Cinema
പുകഞ്ഞു തീർന്ന ചാർമിനാർ...!
Friday, March 9, 2018 7:39 PM IST
ക​ന്നി​യ​ങ്കം ഗം​ഭീ​ര​മാ​ക്കാ​നു​ള്ള ആ​വേ​ശം ആ​വ​ലാ​തി​ക​ളു​ടെ ഇ​ട​യി​ൽ​പ്പെ​ട്ടു പോ​യാ​ലു​ള്ള അ​വ​സ്ഥ എ​ന്താ​യി​രി​ക്കു​മെ​ന്ന് പ​റ​യ​ണ്ടല്ലോ?... അ​ജി​ത്ത് സി. ​ലോ​കേ​ഷ് എന്ന സംവിധായകൻ ഇത്തരമൊരു ​ഒ​രു അ​വ​സ്ഥ​യി​ൽ ചെ​ന്നു വീ​ഴു​ക​യാ​യി​രു​ന്നു. ഒ​റ്റ വീ​ഴ്ച​യാ​യി​രു​ന്നു, പി​ന്നെ വീ​ണി​ട​ത്ത് കി​ട​ന്ന് ഉ​രു​ണ്ട് ഒ​രു സി​നി​മ അ​ങ്ങ് ഒ​പ്പി​ച്ചെ​ടു​ത്തു.​ അ​തി​ന്‍റെ പേ​രാ​ണ് "ചാ​ർ​മി​നാ​ർ'.

ചേ​രാ​ത്ത ചേ​രു​വ​ക​ളെ എ​ത്രക​ണ്ട് യോ​ജി​പ്പി​ക്കാ​ൻ ശ്ര​മി​ച്ചാ​ലും ശരിയാകില്ലല്ലോ.​ പ​റ​ഞ്ഞ് പ​ഴ​കി​യ ക​ഥ​ക​ളെ പൊ​ടി​ത​ട്ടി​യെ​ടു​ത്ത് അ​തി​ൽ പ്ര​ണ​യ​വും ട്വി​സ്റ്റും പി​ന്നെ ത്രി​ല്ലും ഒക്കെ നി​റ​ച്ചാണ് ചാർമിനാർ വന്നിരിക്കുന്നത്. അ​ശ്വി​ൻ കു​മാ​ർ എന്ന യുവനടൻ അ​ഭി​ന​യ സാ​ധ്യ​ത​ക​ളു​ടെ ഒ​രു ക​ള​രി​യാ​യി ചാ​ർ​മി​നാ​റി​നെ ക​ണ്ടി​ട്ടു​ണ്ടാ​വ​ണം. അ​തു​കൊ​ണ്ടാ​വാം ചി​ത്രം വ​ല്ലാ​ണ്ട് ഇ​ഴ​യു​ന്പോ​ഴും അശ്വിന്‍റെ പ്ര​ക​ട​നം അല്പം ആ​ശ്വാ​സം പ്രേ​ക്ഷ​ക​ന് ന​ൽ​കു​ന്ന​ത്.

എ​ങ്ങ​നെ​യൊ​ക്ക​യോ ത​ട്ടി​ക്കൂ​ട്ടി​യ തി​ര​ക്ക​ഥ​യി​ൽ കാ​ണാ​ൻ കൊ​ള്ളാ​വു​ന്ന കു​റ​ച്ചു പേ​രെ നി​ര​ത്തി നി​ർ​ത്തി അ​ഭി​ന​യി​പ്പി​ച്ചാ​ൽ മി​ക​ച്ചൊ​രു സി​നി​മ​യാ​കി​ല്ല എന്ന പാഠമാണ് ചാർമിനാർ നൽകുന്നത്. ത​ട്ടി​ക്കൂ​ട്ട് ശ്രേ​ണി​യി​ലേ​ക്ക് 2018-ന്‍റെ തു​ട​ക്ക​ത്തി​ൽ ത​ന്നെ നി​ര​വ​ധി ചി​ത്ര​ങ്ങ​ൾ ക​ട​ന്നു കൂടിയിരുന്നു. ആ ​കൂ​ട്ട​ത്തി​ലേ​ക്കാണ് ചാർമിനാറും അടിഞ്ഞു കൂടിയിരിക്കുന്നത്. കാട്ടിക്കൂട്ടലുകളുടെ നേർ സാക്ഷ്യം.



