ഡല്‍ഹി പോലീസില്‍ ഹെഡ് കോണ്‍സ്റ്റബിള്‍/ കോണ്‍സ്റ്റബിള്‍ തസ്തികയിലെ 2,268 ഒഴിവുകളിലേക്ക് സ്റ്റാഫ് സെലക്‌ഷന്‍ കമ്മീഷന്‍ അപേക്ഷ ക്ഷണിച്ചു. കോണ്‍സ്റ്റബിള്‍ തസ്തികയിലേക്ക് പുരുഷന്‍മാര്‍ക്ക് മാത്രമാണ് അവസരം. ഹെഡ് കോണ്‍സ്റ്റബിള്‍ തസ്തികയിലേക്ക് സ്ത്രീകൾക്കും അപേക്ഷിക്കാം.
കോൺസ്റ്റബിൾ (ഡ്രൈവർ)- 1,411 ഒഴിവ്
യോഗ്യത: പന്ത്രണ്ടാംക്ലാസ് വിജയം/തത്തുല്യം. ഹെവി വെഹിക്കിൾ ഡ്രൈവിംഗ് ലൈസൻസ്. വാഹന അറ്റകുറ്റപ്പണികളിൽ പരിജ്ഞാനമുണ്ടായിരിക്കണം. ശാരീരിക വൈകല്യമുള്ളവരും വനിതകളും അപേക്ഷിക്കേണ്ടതില്ല.
പ്രായം: 21- 30 വയസ്. 2022 ജൂലൈ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്.
ശന്പളം: 21,700 - 69,100 രൂപ.
ഹെഡ് കോൺസ്റ്റബിൾ- അസിസ്റ്റന്‍റ് വയർലെസ് ഓപ്പറേറ്റർ (എഡബ്ല്യുഒ)/ ടെലി പ്രിന്‍റർ ഓപ്പറേറ്റർ (ടിപിഒ)- പുരുഷൻമാർ: 573, സ്ത്രീ: 284.
യോഗ്യത: സയൻസ്, കണക്ക് വിഷയങ്ങൾ പഠിച്ച് പന്ത്രണ്ടാംക്ലാസ് ജയം. മെക്കാനിക്ക് കം-ഓപ്പറേറ്റർ ഇലക്‌ട്രോണിക്സ് ആൻഡ് കമ്യൂണിക്കേഷൻ ട്രേഡിൽ നാഷണൽ ട്രേഡ് സർട്ടിഫിക്കറ്റ്. കംപ്യൂട്ടർ പരിജ്ഞാനവും ടൈപ്പിംഗ് പരിജ്ഞാനവും ഉണ്ടായിരിക്കണം.
പ്രായം: 18- 27 വയസ്. 2022 ജൂലൈ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്.
ശന്പളം: 25,500- 81,100 രൂപ.
തെരഞ്ഞെടുപ്പ്: എഴുത്തുപരീക്ഷ, ശാരീരികക്ഷമതാ പരീക്ഷ, ട്രേഡ് ടെസ്റ്റ് എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. കേരളത്തിൽ എറണാകുളം, കണ്ണൂർ, കൊല്ലം, കോട്ടയം, കോഴിക്കോട്, തൃശൂർ, തിരുവനന്തപുരം എന്നിവടങ്ങളിൽ പരീക്ഷാകേന്ദ്രമുണ്ട്. ശാരീരിക ക്ഷമതാ പരീക്ഷയും ട്രേഡ് ടെസ്റ്റും ഡൽഹിയിലായിരിക്കും നടക്കുക.
അപേക്ഷാ ഫീസ്: 100 രൂപ. എസ്‌സി/എസ്ടി വിഭാഗക്കാർ, വിമുക്തഭടൻമാർ എന്നിവർക്ക് ഫീസില്ല. ഓൺലൈനായും ഓഫ് ലൈനായും ഫീസടയ്ക്കാം.
അപേക്ഷിക്കേണ്ട വിധം: www.ssc.nic.in എന്നവെബ്സൈറ്റിലൂടെ ഓൺലൈനായാണ് അപേക്ഷ സമർപ്പിക്കേണ്ടത്.
ഓൺലൈൻ അപേക്ഷയ്ക്കു പാസ്പോർട്ട് സൈസ് ഫോട്ടോ, ഒപ്പ് എന്നിവ സ്കാൻ ചെയ്ത് അപ്ലോഡ് ചെയ്യണം.
ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂലൈ 29. വെബ്സൈറ്റ് www.ssc.nic.in