ശാസ്ത്ര വിഷയങ്ങളിൽ അടിസ്ഥാന ഗവേഷണം നടത്തുന്നതിൽ രാജ്യത്തെ മുൻനിര സ്ഥാപനമാണ് ടാറ്റാ ഇൻസ്റ്റിറ്റ്യൂട്ട് ഓഫ് ഫണ്ടമെന്‍റൽ റിസർച്ച് (ടിഐഎഫ്ആർ). ലോകത്തിലെതന്നെ ഒരു മികച്ച ഗവേഷണ സ്ഥാപനമാണ് ഇത് .
ടിഐഎഫ്ആറിന്‍റെ തുടക്കം ഭാരതത്തിന്‍റെ അണുശാസ്ത്ര ഗവേഷണത്തിന്‍റെ പിതാവ് എന്നറിയപ്പെടുന്ന ഡോ. ഹോമി ജെ. ഭാഭ 1943 ൽ വ്യവസായ പ്രമുഖനായ ജെ.ആർ.ഡി. ടാറ്റയ്ക്ക് എഴുതിയ ഒരു എഴുത്തിൽ നിന്നാണ്. അടിസ്ഥാന ശാസ്ത്രത്തിൽ ഒരു സ്ഥാപനം (ഒരു ഇൻസ്റ്റിറ്റ്യൂട്ട്) തുടങ്ങാനുള്ള അഭ്യർഥനയായിരുന്നു ഈ എഴുത്തിൽ ഉണ്ടായിരുന്നത്. സർ ദൊറാബ്ജി ടാറ്റാ ട്രസ്റ്റിന്‍റെ ചെയർമാന് ഈ പ്രോജക്ട് സമർപ്പിക്കാൻ ജെ.ആർ.ഡി ടാറ്റാ നിർദേശിച്ചു. പ്രസ്തുത ട്രസ്റ്റിന്‍റെയും ബോംബെ പ്രസിഡൻസി ഗവണ്‍മെന്‍റിന്‍റെയും ധന സഹായത്തോടെ 1945 ജൂണ്‍ ഒന്നിന് ഇൻസ്റ്റിറ്റ്യൂട്ട് പ്രവർത്തനം ആരംഭിച്ചു.
ടിഐഎഫ്ആറിൽ ഗവേഷണത്തിന് പ്രവേശനം നൽകുന്നത് പ്രവേശന പരീക്ഷ വഴിയാണ്. ബയോളജിക്കൽ സയൻസിന്‍റെ പരീക്ഷ നാഷണൽ സെന്‍റർ ഫോർ ബയോളജിക്കൽ സയൻസ് ആണ് നടത്തുന്നത്. ബാക്കി വിഷയങ്ങളിൽ പരീക്ഷ നടത്തുന്നത് ടിഐഎഫ്ആർ തന്നെയാണ്. പല വിഷയങ്ങളിലും പരീക്ഷയെഴുതാം. അവയ്ക്കൊക്കെ പ്രത്യേകം അപേക്ഷ നൽകുകയും വേണം. പ്രവേശന പരീക്ഷയിൽ ഉയർന്ന മാർക്ക് ലഭിക്കുന്നവർ ഒരു ഇന്‍റർവ്യൂവിന് സന്നിഹിതരാകണം. ബിഎസ്‌സി പാസായവർക്കായി ആറു വർഷത്തെ ഇന്‍റഗ്രേറ്റഡ് പിഎച്ച്ഡി പ്രോഗ്രാമുമുണ്ട്. ഇതുകൂടാതെ ഗേറ്റ്, നെറ്റ്, ജെസ്റ്റ് (ജോയിന്റ് എൻട്രൻസ് സ്ക്രീനിംഗ് ടെസ്റ്റ്) പരീക്ഷകൾ പാസായവരെയും അഭിമുഖം നടത്തി പ്രവേശനം നൽകുകയും ചെയ്യും. ഹോമിഭാഭാ സെന്‍റർ ഫോർ സയൻസ് എഡ്യുക്കേഷനിൽ പ്രത്യേക പ്രവേശന പരീക്ഷയാണ് നടത്തുന്നത്.
ഗ്രാജ്വേറ്റ് സ്കൂൾ അഡ്മിഷൻ ടെസ്റ്റ്
രാജ്യത്തെ മുൻനിര ഗവേഷണ സ്ഥാപനമായ ടാറ്റാ ഇൻസ്റ്റിറ്റ്യൂട്ട് ഓഫ് ഫണ്ടമെന്‍റൽ റിസർച്ച് പിഎച്ച്ഡി, ഇന്‍റഗ്രേറ്റഡ് എംഎസ്‌സി, പിഎച്ച്ഡി, എംഎസ്‌സി പ്രോഗ്രാമുകളിലേക്കുള്ള അഡ്മിഷനു പ്രവേശന പരീക്ഷ (ഗ്രാജ്വേറ്റ് സ്കൂൾ അഡ്മിഷൻ ടെസ്റ്റ്-ജിഎസ്) നടത്തുന്നു. ഡിസംബർ ഒമ്പതിനു നടത്തുന്ന പ്രവേശന പരീക്ഷയ്ക്കു കൊച്ചി പരീക്ഷാ കേന്ദ്രമാണ്. ഓണ്‍ലൈനായി അപേക്ഷ സമർപ്പിക്കേണ്ട അവസാന തീയതി നവംബർ 12. ജനുവരി 10നു പരീക്ഷാ ഫലം പ്രഖ്യാപിക്കും. അപേക്ഷാ ഫീസ് ആണ്‍കുട്ടികൾക്ക് 900 രൂപ. പെണ്‍കുട്ടികൾക്ക് 300 രൂപ.
