഗ്യത: എൻജിനിയറിംഗിൽ ബിരുദം.

3. എയർഫോഴ്സ് അക്കാഡമി, ഹൈദരാബാദ്: (പ്രീ-ഫ്ളൈയിംഗ്) ട്രെയിനിംഗ് കോഴ്സ്(അവിവാഹിതരായ പുരുഷൻമാർക്ക്)- 32 ഒഴിവുകൾ. പ്രായം: 1996 ജൂലൈ രണ്ടിനും 2000 ജൂലൈ ഒന്നിനും മധ്യേ ജനിച്ചവരാകണം. യോഗ്യത: ബിരുദവും ഫിസിക്സ്, മാത്തമാറ്റിക്സ് എന്നിവയുൾപ്പടെ പ്ലസ് ടുവും അല്ലെങ്കിൽ എൻജിനിയറിംഗിൽ ബിരുദം.

4. ഓഫീസേഴ്സ് ട്രെയിനിംഗ് അക്കാഡമി, ചെന്നൈ: പുരുഷൻമാർക്കായുള്ള 104-ാമത് എസ്എസ്‌സി കോഴ്സ്- 175 ഒഴിവുകൾ. പ്രായം: 1994ജൂലൈ രണ്ടിനും 1999 ജൂലൈ ഒന്നിനും മധ്യേ ജനിച്ചവരാകണം. യോഗ്യത: അനുയോജ്യമായ ടെക്നിക്കൽ യോഗ്യത.

5. ഓഫീസേഴ്സ് ട്രെയിനിംഗ് അക്കാദമി, ചെന്നൈ: 19-ാമത് എസ്എസ്‌സി (അവിവാഹിതരായ സ്ത്രീകൾ)(നോണ്‍-ടെക്നിക്കൽ) കോഴ്സ്- 12 ഒഴിവുകൾ. പ്രായം: 1994 ജൂലൈ രണ്ടിനും 2000 ജൂലൈ ഒന്നിനും മധ്യേ ജനിച്ചവരാകണം. യോഗ്യത: അനുയോജ്യമായ ടെക്നിക്കൽ യോഗ്യത. രാജ്യത്തൊട്ടാകെ 41 പരീക്ഷാകേന്ദ്രങ്ങളുണ്ട്. കേരളത്തിൽ കൊച്ചിയിലാണ് പരീക്ഷാകേന്ദ്രമുള്ളത്. www.upscon line.nic.in എന്ന വെബ്സൈറ്റ് വഴി മാത്രം.