സെന്‍ട്രല്‍ റിസര്‍വ് പോലീസ് ഫോഴ്സ് (സിആര്‍പിഎഫ്) ആശുപത്രികളിലെയും ഇന്‍ഡോ ടിബറ്റന്‍ ബോര്‍ഡര്‍ പോലീസ് (ഐടിബിപി) കേന്ദ്രങ്ങളിലെയും സ്പെഷലിസ്റ്റ് ഡോക്ടര്‍മാരുടെ മെഡിക്കല്‍ ഓഫീസര്‍മാരുടെ ഒഴിവില്‍ കരാര്‍ നിയമനത്തിന് അപേക്ഷ ക്ഷണിച്ചു. സിആര്‍പിഎഫില്‍ 60 ഒഴിവും ഐടിബിപിയില്‍ 10 ഒഴിവുമാണ് ഉള്ളത്.
സിആര്‍പിഎഫ്: തിരുവനന്തപുരത്തെ പള്ളിപ്പുറം സിആര്‍പിഎഫ് ഹോസ്പിറ്റലില്‍ മെഡിസിന്‍, ഐ വിഭാഗങ്ങളില്‍ സ്പെഷലിസ്റ്റ് മെഡിക്കല്‍ ഓഫീസറുടെ ഒരു ഒഴിവ് വീതമുണ്ട്. നവംബര്‍ 29 നാണ് അഭിമുഖം.
ശ്രീനഗര്‍, ഗോഹട്ടി, മുസാഫിര്‍പുര്‍, റാഞ്ചി, ഇംഫാല്‍, ഹൈദരാബാദ്, ഗാന്ധിനഗര്‍, നീമച്ച്, സില്‍ച്ചാല്‍, ബിലാസ്പുര്‍, ജഗദല്‍പുര്‍, അലഹാബാദ്, പുന, ജമ്മു, ബംഗളൂരു എന്നിവിടങ്ങളിലാണ് മറ്റ് ഒഴിവുകള്‍. നവംബര്‍ 22, 29 തീയതികളിലാണ് അഭിമുഖം. വിശദവിവരങ്ങള്‍ക്ക് www.crpf.go v.in എന്ന വെബ്‌സൈറ്റ് ലഭിക്കും.
ഐടിബിപി: ഗ്രേറ്റര്‍ നോയിഡ, ചണ്ഡിഗഡ്, ഡെറാഡൂണ്‍ എന്നിവിടങ്ങളിലായി പത്ത് ഒഴിവുകളാണ് ഉള്ളത്. മെഡിസില്‍- മൂന്ന്, സര്‍ജറി- ഒന്ന്, റേഡിയോളജിസ്റ്റ്- മൂന്ന്, ഇഎന്‍ടി- ഒന്ന്, അനസ്‌
തെറ്റീസ്റ്റ്- ഒന്ന്, ഐ- ഒന്ന്.
അഭിമുഖം നവംബര്‍ 15, 16 തീയതികളില്‍. വിശദവിവരങ്ങള്‍ക്ക് www.itbpolice.nic.in സന്ദര്‍ശിക്കുക.