കോഴ്സുകളും സ്ഥാപനങ്ങളും
മാത്തമാറ്റിക്സ്: സ്കൂൾ ഓഫ് മാത്തമാറ്റിക്സ്, ടിഎഫ്ആർഐ, മുംബൈ മാത്തമാറ്റിക്സ് പിഎച്ച്ഡി. സെന്‍റർ ഫോർ ആപ്ലിക്കബിൾ മാത്തമാറ്റിക്സ്, ബംഗളൂരു, ആപ്ലിക്കബിൾ മാത്തമാറ്റിക്സിൽ പിഎച്ച്ഡി, ഇന്‍റഗ്രേറ്റഡ് പിഎച്ച്ഡി. www.mat h.tifr.res.in, math.tifrbng.res.in, www.icts.res.in.
ഫിസിക്സ്: ടിഎഫ്ആർഐ, മുംബൈ കാമ്പസിലുള്ള ഡിപ്പാർട്ടുമെന്‍റ് ഓഫ് അസ്ട്രോണമി ആൻഡ് അസ്ട്രോ ഫിസിക്സ്, ഡിപ്പാർട്ട്മെന്‍റ് ഓഫ് കണ്ടൻസ്ഡ് മാറ്റർ ഫിസിക്സ് ആൻഡ് മെറ്റീരിയൽ സയൻസ്, ഡിപ്പാർട്ട്മെന്‍റ് ഓഫ് ഹൈ എനർജി ഫിസിക്സ്, ഡിപ്പാർട്ട്മെന്‍റ് ഓഫ് ന്യൂക്ലിയർ ആൻഡ് അറ്റോമിക് ഫിസിക്സ്, ഡിപ്പാർട്ട്മെന്‍റ് ഓഫ് തിയററ്റിക്കൽ ഫിസിക്സ്. പൂനയിലെ നാഷണൽ സെന്‍റർ ഫോർ റേഡിയോ അസ്ട്രോഫിസിക്സ്, ഹൈദരാബാദിലെ ടിഐഎഫ്ആർ സെന്‍റർ ഫോർ ഇന്‍റർ ഡിസിപ്ലിനറി സയൻസസ്, ഇന്‍റർ നാഷണൽ സെന്‍റർ ഫോർ തിയററ്റിക്കൽ സയൻസസ് എന്നിവിടങ്ങളിൽ പിഎച്ച്ഡി, ഇന്‍റഗ്രേറ്റഡ് പിഎച്ച്ഡി. ഫിസിക്സിന് അപേക്ഷിക്കുന്നവർക്ക് ഇന്ത്യാ ബേസ്ഡ് ന്യുട്രീനോ ഒബ്സർവേറ്ററിയിൽ ഗ്രാജ്വേറ്റ് ട്രെയിനിംഗ് പ്രോഗ്രാമിൽ പങ്കെടുക്കാൻ കഴിയും. താത്പര്യമുള്ളവർ ഇതു സംബന്ധിച്ച ഓപ്ഷൻ അപ്ലിക്കേഷഷനിൽ രേഖപ്പെടുത്തണം. www.tifr.res.in/sbp, ncra.tifr.res.in, www.tifrh.res.in, www.icts.res.in, www.ino.tif r.res.in.
കെമിസ്ട്രി: ഡിപ്പാർട്ട്മെന്‍റ് ഓഫ് കെമിക്കൽ സയൻസസ് ടിഐഎഫ്ആർ മുംബൈ. ഹൈദരാബാദിലെ ടിഐഎഫ്ആർ സെന്‍റർ ഫോർ ഇന്‍റർ ഡിസിപ്ലിനറി സയൻസസ്. പിഎച്ച്ഡി, ഇന്‍റഗ്രേറ്റഡ് പിഎച്ച്ഡി. www.tifr.res.in/dcs, www.tif rh.res.in.
ബയോളജി: ടിഐഎഫ്ആർ മുംബൈയിലുള്ള ഡിപ്പാർട്ട്മെന്‍റ് ഓഫ് ബയോളജിക്കൽ സയൻസസ്, ബംഗളൂരുവിലെ നാഷണൽ സെന്‍റർ ഫോർ ബയോളജിക്കൽ സയൻസസ്, ഹൈദരാബാദിലെ ടിഐഎഫ്ആർ സെന്‍റർ ഫോർ ഇന്‍റർ ഡിസിപ്ലിനറി സയൻസസ്. ബംഗളൂരുവിലെ നാഷണൽ സെന്‍റർ ഫോർ ബയോളജിക്കൽ സയൻസസിലാണ് എംഎസ്‌സി പ്രോഗ്രാം. www.tifr.res.in/dbs, www.ncbs.res.in, www.tifrh.res.in.
കംപ്യൂട്ടർ ആൻഡ് സിസ്റ്റംസ് സയൻസ്: ടിഐഎഫ്ആർ മുംബൈയിലെ സ്കൂൾ ടെക്നോളജി ആൻഡ് കംപ്യൂട്ടർ സയൻസസ്. പിഎച്ച്ഡി, ഇന്‍റഗ്രേറ്റഡ് പിഎച്ച്ഡി. http://www.tcs.tifr.res.in.
സയൻസ് എഡ്യൂക്കേഷൻ: ഹോമി ഭാഭാ സെന്‍റർ ഫോർ സയൻസ് എഡ്യൂക്കേഷൻ, മുംബൈ. പിഎച്ച്ഡി, ഇന്‍റഗ്രേറ്റഡ് പിഎച്ച്ഡി. www.hbcse.tifr.res.in.
അഡ്മിഷൻ സംബന്ധിച്ച വിവരങ്ങൾക്ക് അതതു സ്ഥാപനങ്ങളുടെ വെബ്സൈറ്റ് സന്ദർശിക്കുക.