റായ്പൂരിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ പാരാ മെഡിക്കൽ, സർട്ടിഫിക്കറ്റ് കോഴ്സുകളിലേക്കും മാസ്റ്റർ ഓഫ് പബ്ലിക് ഹെൽത്ത് കോഴ്സിലേക്കും അപേക്ഷിക്കാം. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. റായ്പൂരിൽ മാത്രമാണു പ്രവേശന പരീക്ഷാ കേന്ദ്രം. വെബ്സൈറ്റ്: www.aiimsraipur.edu.in. ഫോണ്: 07712970617. അപേക്ഷാ ഫീസ് 100 രൂപ. സംവരണ വിഭാഗങ്ങൾക്ക് അപേക്ഷാ ഫീസ് ഇല്ല. ഈ മാസം 25നകം അപേക്ഷിക്കണം.
പാരാമെഡിക്കൽ കോഴ്സുകൾ: ബിഎസ്സി ഓപ്പറേഷൻ തിയറ്റർ ടെക്നോളജി, ബിഎസ്സി മെഡിക്കൽ ടെക്നോളജി ഇൻ റേഡിയോഗ്രാഫി, ബാച്ചിലർ ഇൻ ഓഡിയോളജി ആൻഡ് സ്പീച്ച് ലാംഗ്വേജ് പത്തോളജി, ബിഎസ്സി മെഡിക്കൽ ലബോറട്ടറി ടെക്നോളജി, അഡ്വാൻസ്ഡ് ഡിപ്ലോമ ഇൻ റേഡിയോ തെറാപ്പി ടെക്നോളജി, സർട്ടിഫിക്കറ്റ് കോഴ്സ് ഇൻ പ്രീ ഹോസ്പിറ്റൽ ട്രോമാ ടെക്നീഷൻ. ബിരുദ കോഴ്സുകൾ മൂന്നു വർഷത്തേതും അഡ്വാൻസ്ഡ് ഡിപ്ലോമ രണ്ടു വർഷത്തേതുമാണ്. കൂടാതെ ഇന്റേൺഷിപ്പും ഉണ്ടായിരിക്കും.
സർട്ടിഫിക്കറ്റ് കോഴ്സിന്റെ ദൈർഘ്യം ഒരു വർഷം.ബിരുദ കോഴ്സുകൾക്ക് സയൻസ് വിഷയം പഠിച്ച് 50 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം. സംവരണ വിഭാഗങ്ങൾക്ക് 45 ശതമാനം മാർക്കു മതി. സർട്ടിഫിക്കറ്റ് കോഴ്സിന് ബയോളജി പഠിച്ച് പ്ലസ്ടു പാസായവരായിരിക്കണം അപേക്ഷകർ. 2019 ജൂണ് 30ന് 17 വയസ് പൂർത്തിയായിരിക്കണം. കോഴ്സ് ഫീസ് 3165 രൂപ.അഡ്വാൻസ്ഡ് ഡിപ്ലോമ കോഴ്സിന് ഫിസിക്സ്, കെമിസ്ട്രി, മാത്തമാറ്റിക്സ്, ബയോളജി പഠിച്ച് 50 ശതമാനം മാർക്കോടെ ബിരുദം നേടിയവർക്ക് അപേക്ഷിക്കാം. പ്രായം 2019 ജൂണ് 30ന് 20നും 25നും മധ്യേ. 5856 രൂപയാണു കോഴ്സ് ഫീസ്. സർട്ടിഫിക്കറ്റ് കോഴ്സിന് പ്രതിമാസം 1500 രൂപ സ്റ്റൈപൻഡ് ലഭിക്കും. ജൂലൈ 14നാണു പ്രവേശന പരീക്ഷ. എംസിക്യു മാതൃകയിൽ 100 മാർക്കിന്റെ ചോദ്യങ്ങൾ ഉണ്ടായിരിക്കും. തെറ്റ് ഉത്തരത്തിന് 0.25 മാർക്ക് കുറയ്ക്കും.
എംപിഎച്ച്: മാസ്റ്റർ ഓഫ് പബ്ലിക് ഹെൽത്ത് കോഴ്സിന് ആകെ ആറു സീറ്റുകളാണുള്ളത്. 25നകം അപേക്ഷിക്കണം. ജൂലൈ 15ന് എഴുത്തു പരീക്ഷ. 16ന് ഇന്റർവ്യു. എഴുത്തു പരീക്ഷയ്ക്ക് 70 മാർക്കിന്റെ 70 ചോദ്യങ്ങൾ ഉണ്ടായിരിക്കും.
മെഡിക്കൽ , എൻജിനിയറിംഗ്, വെറ്ററിനറി സയൻസ്, നഴ്സിംഗ്, പാരാമെഡിക്കൽ കോഴ്സുകൾ എന്നിവയിൽ ബിരുദം നേടിയവർക്കും സ്റ്റാറ്റിസ്റ്റിക്സ്, ഡെമോഗ്രാഫി, പോപ്പുലേഷൻ സ്റ്റഡീസ്, ന്യൂട്രീഷൻ, സോഷ്യോളജി, ഇക്കണോമിക്സ്, സൈക്കോളജി, സോഷ്യൽ വർക്ക് എന്നിവൽ ബിരുദാനന്തര ബിരുദം നേടിയവർക്കും അപേക്ഷിക്കാം. കോഴ്സ് ഫീസ് 5856 രൂപ.