Cinema
പ്രേമത്തിന്‍റെ ബോറൻ സൂത്രങ്ങൾ...!
Friday, May 11, 2018 5:59 PM IST
ഇതിനും മാത്രം പാപം പ്രേമിക്കുന്നവർ ചെയ്തിട്ടുണ്ടോ? "പ്രേമസൂത്രം' കണ്ടിറങ്ങുന്നവർ ഇ​ങ്ങ​നെ ചോ​ദി​ച്ചാ​ൽ സം​വി​ധാ​യ​ക​ൻ ജിജു അ​ശോ​ക​ന് മറുപടിയുണ്ടാകില്ല. അത്രമാത്രം വലിച്ചുനീട്ടലാണ് സംവിധായകൻ നടത്തിയിരിക്കുന്നത്.

മ​ല​യാ​ള സി​നി​മ ഇ​തു​വ​രെ പ​യ​റ്റി​യ ഒ​ട്ടു​മി​ക്ക പ്ര​ണ​യത​ന്ത്ര​ങ്ങ​ളേ​യും ഒ​റ്റ സി​നി​മ​യി​ലാ​ക്കാ​നാ​ണ് സം​വി​ധാ​യ​ക​ൻ പ്രേ​മ​സൂ​ത്ര​ത്തി​ൽ ശ്രമിച്ചത്. ക​ണ്ടു പ​ഴ​കി​യ സൂ​ത്ര​ങ്ങ​ളാ​യ​തുകൊ​ണ്ടു ത​ന്നെ അവയെല്ലാം ബോറായിരുന്നു. വലിച്ചുനീട്ടലിന്‍റെ കാര്യത്തിൽ റബർ പോലും സംവിധായകന്‍റെ മുന്നിൽ തോറ്റുപോകും.

പാ​വം ബാ​ലു ​വ​ർ​ഗീ​സ്, പ്രേ​മി​ച്ച് വ​ശം​കെ​ട്ടുപോയി. പ്രേ​മം കാ​ല​ങ്ങ​ൾ​ക്ക് മുൻപ് എ​ങ്ങ​നെ​യാ​യി​രു​ന്നു​വെ​ന്ന് ഇ​ന്ന​ത്തെ ത​ല​മു​റ​യെ കാ​ണി​ക്കാ​നു​ള്ള ശ്ര​മ​മൊ​ക്കെ കൊ​ള്ളാം. പ​ക്ഷേ, ആവിഷ്കരണത്തിൽ സംഭവമെല്ലാം താറുമാറായി എന്നതാണ് ശരി.



ജിജു അശോകൻ "ഉ​റു​ന്പു​ക​ൾ ഉ​റ​ങ്ങാ​റി​ല്ല' എ​ന്ന തന്‍റെ കന്നി ചിത്രത്തിൽ ചെ​ന്പ​ൻ വി​നോ​ദി​നെ ക​ള്ള​ൻ വേ​ഷ​മാ​ണ് ഏ​ൽ​പ്പി​ച്ച​തെ​ങ്കി​ൽ, ര​ണ്ടാം ചി​ത്ര​ത്തി​ൽ ക​ക്ഷി​യെ പ്രേ​മി​ക്കാ​നാ​യി അ​ഴി​ച്ചുവി​ടു​കയായിരുന്നു. വി​കെ​പി (​ചെ​ന്പ​ൻ വി​നോ​ദ്)​ ഏ​ൽ​പ്പി​ച്ച പ​ണി അ​റി​ഞ്ഞുചെ​യ്തി​ട്ടു​ണ്ടെ​ങ്കി​ലും ഈ ​വലിച്ചുനീട്ടലിനിടയിൽ അ​തൊ​ന്നും എറിച്ചില്ലെന്ന് മാത്രം. പ​ഴ​യ കാ​ല​ഘ​ട്ട​ത്തി​ലേ​ക്ക് സി​നി​മ പ്രേ​ക്ഷ​ക​രെ കൂ​ട്ടി​ക്കൊ​ണ്ടു പോ​കു​ന്നു​ണ്ട്. തോ​ടും, പാ​ട​വും പ​ച്ച​പ്പു​മെ​ല്ലാം നി​റ​ഞ്ഞുനി​ൽ​ക്കു​ന്ന ഗ്രാ​മ​ത്തി​ലേ​ക്ക് പോ​കു​ന്പോ​ൾ പ​ല​രും മ​റ​വി​യു​ടെ പു​സ്ത​ക​ത്തി​ൽ ഒ​ളി​പ്പി​ച്ച പ​ല​കാ​ര്യ​ങ്ങ​ളും തൊ​ട്ടു ത​ലോ​ടി​യെ​ടു​ക്കും.



