Deepika.com Career News :കോൾ ഇന്ത്യയിൽ 398 മാനേജ്മെന്‍റ് ട്രെയിനി.......

കോൾ ഇന്ത്യയിൽ 398 മാനേജ്മെന്‍റ് ട്രെയിനി

മഹാരാത്ന റാങ്കിലുള്ള കേന്ദ്ര പൊതുമേഖാലാ സ്ഥാപനമായ കോൾ ഇന്ത്യ ലിമിറ്റഡിൽ (കോൽക്കത്ത) മാനേജ്മെന്‍റ് ട്രെയിനിയാകാൻ അവസരം. വിവിധ വിഷയങ്ങളിലായി 398 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.

എൻജിനിയറിംഗ് ഉൾപ്പെടെയുള്ള ബിരുദം. പിജി ഡിഗ്രി, എംബിഎ, എംഎസ്ഡബ്ല്യു, പിജി ഡിപ്ലോമ തുടങ്ങിയ യോഗ്യതയുള്ളവർക്ക് അപേക്ഷിക്കാം. കംപ്യൂട്ടർ അധിഷ്ഠിത ഓണ്‍ലൈൻ പരീക്ഷയിലൂടെയാണ് തെരഞ്ഞെടുപ്പ്.

പേഴ്സണൽ ആൻഡ് എച്ച്ആർ- 56
എൻവയോണ്‍മെന്‍റ്- 68
മെറ്റീരിയൽസ് മാനേജ്മെന്‍റ്- 115
മാർക്കറ്റിംഗ് ആൻഡ് സെയിൽസ്- 16
കമ്യൂണിറ്റി ഡെവലപ്മെന്‍റ്- 79
ലീഗൽ- 54
പബ്ലിക് റിലേഷൻസ്- ആറ്
കന്പനി സെക്രട്ടറി- നാല്

പ്രായപരിധി: 2022 മേയ് 31ന് 30 വയസാണ് ഉയർന്ന പ്രായപരിധി. എസ്‌സി, എസ്ടി വിഭാഗക്കാർക്ക് അഞ്ചുവർഷത്തെയും ഒബിസി (എൻസിഎൽ) വിഭാഗക്കാർക്ക് മൂന്നുവർഷത്തെയും ഇളവുണ്ട്. ഭിന്നശേഷിക്കാർക്കും വിമുക്തഭടൻമാർക്കും നിയമാനുസൃത ഇളവ് ലഭിക്കും.

ശന്പളം: തുടക്കത്തിൽ പ്രതിമാസം 50,000 രൂപ ലഭിക്കും. ട്രെയിനിംഗ് പൂർത്തിയാക്കുന്നവരെ 60,000- 1,80,000 രൂപ ശന്പള നിരക്കിൽ നിയമിക്കും.

അപേക്ഷാ ഫീസ്: 1000 രൂപ. എസ്‌സി, എസ്ടി, ഭിന്നശേഷിക്കാർക്കും വിമുക്തഭടന്മാർക്കും ഫീസില്ല.

അപേക്ഷ: ഓണ്‍ലൈനായി അപേക്ഷ സമർപ്പിക്കണം. കൂടുതൽ വിവരങ്ങൾക്ക് www.coalindia.in എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി ഓഗസ്റ്റ് ഏഴ്.