Cinema
റോഷൻ ആൻഡ്രൂസ്-ആൽവിൻ ആന്‍റണി കേസ്: തുടർ നടപടി അന്വേഷണത്തിന് ശേഷം
Tuesday, March 19, 2019 2:09 PM IST
നി​ർ​മാ​താ​വ് ആ​ൽ​വി​ൻ ആ​ന്‍റ​ണി​യു​ടെ വീ​ട്ടി​ൽ ഗു​ണ്ട​ക​ളു​മാ​യെ​ത്തി സം​വി​ധാ​യ​ക​ൻ റോ​ഷ​ൻ ആ​ൻ​ഡ്രൂ​സ് ആ​ക്ര​മി​ച്ചെ​ന്ന പ​രാ​തി​യി​ൽ വി​ശ​ദ​മാ​യ അ​ന്വേ​ഷ​ണ​ത്തി​ന് ശേ​ഷ​മാ​യി​രി​ക്കും തു​ട​ർ ന​ട​പ​ടി​ക​ൾ സ്വീ​ക​രി​ക്കു​ക​യെ​ന്ന് എ​റ​ണാ​കു​ളം സൗ​ത്ത് പോ​ലീ​സ് അ​റി​യി​ച്ചു. സം​ഭ​വ​ത്തി​ൽ ആ​ൽ​വി​ൻ ആ​ന്‍റ​ണി ത​ന്നെ മ​ർ​ദ്ദി​ച്ചെ​ന്ന് കാ​ട്ടി സം​വി​ധാ​യ​ക​ൻ റോ​ഷ​ൻ ആ​ൻ​ഡ്രൂ​സും പോ​ലീ​സി​ൽ പ​രാ​തി ന​ൽ​കി​യി​ട്ടു​ണ്ട്.

ഇ​രു​വ​രു​ടെ​യും പ​രാ​തി​യി​ൽ സൗ​ത്ത് പോ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. ഈ ​സാ​ഹ​ച​ര്യ​ത്തി​ലാ​ണ് വി​ശ​ദ​മാ​യ അ​ന്വേ​ഷ​ണം ന​ട​ത്താ​ൻ പോ​ലീ​സ് തീ​രു​മാ​നം. ഇ​രു​വ​രെ​യും വീ​ണ്ടും വി​ളി​ച്ചു​വ​രു​ത്തി ചോ​ദ്യം ചെ​യ്യു​മെ​ന്നും തി​ടു​ക്ക​പ്പെ​ട്ട് അ​റ​സ്റ്റി​ലേ​ക്ക് ക​ട​ക്കി​ല്ലെ​ന്നും പോ​ലീ​സ് അ​റി​യി​ച്ചു.

അ​തേ​സ​മ​യം, സം​ഭ​വ​ത്തി​ൽ ഉ​ന്ന​ത​ത​ല അ​ന്വേ​ഷ​ണം ആ​വ​ശ്യ​പ്പെ​ട്ട് ആ​ൽ​വി​ൻ ആ​ന്‍റ​ണി തിങ്കളാഴ്ച ഡി​ജി​പി​ക്ക് പ​രാ​തി ന​ൽ​കി​യി​ട്ടു​ണ്ട്. ആ​ൽ​വി​ൽ ആ​ന്‍റ​ണി​യും ഭാ​ര്യ ഏ​യ്ഞ്ച​ലീ​ന​യും പ്രൊ​ഡ്യൂ​സേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ളും തി​രു​വ​ന​ന്ത​പു​ര​ത്തെ​ത്തി ഡി​ജി​പി ലോ​ക്നാ​ഥ് ബെ​ഹ്റ​യ്ക്ക് നേരിട്ട് പ​രാ​തി ന​ൽ​കുകയായിരുന്നു.

ആ​ൽ​വി​ൻ ആ​ന്‍റ​ണി​യു​ടെ മ​ക​ൻ ആ​ൽ​വി​ൻ ജോ​ണ്‍ ആ​ന്‍റ​ണി​യു​മാ​യു​ള്ള വ്യ​ക്തി​വൈ​രാ​ഗ്യ​മാ​ണ് ആ​ക്ര​മ​ണ​ത്തി​ന് പി​ന്നി​ലെ​ന്നാ​ണ് പ​രാ​തി. ക​ഴി​ഞ്ഞ​ ദി​വ​സം എ​റ​ണാ​കു​ളം പ​ന​ന്പ​ള്ളി​ന​ഗ​റി​ലു​ള്ള ആ​ൽ​വി​ന്‍റെ വ​സ​തി​യി​ൽ രാ​ത്രി പ​ന്ത്ര​ണ്ട​ര​യോ​ടെ എ​ത്തി​യ റോ​ഷ​ൻ അ​ക്ര​മം അ​ഴി​ച്ചു​വി​ട്ടെ​ന്നാ​ണ് പ​രാ​തി.

റോ​ഷ​ന്‍റെ അ​വ​സാ​നം പു​റ​ത്തി​റ​ങ്ങി​യ ചി​ത്ര​ങ്ങ​ളി​ലെ അ​സോ​സി​യേ​റ്റാ​യ പെ​ണ്‍​കു​ട്ടി​യു​മാ​യി മ​ക​ൻ സൗ​ഹൃ​ദ​ത്തി​ലാ​യി​രു​ന്നു. റോ​ഷ​ൻ മോ​ശ​മാ​യി പെ​രു​മാ​റു​ന്നു​വെ​ന്ന് പെ​ണ്‍​കു​ട്ടി മ​ക​നെ ധ​രി​പ്പി​ച്ചി​രു​ന്നു. വേ​റെ ആ​ർ​ക്കെ​ങ്കി​ലും ഒ​പ്പം പ്ര​വ​ർ​ത്തി​ക്കാ​ൻ നി​ർ​ദ്ദേ​ശി​ച്ചു. ഇ​ക്കാ​ര്യം റോ​ഷ​ൻ അ​റി​ഞ്ഞ​താ​ണ് പ്ര​ശ്ന​ത്തി​ന് കാ​ര​ണ​മെ​ന്ന് മാ​താ​വ് എ​യ്ഞ്ച​ൽ പ​റ​ഞ്ഞു.

വീ​ട്ടി​ലെ​ത്തി മ​ക​നു​മാ​യി സം​സാ​രി​ക്ക​ണ​മെ​ന്ന് നി​ർ​ബ​ന്ധം പി​ടി​ച്ച റോ​ഷ​ൻ ഗു​ണ്ട​ക​ളു​മാ​യാ​ണ് എ​ത്തി​യ​ത്. ആ​ദ്യം സം​യ​മ​ന​ത്തോ​ടെ സം​സാ​രി​ച്ച റോ​ഷ​ൻ പ്ര​കോ​പി​ത​നായതോടെ പു​റ​ത്തു​കാ​ത്തു​നി​ന്ന 25 ഓളം പേ​രെ വി​ളി​ച്ചുവ​രു​ത്തി. റോ​ഷ​ൻ വീ​ട്ടി​ൽ വ​ന്ന​തി​ന്‍റെ​യും സം​സാ​രി​ക്കു​ന്ന​തി​ന്‍റെ​യും ദൃ​ശ്യ​ങ്ങ​ൾ ത​ങ്ങ​ളു​ടെ കൈ​യി​ലു​ണ്ടെ​ന്നും എ​യ്ഞ്ച​ൽ പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.