Deepika.com Career News :കെആർഎഫ്ബിയിൽ സൂപ്പർവൈസർ, പ്രോജക്ട് എൻജിനിയർ.......

കെആർഎഫ്ബിയിൽ സൂപ്പർവൈസർ, പ്രോജക്ട് എൻജിനിയർ

കേരള റോഡ് ഫണ്ട് ബോർഡ് (കെആർഎഫ്ബി) സൂപ്പർവൈസർ, പ്രോജക്ട് എൻജിനിയർ തസ്തികകളിലെ 289 ഒഴിവുകളിലേക്ക് അപേക്ഷ ക്ഷണിച്ചു. ഓണ്‍ലൈനായാണ് അപേക്ഷ സ്വീകരിക്കുന്നത്. അപേക്ഷ സ്വീകരിക്കുന്ന അവസാന തീയതി ഒക്ടോബർ 17.

സൈറ്റ് സൂപ്പർവൈസർ 200 ഒഴിവ്.
ശന്പളം: 25,000 രൂപ.
യോഗ്യത: അംഗീകൃത സ്ഥാപനത്തിൽനിന്ന് സിവിൽ എൻജിനിയറിംഗ് ഡിപ്ലോമ. കംപ്യൂട്ടർ പരിജ്ഞാനം.

പ്രോജക്ട് എൻജിനിയർ 89 ഒഴിവ്.
ശന്പളം: 42,000 രൂപ.
യോഗ്യത: അംഗീകൃത സ്ഥാപനത്തിൽനിന്ന് സിവിൽ എൻജിനിയറിംഗിൽ ബിടെക്, സിവിൽ എൻജിനിയറിംഗ് ബിരുദാനന്തര ബിരുദം.

പ്രായം: 40 വയസ്. 30.09.2018 അടിസ്ഥാനമാക്കിയാണ് പ്രായം കണക്കാക്കുന്നത്.
തെരഞ്ഞെടുപ്പ്: എഴുത്തു പരീക്ഷയുടെ അടിസ്ഥാനത്തിലാണ് തെരഞ്ഞെടുപ്പ്.

അപേക്ഷാ ഫീസ്: സൈറ്റ് സൂപ്പർവൈസർ 400 രൂപ. എസ്‌സി/ എസ്ടി വിഭാഗക്കാർക്ക് 200 രൂപ.
പ്രോജക്ട് എൻജിനിയർ 500 രൂപ. എസ്‌സി/ എസ്ടി വിഭാഗക്കാർക്ക് 250 രൂപ.
അപേക്ഷിക്കേണ്ട വിധം:www.krfb.org എന്ന വെബ്സൈറ്റ് വഴി ഓണ്‍ലൈനായാണ് അപേക്ഷ സമർപ്പിക്കേണ്ടത്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.

റിസർവ് ബാങ്കിൽ ലീഗൽ കൺസൾട്ടന്‍റ്

റിസർവ് ബാങ്കിൽ ലീഗൽ കൺസൾട്ടന്‍റ് ഗ്രേഡ് എഫ്, സി/ഡി തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. ലീഗൽ കൺസൾട്ടന്‍റ് ഗ്രേഡ് എഫ്: രണ്ട്, ഗ്രേഡ് സി/ഡി: നാല് ഒഴിവുകളാണുള്ളത്. www.rbi.org.in എന്ന വെബ്സൈറ്റിലൂടെ ഓൺലൈനായാണ് അപേക്ഷ സമർപ്പിക്കേണ്ടത്. അപേക്ഷ സ്വീകരിക്കുന്ന അവസാന തീയതി ഒക്ടോബർ 12. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.