പ്രേമമാണ് ചിത്രത്തിന്‍റെ ഇതിവൃത്തം.​ മനുഷ്യരെല്ലാം പ​റ​ഞ്ഞും പ​റ​യാ​തെ​യും പ്രേ​മി​ക്കു​ന്നു​ണ്ടെ​ന്നു​ള്ള​ത് സ​ത്യം ത​ന്നെ. എ​ന്നു ക​രു​തി, ര​ണ്ടേമു​ക്കാ​ൽ മ​ണി​ക്കൂ​റി​ന​ടു​ത്ത് ഇ​തുത​ന്നെ പ​റ​ഞ്ഞോ​ണ്ടി​രു​ന്നാ​ൽ മുഷിഞ്ഞ് പ​ണ്ടാ​രട​ങ്ങിപ്പോകി​ല്ലേ. അ​തുത​ന്നെ​യാ​ണ് പ്രേ​മ​സൂ​ത്ര​ത്തി​നു സം​ഭ​വി​ച്ച​ത്. പ​ല​ത​ര​ത്തി​ലു​ള്ള പ്രേ​മം ക​ണ്ടുക​ണ്ട് പ്രേ​മ​ത്തി​നോ​ടു ത​ന്നെ ഒ​രു പു​ച്ഛം തോ​ന്നും.

പ്ര​കാ​ശ​ന് (ബാ​ലു വ​ർ​ഗീ​സ്) അ​മ്മു​വി​നോ​ട് (​ലി​ജോ മോ​ൾ)​ തോ​ന്നു​ന്ന ആ​ത്മാ​ർ​ഥ പ്ര​ണ​യ​ത്തെ വ​ലി​ച്ചുനീ​ട്ടി ന​ശി​പ്പി​ക്കു​ക​യാ​ണ് സം​വി​ധാ​യ​ക​ൻ ചെ​യ്തി​രി​ക്കു​ന്ന​ത്. അ​മ്മു​വി​നെ വ​ള​യ്ക്കാ​ൻ പ്ര​കാ​ശ​ൻ ന​ട​ത്തു​ന്ന ശ്ര​മ​ങ്ങ​ളി​ലൂ​ടെ​യാ​ണ് ചി​ത്രം മു​ന്നോ​ട്ടുപോ​കു​ന്ന​ത്. അ​തി​നി​ട​യി​ൽ പ്ര​ണ​യപ​ര​വ​ശ​നാ​യ വി​കെ​പി​യു​ടെ പ്ര​ണ​യക​ഥ​ക​ളും വ​ന്നുപോ​യിക്കൊണ്ടി​രി​ക്കും.



ഒ​രു​പാ​ട് പ്ര​ണ​യപ​രാ​ജ​യ​ങ്ങ​ൾ നു​ണ​ഞ്ഞ വി​കെ​പി​യു​ടെ അ​ടു​ത്ത്, പ്ര​കാ​ശ​ൻ ത​ന്‍റെ പ്ര​ണ​യം പൂ​ക്കാ​നു​ള്ള വ​ഴി​തേ​ടി വ​രു​ന്നതുതൊട്ട് പിന്നെ കൊച്ചിംഗ് ക്ലാസാണ്. പ്രണയം എന്താണെന്ന് പഠിപ്പിക്കുന്ന "സ്പെഷൽ കോച്ചിംഗ് ക്ലാസ്'. ഈ ​ക്ലാ​സ് പ​ല​യി​ട​ങ്ങ​ളി​ലും ചി​ത്ര​ത്തി​ന് ഇ​ഴ​ച്ചി​ലു​ക​ൾ സ​മ്മാ​നി​ക്കുകയാണ് ചെയ്തത്.

