Deepika.com Career News :എച്ച്എഎലിൽ അപ്രന്‍റീസ്.......

എച്ച്എഎലിൽ അപ്രന്‍റീസ്

നവരത്ന കന്പനിയായ ഹിന്ദുസ്ഥാൻ എയ്റോനോട്ടിക്സ് ലിമിറ്റഡിന്‍റെ ബംഗളൂരുവിലെ ടെക്നിക്കൽ ട്രയിനിംഗ് ഇൻസ്റ്റിറ്റ്യൂട്ട് ഗ്രാജുവേറ്റ് എൻജിനിയറിംഗ് അപ്രന്‍റിസ്ഷിപ്പിന് അപേക്ഷ ക്ഷണിച്ചു. ഒരു വർഷമാണ് പരിശീലനം. ഒൺലെെനായി അപേക്ഷിക്കണം.

അപേക്ഷ സ്വീകരിക്കുന്ന അവസാന തീയതി: ഒക്‌ടോബർ ഏഴ്.

താഴെപ്പറയുന്ന വിഭാഗങ്ങളിലാണ് അപ്രന്‍റിസ്ഷിപ്പ് അവസരം.
1. എയ്റോനോട്ടിക്കൽ/ എയ്റോസ്പേസ് എൻജിനിയറിംഗ്
2. കെമിക്കൽ എൻജിനി‍യറിംഗ്
3. സിവിൽ എൻജിനിയറിംഗ്
4. കംപ്യൂട്ടർ/ കംപ്യൂട്ടർ സയൻസ് ആൻഡ് ടെക്നോളജി/ കംപ്യൂട്ടർ സയൻസ് ആൻഡ് എൻജിനിയറിംഗ്/ ഇൻഫർമേഷൻ സയൻസ് ആൻഡ് എൻജിനിയറിംഗ്/ ഇൻഫർമേഷൻ ടെക്നോളജി.
5. ഇലക്‌ട്രിക്കൽ എൻജിനിയറിംഗ്/ ഇലക്‌ട്രിക്കൽ ആൻഡ് ഇലക്‌ട്രോണിക്സ് എൻജിനിയറിംഗ്
6. ഇലക്‌ട്രിക്കൽ ആൻഡ് കമ്യൂണിക്കേഷൻ എൻജിനിയറിംഗ്/ ഏവിയേഷൻ എൻജിനിയറിംഗ്/ ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ എൻജിനിയറിംഗ്/ ഇൻഡസ്ട്രിയൽ ഇലക്‌ട്രോണിക്സ് ആൻഡ് ഇൻസ്ട്രുമെന്‍റേഷൻ എൻജിനിയറിംഗ്/ ടെലികമ്യൂണിക്കേഷൻ എൻജിനിയറിംഗ്.
7. മെക്കാനിക്കൽ എൻജിനിയറിംഗ്/ ഇൻഡസ്‌ട്രിയൽ എൻജിനിയറിംഗ്/ ഇൻഡസ്ട്രിയൽ എൻജിനിയറിംഗ്/ ഇൻഡസ്ട്രിയൽ പ്രൊഡക്ഷൻ എൻജിനിയറിംഗ്/ പ്രൊഡക്ഷൻ എൻജിനിയറിംഗ് മാനേജ്മെന്‍റ്.
8. മെറ്റലർ‌ജി ‌എൻജിനിയറിംഗ് ആൻഡ് മെറ്റീരിയൽ സയൻസ് എൻജിനിയറിംഗ്.

യോഗ്യത: മേൽപറഞ്ഞ വിഭാഗങ്ങളിൽ എൻജിനിയറിംഗ് ബരുദം/ അംഗീകൃത പ്രൊവിഷണൽ ബിരുദ സർട്ടിഫിക്കറ്റ്.

യോഗ്യതാ പരീക്ഷ ജയിച്ച് മൂന്ന് വർഷം പൂർത്തിയാക്കിയ ഉദ്യോഗാർഥികളും മുന്പ് അപ്രന്‍റിസ്ഷിപ്പ് പൂർത്തിയാക്കിയവരും രജിസ്റ്റർ ചെയ്തവരും അപേക്ഷിക്കാൻ യോഗ്യരല്ല. ഒരു വർഷമോ അതിലധികമോ പ്രവൃത്തിപരിചയമുള്ളവരും അയോഗ്യരാണ്.
ഒാൺലെെൻ രജിസ്‌ട്രേഷനും വിജ്ഞാപനത്തിന്‍റെ വിശദീകരണങ്ങളും www.hal-india.com എന്ന വെബ്സെെറ്റ് കാണുക.‌