Cinema
നീ​യും ഞാ​നു​മ​ല്ല സ​മൂ​ഹം..!
Saturday, January 19, 2019 9:32 PM IST
ഇ​ന്ന​ത്തെ സ​മൂ​ഹ​ത്തി​ന്‍റെ കാ​ഴ്ച​പ്പാ​ടു​ക​ളെ വ​ലി​ച്ചുകീറി പു​റ​ത്തേ​ക്കി​ടു​ക​യാ​ണ് "നീയും ഞാനും' എന്ന ചിത്രത്തിൽ സം​വി​ധാ​യ​ക​ൻ എ.​കെ. ​സാ​ജ​ൻ. നീ​യും ഞാ​നും എ​ത്ര ത​ന്നെ നേ​രു പ​റ​ഞ്ഞാ​ലും ഈ ​സ​മൂ​ഹം അ​തൊ​ന്നും വി​ശ്വ​സി​ക്കി​ല്ല, അ​വ​ർ​ക്ക് വേ​ണ്ട​ത് നന്മ​യ​ല്ല, ചൂ​ടു​ള്ള വാ​ർ​ത്ത​ക​ൾ മാ​ത്ര​മാ​ണ്. ഈ ​ഒ​രു കാ​ഴ്ച​പ്പാ​ടി​നെ വേ​ണ്ടു​വോ​ളം ചി​ത്ര​ത്തി​ൽ സ​ന്നി​വേ​ശി​പ്പി​ക്കാ​ൻ സം​വി​ധാ​യ​ക​നാ​യി​ട്ടു​ണ്ട്.

ചി​ത്ര​ത്തി​ന്‍റെ ര​ണ്ടു പ​കു​തി​യെ ര​ണ്ടു​ ത്രാ​സി​ലാ​ക്കി​യ ശേ​ഷം മ​നു​ഷ്യ മ​ന​സി​ലെ ദു​ർ​വി​ചാ​ര​ങ്ങ​ളെ പു​റ​ത്തുചാ​ടി​ക്കു​ക​യാ​ണ് ഇ​വി​ടെ. യാ​ക്കൂ​ബി​ന്‍റെ​യും (​ഷ​റ​ഫൂ​ദീ​ൻ) ഹാ​ഷ്മി​യു​ടെ​യും (​അ​നു സി​ത്താ​ര) ജീ​വി​ത​ത്തെ മു​ൻ​നി​ർ​ത്തി പ​ല​രും പ​റ​യാ​ൻ മ​ടി​ക്കു​ന്ന കാ​ര്യ​ങ്ങ​ളു​ടെ നേ​ർ​ചി​ത്രം മു​ന്നി​ലേ​ക്കി​ട്ടുത​രിക​യാ​ണ് സം​വി​ധാ​യ​ക​ൻ.



പ്ര​ണ​യ​ത്തി​ന്‍റെ മേ​ലാ​ട​യ​ണി​ഞ്ഞ് ഷ​റ​ഫ് ഒ​ന്നാ​ന്ത​ര​മൊ​രു കാ​മു​ക​നാ​യാ​ണ് ചി​ത്ര​ത്തി​ലെ​ത്തു​ന്ന​ത്. പോ​ലീ​സ് പ​ണി പോ​ലും പ്ര​ണ​യ സാ​ഫ​ല്യ​ത്തി​നാ​യി ഉ​പേ​ക്ഷി​ക്കു​ന്ന നാ​യ​ക​നെ ക​ണ്ടി​ല്ലെ​ന്നു നാ​യി​ക ന​ടി​ക്കു​ന്ന​തെ​ങ്ങ​നെ. പ്ര​ണ​യം തു​ട​ക്ക​ത്തി​ൽ പൈ​ങ്കി​ളി​യാ​ണെ​ങ്കി​ൽ പി​ന്നീ​ട് പ്രാ​രാ​ബ്‌ധ​ത്തി​ലേ​ക്ക് വ​ഴു​തിവീ​ഴു​ന്ന​തോ​ടെ ക​ഥാ​വ​ഴി വാ​ട​കവീ​ട്ടി​ലേ​ക്കും പു​തി​യ മേ​ച്ചി​ൽപു​റ​ങ്ങ​ളി​ലും ചെ​ന്നു നി​ൽ​ക്കും. ആ​ദ്യ പ​കു​തി​യി​ൽ ക​ള​ർ​ഫു​ള്ളാ​യി പ്ര​ണ​യം ഇ​ങ്ങ​നെ ഫ്രെ​യി​മു​ക​ളി​ൽ നി​റ​ഞ്ഞുനി​ൽ​ക്കു​ക​യാ​ണ്.