പ്ര​കാ​ശ​നും കൂ​ട്ടു​കാ​രും വി​കെ​പി പ​റ​യു​ന്ന സൂ​ത്ര​ങ്ങ​ൾ പ്ര​യോ​ഗി​ച്ച് തു​ട​ങ്ങു​ന്ന​തോ​ടെ ചി​ത്രം ര​സം​പി​ടി​ച്ച് തു​ട​ങ്ങും. ന​ല്ല ഒ​ന്നാ​ന്ത​രം കാ​മു​ക വേ​ഷം അ​ണി​യാ​ൻ ബാ​ലു​വി​ന് സാ​ധി​ക്കു​ന്നു​ണ്ട്. പ​ക്ഷേ, തി​ര​ക്ക​ഥ​യു​ടെ കെ​ട്ടു​റ​പ്പി​ല്ലാ​യ്മ​യിൽ ബാ​ലു​വും പി​ട​ഞ്ഞുവീ​ഴു​ന്ന കാ​ഴ്ച​യാ​ണ് പി​ന്നീ​ട് കാ​ണാ​ൻ സാ​ധി​ക്കു​ക.



ഇ​ട​യ്ക്കൊ​ക്കെ സം​ഭാ​ഷ​ണ​ങ്ങ​ൾ​ക്കുമേ​ൽ പ​ശ്ചാ​ത്ത​ല സം​ഗീ​തം ആ​ധി​പ​ത്യം സ്ഥാ​പി​ച്ച​പ്പോ​ൾ പ​റ​യു​ന്ന​തെ​ന്താ​ണെ​ന്ന് നേ​രെ ചൊ​വ്വേ കേ​ൾ​ക്കാ​ൻ പോ​ലും സാ​ധി​ച്ചി​ല്ല. ഗോ​പിസു​ന്ദ​ർ ഒ​രു​ക്കി​യ പാ​ട്ടു​ക​ൾ കാ​തു​ക​ൾ​ക്ക് സു​ഖം പ​ക​ർ​ന്നുന​ൽ​കി​യാ​ണ് ക​ട​ന്നുപോ​യ​ത്. ലി​ജോമോ​ൾ​ക്ക് പി​ന്നെ ചി​രി​ക്കാ​നും ദേ​ഷ്യ​പ്പെ​ടാ​നും മാ​ത്ര​മേ ചി​ത്ര​ത്തി​ൽ സ​മ​യമുണ്ടായിരുന്നുള്ളൂ.

വി​ഷ്ണു ഗോ​വി​ന്ദ​നെ കോ​മ​ഡി പ​രി​വേ​ഷ​ത്തി​ൽ നി​ന്നു മോ​ചി​പ്പി​ക്കാ​ൻ സം​വി​ധാ​യ​ക​ന് ക​ഴി​ഞ്ഞിട്ടു​ണ്ട്. നെ​ഗ​റ്റീ​വ് ട​ച്ചു​ള്ള ത​വ​ളക്കണ്ണ​ൻ സു​കുവാ​യി വി​ഷ്ണു ആ​ദ്യാ​വ​സാ​നം മി​ക​ച്ച പ്ര​ക​ട​ന​മാ​ണ് പു​റ​ത്തെ​ടു​ത്തി​ട്ടു​ള്ള​ത്. ആ​ദ്യപ​കു​തി നാ​യി​ക​യെ വീ​ഴ്ത്താ​നു​ള്ള നാ​യ​ക​ന്‍റെ ശ്ര​മ​ങ്ങ​ൾ അ​ത്ര​യും പാ​ളി​പ്പോ​കു​ന്പോ​ൾ ര​ണ്ടാം പ​കു​തി​യി​ൽ പ്രേ​മ​ക്ക​ളി​യു​ടെ മ​റ്റ് ചി​ല ടെ​ക്നി​ക്കു​ക​ൾ കാ​ണി​ച്ചാണ് സംവിധായകൻ വെറുപ്പിച്ചത്.



