നോര്ത്ത് സെന്ട്രല് റെയില്വേയില് (പ്രയാഗ് രാജ്) അപ്രന്റിസ് ഷിപ്പിന് അവസരം. വിവിധ ട്രേഡുകളിലായി 1659 ഒഴിവുണ്ട്. പ്രയാഗ് രാജ് ഡിവിഷനിലെ മെക്കാനിക് ഡിപ്പാര്ട്ട്മെന്റ്, ഇലക്ട്രിക്കല് ഡിപ്പാര്ട്ട്മെന്റ്, ജാന്സി ഡിവിഷന്, ജാന്സി വര്ക്ക് ഷോപ്പ്, ആഗ്ര ഡിവിഷന് എന്നിവിടങ്ങളിലാണ് അവസരം. ഒരുവര്ഷമാണ് ട്രെയിനിംഗ് കാലാവധി. പത്താംക്ലാസും ഐടിഐയും പാസായവര്ക്ക് അപേക്ഷിക്കാം.
ട്രേഡുകള്: ഫിറ്റര്, വെല്ഡര്, അര്മച്വര് വിന്ഡര്, മെഷീനിസ്റ്റ്, കാര്പ്പെന്റർ, ഇലക്ട്രീഷ്യന്, പെയിന്റര് (ജനറല്), മെക്കാനിക്കല് (ഡിഎസ്എല്), ഇന്ഫര്മേഷന് ആന്ഡ് കമ്യൂണിക്കേഷന് ടെക്നോളജി സിസ്റ്റം മെയിന്റനന്സ്, പ്ലംബര്, മെക്കാനിക് കം ഓപ്പറേറ്റര് ഇലക്ട്രോണിക്സ് കമ്യൂണിക്കേഷന് സിസ്റ്റം, ഹെല്ത്ത് സാനിറ്ററി ഇന്സ്പെക്ടര്, മള്ട്ടിമീഡിയ ആന്ഡ് വെബ് പേജ് ഡിസൈനര്, എംഎംടിഎം, ക്രെയിന്, ഡ്രോട്ട്സ്മാന് (സിവില്), സ്റ്റെനോഗ്രാഫര് (ഇംഗ്ലീഷ്), സ്റ്റെനോഗ്രാഫര് (ഹിന്ദി).
യോഗ്യത: 10+2 സംവിധാനത്തിൽ ഭാഗമായ പത്താംക്ലാസ്/ എസ്എസ്എല്സി./ മെട്രിക്കുലേഷനില് 50 ശതമാനം മാര്ക്കോടെയുള്ള വിജയവും ഐടിഐ/ നാഷണല് സര്ട്ടിഫിക്കറ്റും (എന്സിവിടി/ എസ്സിവിടി). 28.06.2022 -നകം യോഗ്യത നേടിയവരായിരിക്കണം അപേക്ഷകര്. എന്ജിനിയറിംഗ് ബിരുദധാരികളോ ഡിപ്ലോമക്കാരോ അപേക്ഷിക്കാന് പാടില്ല.
പ്രായം: 2022 ഓഗസ്റ്റ് ഒന്നിന് 15 വയസ്സ് പൂര്ത്തിയായവരും 24 വയസ്സ് കവിയാത്തവരുമായിരിക്കണം അപേക്ഷകര്. ഉയര്ന്ന പ്രായപരിധിയില് എസ്സി, എസ്ടി വിഭാഗക്കാര്ക്ക് അഞ്ചുവര്ഷത്തെയും ഒബിസി വിഭാഗക്കാര്ക്ക് മൂന്ന് വര്ഷത്തെയും ഇളവ് ലഭിക്കും. ഭിന്നശേഷിക്കാര്ക്കും വിമുക്തഭടര്ക്കും നിയമാനുസൃത വയസിളവ് ലഭിക്കും.
അപേക്ഷാഫീസ്: വനിതകള്ക്കും ഭിന്നശേഷിക്കാര്ക്കും എസ്സി, എസ്ടി വിഭാഗക്കാര്ക്കും ഫീസ് ഇല്ല. മറ്റുള്ളവര് 100 രൂപ ഓണ്ലൈനായി അടയ്ക്കണം.
അപേക്ഷ: ഓണ്ലൈനായാണ് അപേക്ഷ സമര്പ്പിക്കേണ്ടത്. വിജ്ഞാപനത്തില് നിര്ദേശിച്ചിരിക്കുന്ന രേഖകള് സ്വയം സാക്ഷ്യപ്പെടുത്തി അപ്ലോഡ് ചെയ്യണം. വിജ്ഞാപനത്തിനും അപേക്ഷിക്കുന്നതിനും www.rrcpryj.org എന്ന വെബ്സൈറ്റ് കാണുക. അപേക്ഷ സമര്പ്പിക്കുന്നതിനുള്ള അവസാന തീയതി: ഓഗസ്റ്റ് 1.