സാ​ദാ ഒ​രു ക​ഥ സാ​ധാ​ര​ണ​മ​ട്ടി​ൽ പ​റ​ഞ്ഞു പോ​കു​ന്ന​തി​നി​ടെ​യാ​ണ് അ​വി​ചാ​രി​ത​മാ​യി ചി​ല കാ​ര്യ​ങ്ങ​ൾ സം​ഭ​വി​ക്കു​ന്ന​ത്. അ​തോ​ടെ ചി​ത്ര​ത്തി​ൽ കുറച്ച് ഇഴച്ചിലുകളൊക്കെ സ്ഥാനം പിടിച്ചു തുടങ്ങും. ര​ണ്ട​ര മ​ണി​ക്കൂ​റി​ലേ​ക്ക് ചി​ത്ര​ത്തെ കൊ​ണ്ടെ​ത്തി​ക്കാ​നു​ള്ള വെ​പ്രാ​ള​ത്തി​ൽ അ​ടി​ഞ്ഞുകൂ​ടി​യ നി​ര​വ​ധി രം​ഗ​ങ്ങ​ളും ചി​ത്ര​ത്തി​ന്‍റെ ആ​ദ്യപ​കു​തി​യി​ൽ സ്ഥാനംപിടിച്ചിട്ടു​ണ്ട്.



ഹാ​ഷ്മി​യു​ടെ​യും യാ​ക്കൂ​ബി​ന്‍റെ​യും ജീ​വി​ത​ത്തി​ലെ ക​റു​ത്ത ദി​ന​ങ്ങ​ളെ സം​വി​ധാ​യ​ക​ൻ പൊ​ലി​പ്പി​ച്ച് കാ​ണി​ക്കു​ന്ന​തി​നി​ടെ നാട്ടു​കാ​രു​ടെ മ​നോ​വി​ചാ​ര​ങ്ങ​ൾ താ​നേ പു​റ​ത്തു ചാ​ടു​ക​യാ​ണ്. ഇ​ട​യ്ക്കി​ടെ ക​ഥ ഗ​ൾ​ഫി​ലേ​ക്കും സ​ഞ്ച​രി​ക്കു​ന്നു​ണ്ടെ​ങ്കി​ലും കേ​ര​ള​ത്തി​ലേ​ക്ക് ശ​ടേ​ന്ന് തി​രി​ച്ചെ​ത്തു​ന്നു​ണ്ട്.

ആ​ദ്യപ​കു​തി​യി​ലെ പു​റം​കാ​ഴ്ച​ക​ളി​ൽ നി​ന്നും ര​ണ്ടാം പ​കു​തി​യി​ലെ അ​കക്കാ​ഴ്ച​ക​ളി​ലേ​ക്ക് വ​ഴി മാ​റു​ന്ന​തോ​ടെ ചി​ത്രം ചൂ​ടുപി​ടി​ച്ച് തു​ട​ങ്ങും. ഇ​തി​നി​ട​യി​ൽ പ്ര​ണ​യ​ത്തി​ന്‍റെ മ​റ​പ​റ്റി​യും അ​ല്ലാ​തെ​യും ഇ​ന്പ​മാ​ർ​ന്ന പാട്ടു​ക​ൾ ചി​ത്ര​ത്തി​ൽ വ​ന്നുപോ​കു​ന്നു​ണ്ട്.

ഒ​രു രാ​ത്രി​യും ഒ​രു​പാ​ട് നാ​ട്ടു​കാ​രും ഒ​രു വീ​ടി​നു ചു​റ്റും ത​ന്പ​ടി​ക്കു​ന്ന​തോ​ടെ ചി​ത്രം ത്രി​ല്ല​ർ മൂ​ഡി​ലേ​ക്ക് വ​ഴു​തിമാ​റും. വീ​ടി​ന​ക​ത്തു​ള്ള​വ​രു​ടെ​യും പു​റ​ത്തു​ള്ള നാ​ട്ടു​കാ​രു​ടെ​യും മാ​ന​സി​കാ​വ​സ്ഥ​ക​ളെ സം​വി​ധാ​യ​ക​ൻ ന​ന്നാ​യി ചി​ത്ര​ത്തി​ൽ വ​ര​ച്ചി​ട്ടു​ണ്ട്. സ​ദാ​ചാ​ര പോ​ലി​സിം​ഗ് ത​ലയുയ​ർ​ത്തി പൂ​ണ്ടു വി​ള​യാ​ടു​ന്പോ​ൾ ഇ​ന്ന​ത്തെ സ​മൂ​ഹ​ത്തി​ന്‍റെ ത​നി​നി​റം സ്ക്രീനിൽ തെളിയും.

