Deepika.com Career News :നവോദയയിൽ അധ്യാപകർ.......

നവോദയയിൽ അധ്യാപകർ

ജവഹർ നവോദയ വിദ്യാലയത്തിൽ 218 പോസ്റ്റ് ഗ്രാജുവേറ്റ് ടീച്ചർ ഉൾപ്പെടെ 251 ഒഴിവുകളിലേക്ക് അപേക്ഷ ക്ഷണിച്ചു. പ്രിൻസിപ്പൽ, അസിസ്റ്റന്‍റ് കമ്മീഷണർ, അസിസ്റ്റന്‍റ്, കംപ്യൂട്ടർ ഓപ്പറേറ്റർ എന്നിവയാണ് ഒഴിവുള്ള മറ്റ് തസ്തികകൾ. അസിസ്റ്റന്‍റ് കമ്മീഷണർ (അഡ്മിനിസ്ട്രേഷൻ): മൂന്ന്

പ്രിൻസിപ്പൽ: 25
പോസ്റ്റ് ഗ്രാജ്വേറ്റ് ടീച്ചർ (പിജിടി):218
അസിസ്റ്റന്‍റ്: രണ്ട്.
കംപ്യൂട്ടർ ഓപ്പറേറ്റർ: മൂന്ന്
എന്നിങ്ങനെയാണ് ഒഴിവുകൾ.

എഴുത്തു പരീക്ഷയ്ക്ക് തിരുവനന്തപുരം കേന്ദ്രമാണ്. തിരുവനന്തപുരത്തിന്‍റെ സിറ്റി കോഡ് 34. ഇതിനു പുറമേ രാജ്യത്തെ 41 നഗരങ്ങളിൽകൂടി പരീക്ഷാ കേന്ദ്രമാണ്.
അപേക്ഷാ ഫീസ്: പ്രിൻസിപ്പൽ, അസിസ്റ്റന്‍റ് കമ്മീഷണർ (അഡ്മിനിസ്ട്രേറ്റർ)- 1500 രൂപ, പിജിടി- 1000 രൂപ, അസിസ്റ്റന്‍റ്, കംപ്യൂട്ടർ ഓപ്പറേറ്റർ- 800 രൂപ, വനിതകൾ, എസ്‌സി, എസ്ടി, അംഗപരിമിതർ എന്നിവർക്ക് ഫീസില്ല.

ഫീസ് ഓൺലൈനായി അടയ്ക്കണം. ഇതിനുള്ള ലിങ്ക് അപേക്ഷ സമർപ്പിക്കുന്ന വെബ്സൈറ്റിൽ ലഭിക്കും. ഫീസ് ഫെബ്രുവരി 15നകം അടച്ചിരിക്കണം.

അപേക്ഷ: www.navo daya.gov.in എന്ന വെബ്സൈറ്റിൽ ഓൺലൈനായി അപേക്ഷിക്കണം. ഉദ്യോഗാർഥിയുടെ പാസ്പോർട്ട് സൈസ് ഫോട്ടോ, ഒപ്പ്, വിരലടയാളം എന്നിവ സ്കാൻ ചെയ്ത് അപ്‌ലോഡ് ചെയ്യണം. ഓൺലൈനായി സമർപ്പിച്ച അപേക്ഷയുടെ പ്രിന്‍റൗട്ട് സൂക്ഷിച്ചു വയ്ക്കണം.

ഇത് തപാലിൽ അയയ്ക്കേണ്ടതില്ല. ഓൺലൈൻ അപേക്ഷ സ്വീകരിക്കുന്ന അവസാന തീയതി ഫെബ്രുവരി 15. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.