കേന്ദ്ര പൊതുമേഖലാ സ്ഥാപനമായ ഹിന്ദുസ്ഥാൻ കോപ്പറിൽ ട്രേഡ് അപ്രന്‍റിസ്ഷിപ്പിന് അവസരം. രാജസ്ഥാനിലെ ജുൻജുനു ജില്ലയിലുള്ള ഖേത്രി കോപ്പർ കോംപ്ലക്സിലാണ് അവസരം. വിവിധ ട്രേഡുകളിലായി 290 ഒഴിവുകളുണ്ട്. അപേക്ഷ ഓണ്‍ലൈനായി സമർപ്പിക്കണം.
മേറ്റ് (മൈൻസ്)- 60, ബ്ലാസ്റ്റർ (മൈൻസ്)- 100, ഡീസൽ മെക്കാനിക്ക്- 10, ഫിറ്റർ- 30, ടർണർ-5, വെൽഡർ (ഗ്യാസ് ആൻഡ് ഇലക്‌ട്രിക്ക്)- 25, ഇലക്‌ട്രീഷ്യൻ- 40, ഇല‌ക്‌ട്രോണിക്സ് മെക്കാനിക്ക്- ആറ്, ഡ്രോട്ട്സ്മാൻ (സിവിൽ)- രണ്ട്, ഡ്രോട്ട്സമാൻ (മെക്കാനിക്കൽ)- മൂന്ന്, കോപ്പാ- രണ്ട്, സർവേയർ- അഞ്ച്, റഫ്രിജറേഷൻ ആൻഡ് എയർ കണ്ടീഷണർ- രണ്ട്.
യോഗ്യത: മേറ്റ് (മൈൻസ്), ബ്ലാസ്റ്റർ (മൈൻസ്) ട്രേഡുകളിലേക്ക് പ്ലസ്ടുവും തത്തുല്യവും. മറ്റു ട്രേഡുകളിലേക്ക് പ്ലസ്ടുവും ബന്ധപ്പെട്ട ട്രേഡിൽ എൻസിവിടി/എസ്‌സിവിടി അംഗീകൃത ഐടിഐ സർട്ടിഫിക്കറ്റും. ഡിപ്ലോമ/ ബിഇ പോലുള്ള അധികയോഗ്യത പരിഗണിക്കുന്നതല്ല.
കാലാവധി: മേറ്റ് (മൈൻസ്) ട്രേഡിൽ മൂന്നുവർഷവും ബ്ലാസ്റ്റർ (മൈൻസ്), ഡീസൽ മെക്കാനിക്ക് ട്രേഡിൽ രണ്ടു വർഷവും ബാക്കി ട്രേഡിൽ ഒരു വർഷവുമാണ് കാലാവധി. സ്റ്റൈപെൻഡ് ചട്ടങ്ങൾക്ക് വിധേയമായിരിക്കും. 2019 നോ അതിനു മുന്പോ ഐടിഐ യോഗ്യത നേടിയവർ, തങ്ങൾ ഇതിനു മുന്പ് അപ്രന്റിസ്ഷിപ്പോ ജോലിയോ ചെയ്തിട്ടില്ലെന്ന് സത്യവാങ്മൂലം നൽകണം.
പ്രായം: 18- 30 വയസ്.
ഉയർന്ന പ്രായപരിധിയിൽ എസ്്സി,എസ്ടി വിഭാഗക്കാർക്ക് അഞ്ചു വർഷത്തെയും ഒബിസി വിഭാഗക്കാർക്ക് മൂന്നുവർഷത്തെയും ഇളവ് ലഭിക്കും.
2022 നവംബർ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്.
അപേക്ഷ: കേന്ദ്ര ഗവണ്‍മെന്‍റിന്‍റെ അപ്രന്‍റിസ്ഷിപ്പ് പോർട്ടലായ www.apprenticeshipindia.org ൽ രജിസ്റ്റർ ചെയ്ത് ഹിന്ദുസ്ഥാൻ കോപ്പറിന്റെ www.hindustancopper.com എന്ന വെബ്സൈറ്റ് വഴി അപേക്ഷ സമർപ്പിക്കണം. അപേക്ഷ സ്വീകരിക്കുന്ന അവസാന തീയതി ഡിസംബർ 12.