ആ​ണും പെ​ണ്ണും ഒ​രു​മി​ച്ചി​രു​ന്നാ​ൽ അ​ത് മ​റ്റേ​താ​ണെ​ന്ന് പ​റ​യു​ന്ന ഇ​ന്ന​ത്തെ സ​മൂ​ഹ​ത്തി​ന്‍റെ മ​ന​സ്ഥി​തി​യെ സം​വി​ധാ​യ​ക​ൻ നന്നായി ചി​ത്ര​ത്തി​ൽ ആ​ക്ഷേ​പി​ക്കു​ന്നുണ്ട്. വി​ഷ്ണു ഉ​ണ്ണി​കൃ​ഷ്ണ​നും സു​ര​ഭി​യും ദി​ലീ​ഷ് പോ​ത്ത​നു​മെ​ല്ലാം ചെ​റുചി​രി​ക​ളു​ടെ ര​സ​ക്കൂ​ട്ട് ചി​ത്ര​ത്തി​ലേ​ക്ക് കു​ട​ഞ്ഞി​ട്ട് സീ​രി​യ​സാ​യ ചു​റ്റു​പാ​ടി​ന് ഇ​ത്തി​രി അ​യ​വ് ന​ൽ​കു​ന്നു​ണ്ട്.



ഇ​നി​യെ​ന്ത് സം​ഭ​വി​ക്കു​മെ​ന്ന ആ​കാം​ക്ഷ നി​ല​നി​ർ​ത്തിക്കൊണ്ടു​ള്ള ര​ണ്ടാം പ​കു​തി​യു​ടെ പോ​ക്ക് ഏ​തൊ​രും പ്രേ​ക്ഷ​ക​നെ​യും പിടിച്ചിരുത്തുന്നതാണ്. കൈ​യ​ട​ക്ക​മു​ള്ള അ​ഭി​ന​യ പ്ര​ക​ട​ന​മാ​ണ് അ​നു സി​ത്താ​ര ചി​ത്ര​ത്തി​ൽ പു​റ​ത്തെ​ടു​ത്തി​രി​ക്കു​ന്ന​ത്. ഷ​റ​ഫി​ലെ ന​ട​നെ വേ​ണ്ടു​വോ​ളം ചി​ത്ര​ത്തി​ൽ സം​വി​ധാ​യ​ക​ൻ ഉ​പ​യോ​ഗ​പ്പെ​ടു​ത്തി​യി​ട്ടു​മു​ണ്ട്.

സി​ജു വി​ൽ​സ​ണ്‍ ചി​ത്ര​ത്തി​ലെ പ്ര​ധാ​ന​പ്പെ​ട്ടൊ​രു വേ​ഷം കൈ​കാ​ര്യം ചെ​യ്ത് ര​ണ്ടാം പ​കു​തി​യു​ടെ നെ​ടുംതൂ​ണാ​യി മാ​റു​ന്നു​ണ്ട്. ഛായാ​ഗ്രാ​ഹ​ക​ന്‍റെ കാ​മ​റക്കണ്ണു​ക​ൾ രാ​ത്രി​യു​ടെ ഭം​ഗി​യും ഒ​പ്പം കു​ടു​ക്കി​ൽ അ​ക​പ്പെ​ട്ട മ​നു​ഷ്യ​രു​ടെ ഭാ​വ​മാ​റ്റ​ങ്ങ​ളും വെ​ടി​പ്പോ​ടെ ഒ​പ്പി​യെ​ടു​ത്തി​ട്ടു​ണ്ട്.

നി​ന്നി​ലെ​യും എ​ന്നി​ലെ​യും ചി​ന്താ​ഗ​തി​യി​ൽ മാ​റ്റം സം​ഭ​വി​ച്ചാ​ൽ ഈ ​സ​മൂ​ഹം മാ​റും. അ​ല്ലാ​ത്തി​ട​ത്തോ​ളം കാ​ലം സ​ദാ​ചാ​ര പോ​ലി​സിം​ഗും വെ​റു​പ്പി​ക്ക​ലും തു​ട​ർ​ന്നു കൊ​ണ്ടേ​യി​രി​ക്കു​മെ​ന്നാണ് സം​വി​ധാ​യ​ക​ൻ ചി​ത്ര​ത്തി​ലൂ​ടെ കാ​ട്ടി​ത്ത​രു​ന്ന​ത്. നീ​യും ഞാ​നും മാ​ത്ര​മ​ല്ല ഇ​ത് മു​ഴു​വ​ൻ സ​മൂ​ഹ​വും കാ​ണേ​ണ്ട ചി​ത്രം തന്നെയാണ്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.