Cinema
മാ​ലാ​ഖ​യാ​യി, തീ​ക്ക​ന​ലാ​യി മേ​രി​ക്കു​ട്ടി...!
Friday, June 15, 2018 5:31 PM IST
സ​മൂ​ഹമ​ന​സു​ക​ളി​ലേ​ക്ക് തീ​മ​ഴ പെ​യ്യി​ക്കു​ക​യാ​ണ് ര​ഞ്ജി​ത് ശ​ങ്ക​റും കൂ​ട്ട​രും ഞാ​ൻ മേ​രി​ക്കു​ട്ടി​യി​ലൂ​ടെ. മാ​റ്റം ഉ​ട​ന​ടി​യ​ല്ല പ​ക്ഷേ, മാ​റേ​ണ്ടി​യി​രി​ക്കു​ന്നു എ​ന്നു​ള്ള മു​റ​വി​ളി​യാ​ണ് സി​നി​മ​യി​ൽ ഉ​ട​നീ​ളം മു​ഴ​ങ്ങിക്കേൾ​ക്കു​ന്ന​ത്. കെ​ട്ടു​റ​പ്പു​ള്ള വി​ഷ​യ​ത്തെ ത​ന്‍റെ തൂ​ലി​ക​യി​ൽ പി​റ​ന്ന വാ​ച​ക​ങ്ങ​ൾ കൊ​ണ്ട് കൂ​ട്ടി​യി​ണ​ക്കി​യി​രി​ക്കു​ക​യാ​ണ് സം​വി​ധാ​യ​ക​ൻ ഇ​വി​ടെ.

ട്രാ​ൻ​സ്ജെ​ൻ​ഡ​റെ​ന്ന് കേ​ൾ​ക്കു​ന്പോ​ൾ ത​ന്നെ പ​ല​രു​ടെ​യും മു​ഖ​ത്തൊ​രു പ​രി​ഹാ​സ ചി​രി കാ​ണാ​ൻ ക​ഴി​യും. ആ ​ചി​രി​യെ മാ​യ്ച്ചു ക​ള​യാ​നാ​ണ് മേ​രി​ക്കു​ട്ടി​യാ​യി മാ​റി​യ ജ​യ​സൂ​ര്യ ത​ന്‍റെ ക​ഴി​വി​ന്‍റെ പ​ര​മാ​വ​ധി ശ്ര​മി​ച്ചി​രി​ക്കു​ന്ന​ത്. ട്രാ​ൻ​സ്ജെ​ൻ​ഡ​ർ എ​ന്ന വി​ഭാ​ഗ​ത്തെപ്പറ്റി​ സ​മൂ​ഹ​ത്തി​ന്‍റെ ഇതുവരെയുള്ള വി​ചാ​രവി​കാ​ര​ങ്ങ​ളെ അ​ടി​മു​ടി മാ​റ്റാ​ൻ ജ​യ​സൂ​ര്യ ത​ന്‍റെ ച​ല​ന​ങ്ങ​ൾ കൊ​ണ്ടും പെ​രു​മാ​റ്റം കൊ​ണ്ടും പ്ര​ക​ട​നം കൊ​ണ്ടും ശ്ര​മി​ച്ചി​ട്ടു​ണ്ട്.

