പപ്പയുടെ സ്വന്തം അപ്പൂസിലെ അപ്പൂസ് ആയി തിളങ്ങിയ ബാദുഷ നായകനായി എത്തുന്ന ചിത്രമാണ് വിശുദ്ധപുസ്തകം. ഷാബു ഉസ്മാനാണ് ചിത്രം സംവിധാനം ചെയ്യുന്നത്. രാജേഷ് കളിയിക്കൽ നിർമിക്കുന്ന ഈ ചിത്രത്തിന്റെ ചിത്രീകരണം കോന്നിയിലും പരിസരപ്രദേശങ്ങളിലുമായി പൂർത്തിയായി.
നജീബ് എന്ന കഥാപാത്രത്തെയാണ് ബാദുഷ ഈ ചിത്രത്തിൽ അവതരിപ്പിക്കുന്നത് .""എനിക്ക് നല്ല പ്രതീക്ഷയുണ്ട്. വിശുദ്ധപുസ്തകത്തിലെ എന്റെ കഥാപാത്രം എല്ലാവരെയും ആകർഷിക്കും....ഉറപ്പ്''-ബാദുഷ പറയുന്നു.
മനോജ് കെ. ജയൻ രാജാ സുബ്രഹമണ്യം എന്ന വ്യത്യസ്ത കഥാപാത്രത്തെ അവതരിപ്പിക്കുന്നു. ബാദുഷയുടെ നായികയായി എത്തുന്നത് ആലിയയാണ്. ശിവപാർവതി ഫിലിംസിനുവേണ്ടി രാജേഷ് കളിയിക്കൽ ചിത്രം നിർമിക്കുന്നു.
ജനാർദ്ദനൻ, മധു, മാമുക്കോയ, ഭീമൻ രഘു, കലാഭവൻ നവാസ്, മനോജ് ഗിന്നസ്, പത്മരാജ് രതീഷ്, ഉല്ലാസ് പന്തളം, കോബ്ര രാജേഷ്, ആദിനാട് ശശി, സിയാദ് അബ്ദുളള , പി.എസ് നന്പൂതിരി, കൊല്ലം സിറാജ്, കലഞ്ഞൂർ സന്തോഷ്, വോഡഫോണ് സുരേഷ്, അനിൽ കുമാർ, അനിൽ അനശ്വര, ആലിയ, ശാന്തകുമാരി, കനകലത, മീനാക്ഷി എന്നിവരാണ് മറ്റു താരങ്ങൾ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.