Deepika.com Career News :മിശ്രധാതു നിഗമിൽ 24 അവസരങ്ങൾ.......

മിശ്രധാതു നിഗമിൽ 24 അവസരങ്ങൾ

കേന്ദ്ര പ്രതിരോധവകുപ്പിനു കീഴിൽ ഹൈദരാബാദിലുള്ള മിശ്രധാതു നിഗം ലിമിറ്റഡിൽ വിവിധ തസ്തികകളിലായി 24 ഒഴിവുകളിലേക്ക് അപേക്ഷ ക്ഷണിച്ചു.

ചാർജ് ഓപ്പറേറ്റർ: മൂന്ന് ഒഴിവ്
യോഗ്യത: ഏഴാംക്ലാസ് വിജയവും നാലു വർഷത്തെ പ്രവൃത്തിപരിചയവും.

ക്രെയിൻ ഓപ്പറേറ്റർ: രണ്ട് ഒഴിവ്.
യോഗ്യത: എസ്എസ്‌സി, ഐടിഐ (ടർണർ), രണ്ടു വർഷത്തെ പരിചയം.

ഫോർജ് പ്രസ് ഓപ്പറേറ്റർ: മൂന്ന് ഒഴിവ്.
യോഗ്യത: എസ്എസ്എൽസി, ഐടിഐ/എൻജിനിയറിംഗ് ഡിപ്ലോമ. അഞ്ചു വർഷത്തെ പ്രവൃത്തിപരിചയം.

എൻഡിടി ഓപ്പറേറ്റർ: നാല് ഒഴിവ്.
യോഗ്യത: ഡിപ്ലോമ (മെറ്റലർജിക്കൽ/മെക്കാനിക്കൽ) അല്ലെങ്കിൽ ബിഎസ്‌സി, അൾട്രാസോണിക് ടെസ്റ്റിംഗിൽ എൻഡിടി- ലെവൽ രണ്ട് സർട്ടിഫിക്കേഷൻ. ഏഴു വർഷത്തെ പ്രവൃത്തിപരിചയം.

പ്രായം: ഫോർജ് പ്രസ് ഓപ്പറേറ്റർ തസ്തികയിൽ 35 വയസും എൻഡിടി ഓപ്പറേറ്റർ തസ്തികയിൽ 42 വയസും മറ്റുള്ളവയിൽ 30 വയസുമാണ് ഉയർന്ന പ്രായപരിധി. (നിയമാനുസൃത ഇളവുകൾ ബാധകം).

ഓൺലൈനായി അപേക്ഷിക്കണം. വിശദവിവരങ്ങൾക്കും അപേക്ഷയ്ക്കും www.midhanindia.in സന്ദർശിക്കുക. അപേക്ഷ സ്വീകരിക്കുന്ന അവസാന തീയതി ജൂലൈ 13.
അസോസിയേറ്റിന്‍റെ രണ്ട് ഒഴിവുകളിലേക്കും അപേക്ഷിക്കാം. അസോസിയേറ്റ്-ലീഗൽ ആൻഡ് റെക്കോഡ്സ്: യോഗ്യത- അന്പത്തിയഞ്ചു ശതമാനം മാർക്കോടെ എൽഎൽബി. മാനേജ്മെന്‍റിൽ പിജി ഡിപ്ലോമയുള്ളവർക്ക് മുൻഗണന.

അസോസിയേറ്റ്- കോർപ്പറേറ്റ് കമ്യൂണിക്കേഷൻസ്: യോഗ്യത- 55 ശതമാനം മാർക്കോടെ ബിരുദം. പബ്ലിക് റിലേഷൻസ്/ ജേർണലിസത്തിൽ ദ്വിവത്സര പിജി ഡിഗ്രി/ഡിപ്ലോമ. 28 വയസാണ് ഉയർന്ന പ്രായം. വിശദവിരങ്ങൾക്കും അപേക്ഷാ ഫോമിനും മേൽപ്പറഞ്ഞ വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി ജൂൺ 29.