സ​മൂ​ഹം മാ​റു​മോ ഇ​ല്ല​യോ എ​ന്നു​ള്ള​തെ​ല്ലാം അ​വി​ടെ നി​ൽ​ക്ക​ട്ടെ... ഇ​വി​ടെ സി​നി​മ മാ​റി​യി​രി​ക്കു​ക​യാ​ണ്... പ്രേ​ക്ഷ​ക​ർ അം​ഗീ​ക​രി​ക്കുമോ എന്ന് ഭയപ്പെടുന്ന വി​ഷ​യ​ത്തെ സ​ധൈ​ര്യം ഏ​റ്റെ​ടു​ത്ത് മു​ന്നി​ലേ​ക്ക് ഇ​ട്ടുത​ന്നി​രി​ക്കു​ക​യാ​ണ് സംവിധായകൻ. കൊ​ള്ളേ​ണ്ടയിട​ത്ത് കൃ​ത്യ​മാ​യി കൊ​ള്ളി​ച്ച് പ​റ​യേ​ണ്ട​തെ​ല്ലാം ആ​ത്മ​വി​ശ്വാ​സ​ത്തോ​ടെ പ​റ​ഞ്ഞ് ഇപ്പോൾ മേ​രി​ക്കു​ട്ടി നി​ങ്ങ​ൾ​ക്കിട​യി​ലു​ണ്ട്. മനസ് തുറന്നു കാണാൻ സമയം കണ്ടെത്തിയാൽ ഇ​തു​വ​രെ കാ​ണാ​ത്ത ഒ​രു ലോ​കം നിങ്ങൾക്ക് കാ​ണാ​ൻ ക​ഴി​യും. എ​ന്നി​ട്ട് ഓ​രോ​രു​ത്ത​ർ​ക്കും സ്വ​യം തീ​രു​മാ​നി​ക്കാം, ഇ​വ​രെ അ​ക​റ്റ​ണോ അ​തോ കൂ​ടെ നി​ർ​ത്ത​ണോ​യെ​ന്ന്.



സ​മൂ​ഹമോ അവരോ മാറേണ്ടത്...!

മാ​ത്തു​ക്കു​ട്ടി മേ​രി​ക്കു​ട്ടി​യാ​യി മാ​റി​യ​പ്പോ​ൾ മു​ഖംതി​രി​ച്ച​ത് സ​മൂ​ഹ​മാ​ണ്. പ​ക്ഷേ, ചി​രി​മാ​യാ​ത്ത മു​ഖ​വു​മാ​യി അ​വ​ൻ അ​വ​ളാ​യി മാ​റി അ​ന്ത​സോ​ടെ ജീ​വി​ക്കാ​ൻ തു​ട​ങ്ങി. ത​ന്നി​ലേ​ക്ക് ത​ന്നെ നോ​ക്കി ചി​ല​തൊ​ക്കെ മ​ന​സി​ലാ​ക്കി​യ​തു കൊ​ണ്ടാ​ണ് മേ​രി​ക്കു​ട്ടി അ​ടി​യു​റ​ച്ചൊ​രു തീ​രു​മാ​നമെടു​ത്ത​ത്. ആ ​തീ​രു​മാ​ന​ത്തി​നു ശേ​ഷ​മു​ള്ള ജീ​വി​ത​മാ​ണ് പ്രേ​ക്ഷ​ക​ർ​ക്ക് മു​ന്നി​ലേ​ക്ക് മേ​രി​ക്കു​ട്ടി തു​റ​ന്നി​ട്ട​ത്. പ​ല​രും ഇ​തു​വ​രെ മ​ന​സി​ലാ​ക്കാ​ത്ത കാ​ര്യ​ങ്ങ​ൾ, അ​ല്ലെ​ങ്കി​ൽ മ​ന​സി​ലാ​യി​ട്ടും അ​വ​ജ്ഞ​യോ​ടെ ത​ള്ളിയ ചി​ല​തൊ​ക്കെ വീ​ണ്ടും ഓ​ർ​മി​പ്പി​ക്കു​ക​യാ​ണ് ഇ​വി​ടെ.

ആ​ദ്യം സ​മൂ​ഹം മേ​രി​ക്കു​ട്ടി​യെ മാ​റ്റാ​ൻ ശ്ര​മി​ച്ചു... പു​ച്ഛി​ച്ചു ത​ള്ളി... പ​രി​ഹാ​സ നോ​ട്ട​ങ്ങ​ൾ കൊ​ണ്ട് വീ​ർ​പ്പു​മു​ട്ടി​ച്ചു... പ​ക്ഷേ, ആ ​പ​രി​ഹാ​സ​ങ്ങ​ള​ത്ര​യും സ​മൂ​ഹ​ത്തി​ന്‍റെ വി​കൃത​മു​ഖം പ്ര​തി​ഫ​ലി​പ്പി​ക്കാ​ൻ സം​വി​ധാ​യ​ക​ൻ ക​രു​വാ​ക്കി​യ​തോ​ടെ സം​ഗ​തി​യു​ടെ കി​ട​പ്പാ​കെ മാ​റി. സ്വ​യം പ​ഴി​വാ​ക്കു​ക​ൾ പ​റ​ഞ്ഞുകൊ​ണ്ട് സ​മൂ​ഹം അ​പ​ഹാ​സ്യ​രാ​യ​പ്പോ​ൾ മേ​രി​ക്കു​ട്ടി പ​തു​ക്കെ ജ​യി​ച്ചുതു​ട​ങ്ങി. അ​പ്പോ​ൾ മേ​രി​ക്കു​ട്ടി​യും സം​വി​ധാ​യ​ക​നും ഇ​ങ്ങ​നെ പ​റ​ഞ്ഞു... സ​മൂ​ഹം ചി​ല​പ്പോ​ഴൊ​ക്കെ മാ​റേ​ണ്ടി വ​രും, അ​തി​പ്പോ​ൾ എ​ത്ര ത​ന്നെ മാ​റി​ല്ലായെന്ന് വാ​ശി​പി​ടി​ച്ചാ​ലും.