ഗ്രാ​മാ​ന്ത​രീ​ക്ഷം ത​നി​മ​വി​ടാ​തെ ഒ​പ്പി​യെ​ടു​ത്ത ഛായാ​ഗ്രാ​ഹ​ക​ൻ സ്വ​രൂ​പ് ഫി​ലി​പ്പ്, പ്രേ​മം കാ​ണി​ച്ചു​ള്ള വെ​റു​പ്പി​ക്കലി​നി​ടെ പ്രേ​ക്ഷ​ക​ർ​ക്ക് ആ​ശ്വാ​സമാണ്. ഒ​ന്നി​നൊ​ന്നി​ന് മി​ക​ച്ച ഫ്രെ​യി​മു​ക​ളാ​ൽ സ​ന്പ​ന്ന​മാ​ണ് പ്രേ​മ​സൂ​ത്രം. ആ ​കാ​ഴ്ച​ക​ൾ ത​ന്നെ​യാ​ണ് ഈ ​ചി​ത്രം ക​ണ്ടി​രി​ക്കാ​ൻ പ്രാ​പ്ത​മാ​ക്കിത്തീർ​ക്കു​ന്ന​തും. പ​തി​വ് ഭാ​വപ്ര​ക​ട​ന​ങ്ങ​ളു​മാ​യി സു​ധീ​ർ ക​ര​മ​ന​യും ചി​ത്ര​ത്തി​ലു​ണ്ട്. ക​ക്ഷി ത​ന്‍റെ സ്ഥി​രം ഭാ​വം മാ​റ്റേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു​വെ​ന്ന് പ്രേ​മ​സൂ​ത്രം സാ​ക്ഷ്യം പ​റ​യും. ഇ​ത്തി​രി​യൊ​ക്കെ ഫാ​ന്‍റ​സി ചേ​ർ​ത്താ​ണ് ചെ​ന്പ​ൻ വി​നോ​ദി​ന്‍റെ ക​ഥാ​പാ​ത്ര​ത്തെ സം​വി​ധാ​യ​ക​ൻ സൃ​ഷ്ടി​ച്ചി​രി​ക്കു​ന്ന​ത്. പ​ക്ഷേ, ആ ഫാ​ന്‍റ​സി ലോ​ക​ത്തേ​ക്ക് പ്രേ​ക്ഷ​ക​രെ കൂ​ട്ടി​കൊ​ണ്ടു​പോ​കാ​ൻ സം​വി​ധാ​യ​ക​ന് ക​ഴി​ഞ്ഞി​ല്ലാ​യെ​ന്നു മാ​ത്രം.

പ്രേ​മി​ക്കാ​ൻ താത്പര്യപ്പെടുന്നവർ പ​ഴ​യ​കാ​ല സൂ​ത്ര​ങ്ങ​ൾ ക​ണ്ട് ഒ​ന്നു പ​യ​റ്റി നോ​ക്ക​ണ​മെ​ന്നു വിചാരിക്കുന്നുവെങ്കിൽ പ്രേ​മ​സൂ​ത്ര​ത്തി​ന് ത​ല​വ​യ്ക്കാം. അ​ല്ലാ​ത്ത​വ​ർ ആ ​വ​ഴി പോ​കാ​തി​രി​ക്കു​ന്ന​താ​വും ന​ല്ല​ത്. കാ​ര​ണം നി​ങ്ങ​ൾ​ക്ക് ആ ​സൂ​ത്ര​ങ്ങ​ൾ ബോ​ധി​ക്ക​ണ​മെ​ന്നി​ല്ല.

വി. ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.