ട്വി​സ്റ്റു​ണ്ട് കേ​ട്ടോ ട്വി​സ്റ്റ്

എ​ല്ലാ​വ​രും നോ​ക്കി​യി​രു​ന്നോ... ട്വി​സ്റ്റ് ഇ​പ്പോ​ൾ വ​രും വരും എ​ന്ന് തോ​ന്നി​പ്പി​ക്കും വി​ധ​മാ​ണ് ചി​ത്രം മു​ന്നോ​ട്ടുപോ​കു​ന്ന​ത്. ചാ​ർ​മി​നാ​ർ ഹോ​ട്ട​ലി​നെ ചു​റ്റി​പ്പ​റ്റി​യാ​ണ് ക​ഥ വി​ക​സി​ക്കു​ന്ന​ത്. എ​ന്തു​കൊ​ണ്ട് ചി​ത്ര​ത്തി​ന് ചാ​ർ​മി​നാ​ർ എ​ന്നു പേ​ര് വ​ന്നു​വെ​ന്ന് മ​ന​സി​ലാ​യി കാ​ണു​മ​ല്ലോ അ​ല്ലേ... അ​വി​ടെ​യും ഇ​വി​ടെ​യും തൊ​ടാ​തെ എ​ന്തോ ദു​രൂ​ഹ​ത​ക​ൾ ഹോ​ട്ട​ലി​ന് ചു​റ്റും അ​ര​ങ്ങേ​റു​ന്നു​ണ്ടെ​ന്ന് ധ്വ​നി​പ്പി​ക്കാ​ൻ സം​വി​ധാ​യ​ക​ന് തു​ട​ക്ക​ത്തി​ൽ ക​ഴി​യു​ന്നു​ണ്ട്. സേ​തു(​അ​ശ്വി​ൻ കു​മാ​ർ)​വി​നെ ചു​റ്റി​പ​റ്റി​യാ​ണ് ക​ഥ വി​ക​സി​ക്കു​ന്ന​ത്. ഫാ​ഷ​ൻ ഡി​സൈ​ന​റാ​യ ക​ഥാ​നാ​യ​ക​ന്‍റെ ജീ​വി​ത​ത്തി​ൽ ച​തി​യും വ​ഞ്ച​ന​യും പി​ന്നെ പ്ര​ണ​യ​വു​മെ​ല്ലാം ക​ട​ന്നു കൂ​ടി​യ​ത് എ​ങ്ങ​നെ​യെ​ന്ന് കാ​ട്ടി തു​ട​ങ്ങു​ന്ന​തോ​ടെ ചി​ത്രം ക​ണ്ടുമ​ടു​ത്ത സി​നി​മാ ക​ഥ​ക​ളു​ടെ ട്രാ​ക്കി​ലേ​ക്ക് വ​ന്നു വീ​ഴും.



പ്ര​ണ​യം ഉണ്ടെങ്കിൽ, പാ​ട്ട് മ​സ്റ്റാ​ണ്

പ്ര​ണ​യ​ത്തെക്കുറി​ച്ച് പ​റ​യു​ന്പോ​ൾ പാ​ട്ട്... പി​ന്നെ പ്ര​ണ​യി​നി ഒ​ന്നു തൊ​ട്ടാ​ൽ പാ​ട്ട്... പി​ന്നെ ത​ല​ങ്ങും വി​ല​ങ്ങും പാ​ട്ടാ​ണ്. ഇത്തരം ക്ലീഷേ സംഭവങ്ങളൊന്നും മാറ്റിപ്പിടിക്കാൻ സംവിധായകൻ മെനക്കെട്ടിട്ടില്ല. നായിക ഹർഷിക സുന്ദരിയാണ്. മോ​ഡ​ലാ​യ ന​ന്ദ​ന​യു​ടെ വേ​ഷ​മാ​ണ് ചി​ത്ര​ത്തി​ൽ നായിക കൈ​കാ​ര്യം ചെ​യ്യു​ന്ന​ത്. ന​ല്ല ചി​രി​യും ക്യാറ്റ്‌വാക്കും ഒക്കെ കണ്ടിരിക്കാം. പക്ഷേ, ഒ​റ്റ കാ​ര്യം മാ​ത്രം. അ​ഭി​ന​യി​ക്കാ​ൻ അ​ത്ര പോ​ര. പ​ര​സ്യ ഏ​ജ​ൻ​സി, മോ​ഡ​ലിം​ഗ്, ഫാ​ഷ​ൻ ഡി​സൈ​നിം​ഗ്.. ഒ​ന്നി​നോ​ട് ഒ​ന്ന് ചേ​ർ​ന്നു നി​ൽ​ക്കു​ന്ന മേ​ഖ​ല​ക​ളെ ഇ​ണ​ക്കി​ച്ചേ​ർ​ത്താ​ണ് ചാ​ർ​മിനാ​റി​ന്‍റെ ക​ഥ മെ​ന​ഞ്ഞെ​ടു​ത്തി​രി​ക്കു​ന്ന​ത്.



ക​ഥ പ​റ​ഞ്ഞു തീ​ര​ണി​ല്ല​ല്ലോ...