ജ​യ​സൂ​ര്യ.. നി​ങ്ങ​ൾ എ​ങ്ങ​നെ ഇ​ങ്ങ​നെ മാ​റു​ന്നു...‍?

ഒ​രു ന​ട​ന് ഇ​ങ്ങ​നെ​യൊ​ക്കെ മാ​റാ​ൻ പ​റ്റു​മോ...‍‍‍? വി.​പി.​സ​ത്യ​നാ​യി മാ​റി, ഇ​പ്പോ​ൾ മേ​രി​ക്കു​ട്ടി​യാ​യി മാ​റി ജ​യ​സൂ​ര്യ ഞെ​ട്ടി​ച്ചുകൊ​ണ്ടേ​യി​രി​ക്കു​ക​യാ​ണ്. പ​ള്ളിക്ക​ക​ത്തുവ​ച്ച് മേ​രി​ക്കു​ട്ടി​യാ​യി മാ​റി​യ ശേ​ഷം അ​മ്മ​യെ ആ​ദ്യ​മാ​യി കാ​ണു​ന്പോ​ൾ ര​ണ്ടു പേ​രു​ടെ​യും മു​ഖ​ഭാ​വ​ങ്ങ​ളിലൂടെ സം​വി​ധാ​യ​ക​ൻ പ​റ​ഞ്ഞൊ​രു ക​ഥ​യു​ണ്ട്... അ​തി​ന്‍റെ ഉ​ള്ളൊ​ന്ന് തു​റ​ന്നു നോ​ക്കി​യാ​ൽ ചി​ല​പ്പോ​ൾ ഇ​ങ്ങ​നെ​യാ​യി​രി​ക്കും അ​വ​ർ മ​ന​സി​ൽ പ​റ​ഞ്ഞി​ട്ടു​ണ്ടാ​വു​ക.

"അ​മ്മ: നീ ​ആ​ണാ​യാ​ലും പെ​ണ്ണാ​യാ​ലും എ​ന്‍റെ വ​യ​റ്റി​ൽ അ​ല്ലേ പി​റ​ന്ന​ത്. എ​നി​ക്ക് ത​ള്ളി​ക്ക​ള​യാ​ൻ പ​റ്റി​ല്ല​ല്ലോ... മേ​രി​ക്കു​ട്ടി: പെ​ണ്ണാ​യി മാ​റി​യാ​ലും എ​നി​ക്കൊ​രു അ​മ്മ​യ​ല്ലേ ഉ​ള്ളു...​അ​മ്മ​യ്ക്കെ​ന്നെ ത​ള്ളി​ക്ക​ള​യാ​ൻ പ​റ്റി​ല്ലെ​ന്ന് എ​നി​ക്കു​റ​പ്പാ​ണ്. കാ​ര​ണം അ​മ്മ​യും ഒ​രു സ്ത്രി​യ​ല്ലേ. അ​തി​നേ​ക്കാ​ൾ ഉ​പ​രി എ​ന്‍റെ അ​മ്മ.’



