Deepika.com Career News :വ്യോമസേനയിൽ ഗ്രൂപ്പ് സി.......

വ്യോമസേനയിൽ ഗ്രൂപ്പ് സി

ഹരിയാനയിലെ ഗുഡ്ഗാവിൽ എയർ ഫോഴ്സ് സ്റ്റേഷനിലേക്ക് ഗ്രൂപ്പ് സി തസ്തികകളിൽ അപേക്ഷ ക്ഷണിച്ചു. 16 ഒഴിവുകളുണ്ട്.

ടെലിഫോൺ ഓപ്പറേറ്റർ ഗ്രേഡ് രണ്ട്- ഏഴ് ഒഴിവ്.

യോഗ്യത: ഇംഗ്ലീഷ് നിർബന്ധമായും പഠിച്ച് മെട്രിക്കുലേഷൻ, ഇലക്‌ട്രോണിക്സ് പ്രൈവറ്റ് ബ്രാഞ്ച് എക്സ്ചേഞ്ച്/പ്രൈവറ്റ് ബ്രാഞ്ച് എക്സ്ചേഞ്ച് ഓപ്പറേഷനിൽ ആറു മാസത്തെ സർട്ടിഫിക്കറ്റ്.

മൾട്ടി ടാസ്കിംഗ് സ്റ്റാഫ്: ഒന്പത് ഒഴിവ്.

യോഗ്യത: മെട്രിക്കുലേഷൻ വിജയം, വാച്ചമാൻ, ലാസ്കർ, ഗസ്റ്റ്നർ ഓപ്പറേറ്റർ, മാലി തസ്തികകയിൽ ഒരു വർഷം പരിചയം അഭിലഷണീയം. ‌

സഫായിവാല (ഹൗസ് കീപ്പിംഗ് സ്റ്റാഫ്): ആറ്.

യോഗ്യത: മെട്രിക്കുലേഷൻ പാസ്.
പ്രായം: 18 നും 25നും ഇടയിൽ. ഉയർന്ന പ്രായപരിധിയിൽ ഒബിസി വിഭാഗക്കാർക്ക് മൂന്നുവർഷത്തെയും എസ്‌സി എസ്ടി വിഭാഗക്കാർക്ക് അഞ്ചുവർഷത്തെയും ഇളവ് ലഭിക്കും.

തെരഞ്ഞെടുപ്പ്: പത്താംക്ലാസ് നിലവാരമുള്ള എഴുത്തുപരീക്ഷയിലൂടെയായിരിക്കും തെരഞ്ഞെടുപ്പ്. ജനറൽ ഇന്‍റലിജൻസ് ആൻഡ് റീസണിംഗ്, ജനറൽ ഇംഗ്ലീഷ്, ന്യൂമറിക്കൽ ആപ്റ്റിറ്റ്യൂഡ്, ജനറൽ അവേർനസ് എന്നിവയിൽനിന്ന് ചോദ്യമുണ്ടാവും.

അപേക്ഷിക്കണ്ട വിധം: www.joinindianarmy.nic.in എന്ന വെബ്സൈറ്റിൽ നൽകിയിരിക്കുന്ന അപേക്ഷയുടെ മാതൃക ഡൗൺലോഡ് ചെയ്തെടുത്ത് ഉപയോഗിക്കാം. അപേക്ഷയ്ക്കൊപ്പം ഉദ്യോഗാർഥിയുടെവിലാസം രേഖപ്പെടുത്തി അഞ്ചു രൂപയുടെ സ്റ്റാന്പ് ഒട്ടിച്ച കവറും വയ്ക്കണം.
അപേക്ഷ സ്വീകരിക്കുന്ന അവസാന തീയതി സെപ്റ്റംബർ 30.

വിലാസം: The Air Officer Commanding, Air Force Station, Sohna Road, Gurgaon- 122 001.