നാ​യ​ക​ൻ ഇ​ട​യ്ക്ക് ക​ഥ പ​റ​യു​ന്നു... അ​ത് തീ​രു​ന്പോ​ൾ മ​റ്റൊ​രാ​ൾ ക​ഥ ഓ​ർ​ക്കു​ന്നു. ശെ​ടാ... സം​ഗ​തി എ​ങ്ങോ​ട്ടാ​ണ് ​പോ​കു​ന്ന​തെ​ന്ന് ഓ​ർ​ത്തി​രി​ക്കു​ന്പോ​ഴാ​ണ്, പ്ര​തി​കാ​ര​ത്തി​ന്‍റെ തീ ​നാ​യ​ക​നി​ൽ സം​വി​ധാ​യ​ക​ൻ ആ​ളി​ക്കത്തി​ക്കു​ന്ന​ത്. ഇ​തി​നി​ട​യി​ൽ ചി​ല​രു​ടെ അ​മി​താ​ഭി​ന​യം കാ​ര​ണം മു​ന്പി​ൽ വ​രാ​ൻ പോകുന്ന ട്വി​സ്റ്റി​നെ കു​റി​ച്ച് നേ​ര​ത്തെ സൂ​ച​ന കി​ട്ടും. അ​തോ​ടെ സം​ഭ​വം എ​ങ്ങോ​ട്ട്, എ​ങ്ങ​നെ, എ​വി​ടെച്ചെന്നു നി​ൽ​ക്കും എ​ന്നെ​ല്ലാം കൃ​ത്യ​മാ​യി മ​ന​സി​ലാ​കും. സം​വി​ധാ​യ​ക​ന്‍റെ ഉ​ള്ളി​ൽ അ​ടി​ഞ്ഞുകൂ​ടി​യ ട്വി​സ്റ്റു​ക​ളെ​ല്ലാം പി​ന്നീ​ട് വ​ന്നുപോ​കു​ക​യാ​ണ്. ക​ഥ പ​റ​ഞ്ഞ് തീ​ർ​ക്ക​ണ​മ​ല്ലോ, ഇ​ല്ലെ​ങ്കി​ൽ കാഴ്ചക്കാർ എ​ന്തു ക​രു​തും.



ര​ണ്ടാം പ​കു​തി അസഹനീയം

കു​ത്ത​ഴി​ഞ്ഞ പോ​യ ക​ഥ​യെ ര​ണ്ടാം പ​കു​തി​യി​ലെ​ങ്കി​ലും വ​രു​തി​യി​ൽ നി​ർ​ത്താ​ൻ ചി​ല അ​ഡീ​ഷ​ണ​ൽ ട്വി​സ്റ്റു​ക​ൾ സംവിധായകൻ തി​രു​കി ക​യ​റ്റി​യി​ട്ടു​ണ്ട്. ഒ​ന്നാം പ​കു​തി​യി​ൽ നാ​യ​ക​ൻ ഒ​രു​വി​ധം പി​ടി​ച്ച് നി​ന്നെ​ങ്കി​ൽ ര​ണ്ടാം പ​കു​തി​യി​ൽ പു​ള്ളി​യുടെ വരുതിയിലും കാര്യങ്ങൾ നിന്നില്ല. നാ​യ​ക​നും നാ​യി​ക​യും സി​നി​മ​യി​ൽ വ​ന്നുപോ​കു​ന്ന​വ​രും ത​മ്മി​ലു​ള്ള പൊ​ട്ട​ൻക​ളി​യാ​ണ് പി​ന്നീ​ട് കാ​ണാ​ൻ ക​ഴി​യു​ക. കാ​മ​റാ​മാ​നെ സ​മ്മ​തി​ക്ക​ണം, ഈ ​കാ​ട്ടി​ക്കൂ​ട്ട​ലു​ക​ൾ​ക്കി​ട​യി​ലും ന​ല്ല ക​ള​ർ​ഫു​ൾ ഫ്രെ​യി​മു​കൾ ഒരുക്കിയതിന്. പ​ക്ഷേ അ​തു​കൊ​ണ്ടൊ​ന്നും കാ​ര്യമു​ണ്ടാ​യി​ല്ല. ക്ലൈ​മാ​ക്സി​ൽ വ​രെ ട്വി​സ്റ്റ് അ​പ്‌ലോ​ഡ് ചെ​യ്ത് സം​വി​ധാ​യ​ക​ൻ ആ​വ​ശ്യ​ത്തി​ലേ​റെ വെ​റു​പ്പി​ക്കു​ന്നു​ണ്ട്.

(ഇത്രമാത്രം ട്വിസ്റ്റ് എവിടുന്ന് കിട്ടിയോ, എന്തോ...)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.