സാ​രിയുടുത്ത് മേ​രി​ക്കു​ട്ടി മു​ന്നി​ൽ നി​ൽ​ക്കു​ന്പോ​ൾ ശ​രി​ക്കും ജ​യ​സൂ​ര്യ ഒ​രു പെ​ണ്ണാ​യി മാ​റു​ക​യാ​യി​രു​ന്നു. നോ​ട്ട​വും ന​ട​പ്പും പി​ന്നെ വേ​ഷ​വും പെ​രു​മാ​റ്റ​വും വ​രെ കൃ​ത്യം. ട്രാ​ൻ​സ്ജെ​ൻ​ഡേ​ഴ്സ് ഇ​ന്ന് സ​മൂ​ഹ​ത്തി​ൽ നേ​രി​ടു​ന്ന പ്ര​ശ്ന​ങ്ങ​ൾ ഒ​ന്നൊ​ന്നാ​യി ചി​ത്ര​ത്തി​ൽ നി​ഴ​ലി​ക്കു​ന്പോ​ൾ സ​മൂ​ഹ​ത്തി​ന്‍റെ ക​ര​ണ​ത്ത​ടി​ച്ചു കൊ​ണ്ട് ചി​ല കാ​ര്യ​ങ്ങ​ൾ തു​റ​ന്ന് പ​റ​യാ​ൻ സം​വി​ധാ​യ​ക​ൻ തു​നി​ഞ്ഞി​ട്ടു​ണ്ട്. എ​സ്ഐയാകാനുള്ള മേ​രി​ക്കു​ട്ടി​യു​ടെ ആ​ഗ്ര​ഹ​ത്തി​ലൂ​ന്നി​യാ​ണ് ക​ഥ മു​ന്നോ​ട്ട് നീ​ങ്ങു​ന്ന​ത്. ജ​യ​സൂ​ര്യ​യു​ടെ ഇ​ത്ത​ര​ത്തി​ലു​ള്ള മാ​റ്റ​ങ്ങ​ൾ കാ​ണു​ന്പോ​ൾ പ്രേ​ക്ഷ​ക​ർ അ​ത്ഭു​ത​ത്തോ​ടെ ചി​ല​പ്പോ​ൾ ചോ​ദി​ച്ചെ​ന്നി​രി​ക്കും- നി​ങ്ങ​ൾ എ​ങ്ങ​നെ ഇ​ങ്ങ​നെ മാ​റു​ന്നു​വെ​ന്ന്.



ഇ​ന്ന​സെ​ന്‍റും അ​ജു​വും പി​ന്നെ ഇ​ന്പ​മാ​ർ​ന്ന പാ​ട്ടു​ക​ളും

ര​ഞ്ജി​ത് ശ​ങ്ക​റി​ന്‍റെ നന്മ​മ​ര​ങ്ങ​ളി​ലെ പ്ര​ധാ​നി​യാ​യാ​ണ് ഇ​ന്ന​സെ​ന്‍റി​ന്‍റെ വ​ര​വ്. വൈദികനായി എ​ത്തി ഇ​ന്ന​സെ​ന്‍റ് മേ​രി​ക്കു​ട്ടിക്ക് താ​ങ്ങും ത​ണ​ലു​മാ​യി മാ​റു​ന്നു​ണ്ട്. അ​ജു വ​ർ​ഗീ​സാക​ട്ടെ ര​ഞ്ജി​ത് ശ​ങ്ക​ർ പ​ട​ങ്ങ​ളി​ലെ സ്ഥി​രം സാ​ന്നി​ധ്യ​മെ​ന്ന നി​ല​യി​ൽ കി​ട്ടി​യ വേ​ഷം ത​ര​ക്കേ​ടി​ല്ലാ​ത്ത വി​ധം ചെ​യ്തി​ട്ടു​മു​ണ്ട്.

