Cinema
എ​ടാ വി​ജ​യാ ഞാ​ന്‍ നി​ന്നെ ഒ​ന്ന് ഉ​മ്മ വ​ച്ചോ​ട്ടേ...
Sunday, August 7, 2022 3:06 PM IST
"എ​ടാ എ​ന്നു വി​ളി​ച്ചാ​ല്‍ എ​ന്താ​ടാ എ​ന്ന് വി​ളി കേ​ള്‍​ക്കാ​ന്‍ ഒ​രാ​ളു​ള്ള​ത് ന​ല്ല​താ... "നീ ​ഈ ഇ​ട​യാ​യി ഭ​ക്ഷ​ണ​കാ​ര്യ​ങ്ങ​ളി​ലൊ​ന്നും തീ​രെ ശ്ര​ദ്ധി​ക്കു​ന്നി​ല്ല ദാ​സാ...', "അ​ടി​ച്ചോ ഇ​നി​യും അ​ടി​ച്ചോ...', "മീ​ന​വി​യ​ല്‍ എ​ന്താ​യോ എ​ന്തോ...', "ഓ​രോ​ന്നി​നും അ​തി​ന്‍റെ​താ​യ സ​മ​യ​മു​ണ്ട് ദാ​സാ..'​, "ഹാ​യ് എ​ന്ത് മ​നോ​ഹ​ര​മാ​യ ന​ട​ക്കാ​ത്ത സ്വ​പ്നം...' തു​ട​ങ്ങി​യ നി​ര​വ​ധി സം​ഭാ​ഷ​ണ​ങ്ങ​ള്‍ ഒ​രു ആ​വ​ര്‍​ത്തി​യെ​ങ്കി​ലും പ​റ​യാ​ത്ത​വ​രോ ഇ​നി പ​റ​ഞ്ഞി​ല്ലെ​ങ്കി​ല്‍ ത​ന്നെ അ​ത് കേൾക്കാത്ത​വ​രോ വിരളമാ​യി​രി​ക്കും.

മോ​ഹ​ന്‍​ലാ​ല്‍-​ശ്രീ​നി​വാ​സ​ന്‍ കൂ​ട്ടു​കെ​ട്ട് എ​ന്നു പ​റ​യു​ന്ന​ത് മ​ല​യാ​ള സി​നി​മ​യു​ടെ ത​ന്നെ കൂ​ട്ടു​കെ​ട്ടാ​യി​രു​ന്നു. പൊ​ട്ടാ​ത്ത നൂ​ലി​ഴ​ക​ള്‍ പോ​ലെ ആ ​കൂ​ട്ടു​കെ​ട്ടു​ക​ള്‍ നി​ര​വ​ധി സി​നി​മ​ക​ള്‍ നെ​യ്തു​കൂ​ട്ടി. അ​തെ​ല്ലാം ക​ണ്ട് മ​ല​യാ​ളി​ക​ള്‍ ചി​രി​ച്ചു. വെ​റും ചി​രി​യ​ല്ല പൊ​ട്ടി ചി​രി​ക്കു​ക​യാ​യി​രു​ന്നു അ​വ​ര്‍.

ചി​രി​ക്കി​ല്ല എ​ന്നു വാ​ശി​പി​ടി​ച്ചാ​ല്‍ പോ​ലും ന​മ്മ​ള്‍ ചി​രി​ച്ചു പോ​കു​ന്ന ത​ര​ത്തി​ലു​ള്ള ഒ​രു അ​സാ​ധ്യ കോ​മ്പി​നേ​ഷ​നാ​യി​രു​ന്നു ഇ​രു​വ​രും. തൊ​ണ്ണൂ​റു​ക​ളും ര​ണ്ടാ​യി​രം വ​ര്‍​ഷ​ങ്ങ​ളു​മൊ​ക്കെ ലാ​ല്‍ ശ്രീ​നി​വാ​സ​ന്‍ എ​ന്ന ആ ​കൂ​ട്ടു​കെ​ട്ട് കൈ​വ​ശ​പ്പെ​ടു​ത്തി എ​ന്നു വേ​ണ​മെ​ങ്കി​ലും പ​റ​യാം.

പി​ന്നീ​ട് ഇ​ട​യ്‌​ക്കെ​പ്പോ​ഴോ സി​നി​മ​ക​ളും അ​തി​ലേ​ക്കു​ള്ള ദൂ​ര​ങ്ങ​ളും കൂ​ടി​യ​താ​യി തോ​ന്നി. എ​ങ്കി​ലും പ്രേ​ക്ഷ​ക​ര്‍ ക്ഷ​മ​യോ​ടെ കാ​ത്തി​രു​ന്നു. അ​ത്ത​ര​മൊ​രു പു​ന​ര്‍​സൃ​ഷ്ടി​ക്കാ​യി.

സ​മൂ​ഹ​മാ​ധ്യ​മ​ങ്ങ​ളി​ല്‍ ഇ​പ്പോ​ള്‍ വൈ​റ​ലാ​യി ക​റ​ങ്ങു​ന്ന ഒ​രു ചി​ത്ര​മു​ണ്ട്. ഇ​ന്ന​ത്തെ ചി​ത്രം എ​ന്ന ത​ല​ക്കെ​ട്ടോ​ടെ കൊ​ടു​ക്കാ​ന്‍ ക​ഴി​യു​ന്ന അ​തി​സു​ന്ദ​ര​മാ​യ ചി​ത്രം. ശ്രീ​നി​വാ​സ​നെ ചേ​ര്‍​ത്തു നി​ര്‍​ത്തി ക​വി​ളി​ല്‍ ഉ​മ്മ കൊ​ടു​ക്കു​ന്ന മോ​ഹ​ന്‍​ലാ​ല്‍.

അ​മ്മ അ​സോ​സി​യേ​ഷ​നും ഒ​രു സ്വ​കാ​ര്യ ചാ​ന​ലും ചേ​ര്‍​ന്നു ന​ട​ത്തു​ന്ന ഷോ​യു​ടെ പ്രെ​മോ വീ​ഡി​യോ​യി​ലാ​ണ് അ​ത്ത​ര​മൊ​രു മ​നോ​ഹ​ര നി​മി​ഷം പി​റ​വി​യെ​ടു​ത്ത​ത്.

ശ്രീ​നി​വാ​സ​നെ ചേ​ര്‍​ത്തു നി​ര്‍​ത്തി മോ​ഹ​ന്‍​ലാ​ല്‍ മു​ത്തം കൊ​ടു​ക്കു​ന്ന ചി​ത്രം മ​ക​ന്‍ ധ്യാ​ന്‍ ശ്രീ​നി​വാ​സ​നും മ​റ്റ് താ​ര​ങ്ങ​ളൊ​ക്കെ​യും പ​ങ്കു​വ​ച്ചി​ട്ടു​ണ്ട്. ഇ​ന്ന​ത്തെ ചി​ത്രം എ​ന്നാ​ണ് എ​ല്ലാ​വ​രും ഇ​തി​നെ വി​ശേ​ഷി​പ്പി​ക്കു​ന്ന​ത്. ഏ​താ​യാ​ലും ആ ​ചി​ത്രം പോ​ലെ ത​ന്നെ ഒ​രു ക​ഥ പ​റ​യാ​നു​ണ്ടാ​ക​ട്ടെ, ഒ​രു സി​നി​മ ഉ​ണ്ടാ​ക​ട്ടെ..
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.