യൗ​വ​ന​കാ​ല​ഘ​ട്ട​ത്തി​ൽ താ​ൻ ആ​ത്മ​ഹ​ത്യ​യെ​ക്കു​റി​ച്ച് ചി​ന്തി​ച്ചി​രു​ന്നു എ​ന്ന് തു​റ​ന്നു പ​റ​ഞ്ഞ് ത​മി​ഴ് സൂ​പ്പ​ർ​താ​രം ക​മ​ൽ ഹാ​സ​ൻ. ഇ​ത്ര വ​ലി​യ ന​ട​നാ​യി​ട്ടും ആ​രും ത​ന്നെ ശ്ര​ദ്ധി​ക്കു​ന്നി​ല്ല എ​ന്ന തോ​ന്ന​ലാ​ണ് ആ​ത്മ​ഹ​ത്യ എ​ന്ന ചി​ന്ത ത​ന്നി​ലു​ണ്ടാ​ക്കി​യ​ത് എ​ന്നാ​ണ് ക​മ​ൽ ഹാ​സ​ൻ പ​റ​ഞ്ഞ​ത്.

ആ​ത്മ​ഹ​ത്യ എ​ന്ന​ത് മ​റ്റൊ​രു ത​ര​ത്തി​ൽ കൊ​ല​പാ​ത​മാ​ണെ​ന്നും അ​ദ്ദേ​ഹം പ​റ​ഞ്ഞു. ചെ​ന്നൈ ല​യോ​ള കോ​ളേ​ജ് വി​ദ്യാ​ർ​ത്ഥി​ക​ളു​മാ​യി സം​വാ​ദി​ക്കു​ന്ന​തി​നി​ടെ ആ​യി​രു​ന്നു അ​ദ്ദേ​ഹം മ​ന​സു തു​റ​ന്ന​ത്.

ഇ​രു​പ​ത്, ഇ​രു​പ​ത്തൊ​ന്ന് വ​യ​സി​ൽ ആ​ത്മ​ഹ​ത്യ​യെ കു​റി​ച്ച് ഞാ​ൻ ചി​ന്തി​ച്ചി​രു​ന്നു. ന​മു​ക്ക് ന​മ്മ​ളെ കു​റി​ച്ച് അ​മി​ത ആ​ത്മ​വി​ശ്വാ​സം എ​പ്പോ​ഴും ഉ​ണ്ടാ​കും. ഞാ​ൻ ഇ​ത്ര​യും വ​ലി​യ ന​ട​നാ​യി​ട്ടും എ​ന്നെ ആ​രും ശ്ര​ദ്ധി​ക്കു​ന്നി​ല്ല പ​രി​ഗ​ണി​ക്കു​ന്നി​ല്ല എ​ന്ന് ഞാ​ൻ വി​ചാ​രി​ച്ചു.

ഞാ​ൻ മ​രി​ച്ച് പോ​യാ​ൽ ഇ​ത്ര​യും ന​ല്ലൊ​രു ക​ലാ​കാ​ര​നാ​യി​രു​ന്നു എ​ന്ന് പ​റ​ഞ്ഞ് ആ​ളു​ക​ൾ ശ്ര​ദ്ധി​ക്കു​മെ​ന്ന് ചി​ന്തി​ച്ചു. ഗൗ​ര​വ​മാ​യി ത​ന്നെ അ​തി​നെ പ​റ്റി ഞാ​ൻ ചി​ന്തി​ച്ചു.

അ​ന്ന് അ​ന​ന്തു എ​ന്നൊ​രു ഗു​രു എ​നി​ക്ക് ഉ​ണ്ടാ​യി​രു​ന്നു. പോ​ടാ മ​ഠ​യാ, നീ ​ബു​ദ്ധി​ശാ​ലി ആ​ണെ​ങ്കി​ല്‍ ഞാ​ന്‍ പി​ന്നെ ആ​രാ? ഞാ​ന്‍ എ​ത്ര​യോ സി​നി​മ​ക​ളി​ൽ അ​ഭി​ന​യി​ച്ചു. എ​ന്നി​ട്ട് ആ​രെ​ങ്കി​ലും തി​രി​ച്ച​റി​ഞ്ഞോ. എ​ന്നി​ട്ടും ഞാ​ൻ ജോ​ലി ചെ​യ്യു​ന്നി​ല്ലേ.

എ​ല്ലാ​ത്തി​നും ഒ​രു സ​മ​യ​മു​ണ്ടെ​ന്ന് എ​ന്നോ​ട് പ​റ​ഞ്ഞു. ആ​ത്മ​ഹ​ത്യ എ​ന്നു പ​റ​യു​ന്ന​ത് കൊ​ല​പാ​ത​ക​ത്തി​ലും ഒ​ട്ടും ചെ​റി​യ കാ​ര്യ​മ​ല്ല. ഇ​രു​ട്ട് എ​പ്പോ​ഴും നി​ങ്ങ​ളു​ടെ കൂ​ടെ ഉ​ണ്ടാ​യി​രി​ക്കി​ല്ല.

ഒ​രു​നാ​ൾ വെ​യി​ൽ വ​രു​ക ത​ന്നെ ചെ​യ്യും. അ​തു​വ​രെ ഒ​ന്ന് കാ​ത്തി​രി​ക്കൂ. ഇ​രു​ട്ടാ​യി​രി​ക്കു​മ്പോ​ൾ പേ​ടി തോ​ന്നു​ന്നു​ണ്ടെ​ങ്കി​ൽ, ആ ​ഇ​രു​ട്ടി​നെ പ്ര​കാ​ശ​മാ​ക്കാ​ൻ സ്വ​പ്നം കാ​ണൂ.

ക​ലാം സാ​ർ പ​റ​ഞ്ഞ​ത് പോ​ലെ. ആ​ത്മ​ഹ​ത്യ എ​ന്ന​ത് ഒ​രു നി​മി​ഷ​ത്തെ തോ​ന്ന​ല്‍ മാ​ത്ര​മാ​ണ്. ആ ​നേ​ര​ത്ത് എ​നി​ക്ക് അ​ന​ന്തു വ​ന്ന​ത് പോ​ലെ, എ​ടാ മു​ട്ടാ​ൾ എ​ന്ന് വി​ളി​ച്ച് പി​ന്തി​രി​പ്പി​ക്കാ​ന്‍ ഒ​രാ​ൾ ഉ​ണ്ടാ​യാ​ല്‍ മ​തി. ഇ​ത് കേ​ൾ​ക്കു​ന്ന​വ​ർ​ക്ക് ഒ​രു പ്ര​ചോ​ദ​നം ആ​കു​മെ​ന്ന് ക​രു​തു​ന്നു. ക​മ​ൽ​ഹാ​സ​ൻ പ​റ​ഞ്ഞു.