ഇ​ട​യ്ക്കി​ടെ ഒ​ഴു​കി​യെ​ത്തു​ന്ന പാ​ട്ടു​ക​ൾ മേ​രി​ക്കു​ട്ടി​യു​ടെ അ​വ​സ്ഥ​ക​ളെ പ്രേ​ക്ഷ​ക​രി​ലേ​ക്കെ​ത്തി​ക്കാ​ൻ പാ​ക​മാ​യി​ട്ടാ​ണ് ഒ​രു​ക്കി​യി​രി​ക്കു​ന്ന​ത്. ആ​ന​ന്ദ് മ​ധു​സൂ​ദ​ന​നാ​ണ് മേ​രി​ക്കു​ട്ടി​ക്കു വേ​ണ്ടി സം​ഗീ​തം ഒ​രു​ക്കി​യി​രി​ക്കു​ന്ന​ത്. ആ​ദ്യ പ​കു​തി​യി​ൽ പ്ര​തി​സ​ന്ധി​ക​ളു​ടെ ഘോ​ഷ​യാ​ത്ര മേ​രിക്കു​ട്ടി നേ​രി​ടു​ന്ന​ത് എ​ങ്ങ​നെ​യെ​ന്നു കാ​ട്ടു​ന്പോ​ൾ ര​ണ്ടാം പ​കു​തി​യി​ലാ​ക​ട്ടെ അവളുടെ അ​തി​ജീ​വ​ന​മാ​ണ് തെ​ളി​ഞ്ഞുവ​രു​ന്ന​ത്.



ജോ​ജു​വും സു​രാ​ജും

സു​രാ​ജ് പ​ക്വ​ത​യാ​ർ​ന്ന പ്ര​ക​ട​നാ​ണ് ചി​ത്ര​ത്തി​ൽ കാ​ഴ്ച​വച്ചി​രി​ക്കു​ന്ന​ത്. ഒ​രു ക​ള​ക്‌ടറുടെ മാ​ന​റി​സ​ങ്ങ​ൾ തന്‍റേതാ​യ രീ​തി​യി​ലേ​ക്ക് മാ​റ്റി, മാ​റ്റം ഭ​ര​ണാ​ധി​കാ​രി​ക​ളി​ലൂ​ടെ​യെ​ന്ന് കാ​ട്ടി​ത്ത​രാ​ൻ സു​രാ​ജി​നാ​യി. നെ​ഗ​റ്റീ​വ് വേ​ഷ​ങ്ങ​ൾ കൈ​കാ​ര്യം ചെ​യ്യാ​ൻ ജോ​ജു​വി​നെ​ന്തോ ഒ​രു പ്ര​ത്യേ​ക ക​ഴി​വു​ണ്ട്. ആ ​ക​ഴി​വ് ഞാ​ൻ മേ​രി​ക്കു​ട്ടി​യി​ലും ജോ​ജു പ്ര​ക​ട​മാ​ക്കു​ന്നു​ണ്ട്.



ര​ണ്ടാം പ​കു​തിയിൽ പ്ര​തി​സ​ന്ധി​ക​ളെ അ​തി​ജീ​വി​ച്ച് കൊ​ണ്ടു​ള്ള മേ​രി​ക്കു​ട്ടി​യു​ടെ യാ​ത്ര ഛായാ​ഗ്രാ​ഹ​ക​ൻ വി​ഷ്ണു നാ​രാ​യ​ണ്‍ ക​ല്ലു​ക​ടി​ക​ളി​ല്ലാ​തെ പ​ക​ർ​ത്തി​യി​ട്ടു​ണ്ട്. മാ​റേ​ണ്ടി​യി​രി​ക്കു​ന്ന സ​മൂ​ഹ​ത്തെ കു​റി​ച്ചു​ള്ള സം​വി​ധാ​യ​ക​ന്‍റെ ഉ​ത്ക​ണ്ഠ ചി​ത്ര​ത്തി​ൽ ന​ന്നേ നി​ഴ​ലി​ക്കു​ന്നു​ണ്ട്. ആ​രൊ​ക്കെ മാ​റി​യാ​ലും ഇ​ല്ലേ​ലും മ​ന​സു​ക​ളി​ൽ നി​ന്ന് മ​ന​സു​ക​ളി​ലേ​ക്ക് മേ​രി​ക്കു​ട്ടി യാ​ത്ര ചെ​യ്തു തു​ട​ങ്ങി​യി​ട്ടു​ണ്ട്. ആ ​യാ​ത്ര ന​ല്ല​തി​നു വേ​ണ്ടി​ മാത്രമാകട്ടെ.

(ര​ഞ്ജി​ത് ശ​ങ്ക​ർ സി​നി​മ​കൾക്ക് നന്മയുണ്ട്... ഞാ​ൻ മേ​രി​ക്കു​ട്ടി​യി​ലും അ​ത് പ്ര​തി​ഫ​ലി​ക്കു​ന്നു​ണ്ട്.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.