Cinema
ജി​സ് ജോ​യി സി​മ്പിളാ, സി​നി​മ സൂ​പ്പ​റും..!
Friday, January 11, 2019 7:59 PM IST
ഹാ​യ്, എ​ന്തൊ​ക്കെ​യു​ണ്ട് വി​ശേ​ഷം, സു​ഖം ത​ന്നെ​യ​ല്ലേ... ഈ ​മ​ട്ടി​ലാ​ണ് സംവിധായകൻ ജി​സ് ജോ​യി സി​നി​മ​യെ സ​മീ​പി​ക്കു​ന്ന​ത്. കൊച്ചു വർത്തമാനങ്ങളിലൂടെ വ​ലി​യ കാ​ര്യ​ങ്ങ​ളി​ലേ​ക്ക് ഒ​രുപോ​ക്കാ​ണ്. സം​ഭ​വം ല​ക്ഷ്യ സ്ഥാ​ന​ത്തെ​ത്തു​ന്പോ​ഴേ​ക്കും ചി​രി​ക്കാ​നും ചി​ന്തി​ക്കാ​നും പി​ന്നെ ഓ​ർ​ത്തി​രി​ക്കാ​നും ഒ​രു​പാ​ട് നി​മി​ഷ​ങ്ങ​ൾ മ​ന​സി​ലേ​ക്ക് ചേ​ക്കേ​റി​യി​ട്ടു​ണ്ടാ​വും.

വി​ജ​യ് സൂ​പ്പ​റും പൗ​ർ​ണ​മി​യും ഒ​ച്ച​പ്പാ​ടു​ക​ളോ അ​ട്ട​ഹാ​സ​ങ്ങ​ളോ ക​ടി​ച്ചാ​ൽ പൊ​ട്ടാ​ത്ത പ​ഞ്ച് ഡ​യ​ലോ​ഗു​ക​ളോ ഇ​ല്ലാ​ത്ത ഒ​രു കൊച്ചു സി​നി​മ​യാ​ണ്. ഒ​ന്നും ചെ​യ്യാ​നൊ​രു ഉ​ഷാ​റി​ല്ലാ​യെ​ന്ന് തോ​ന്നി​യി​ട്ടു​ണ്ടോ... അ​ല്ലെ​ങ്കി​ൽ എ​ന്നെക്കൊണ്ട് അ​ത് ചെ​യ്യാ​ൻ പ​റ്റു​മെ​ന്ന് തോ​ന്നി​യി​ട്ടു​ണ്ടോ... ഈ ​ര​ണ്ടു തോ​ന്ന​ലു​ക​ളെ കൂ​ട്ടു​പി​ടി​ച്ചാ​ണ് സം​വി​ധാ​യ​ക​ൻ ഇ​വി​ടെ ഒ​രു സി​നി​മ പ​രു​വ​പ്പെ​ടു​ത്തി​യെ​ടു​ത്തി​രി​ക്കു​ന്ന​ത്.

അ​റി​യാ​ൻ മേ​ലാ​ഞ്ഞി​ട്ട് ചോ​ദി​ക്കു​വാ... നി​ങ്ങ​ൾ എ​ങ്ങ​നെ​യാ​ണ് ​യു​വാ​ക്ക​ളു​ടെ മ​ന​സി​ലി​രുപ്പ് ഇ​ത്ര കൃ​ത്യ​മാ​യി ഒ​പ്പി​യെ​ടു​ക്കു​ന്ന​ത്. അ​വ​രു​ടെ ഉ​ള്ളി​ലെ ഫീ​ലിം​ഗ്സ് ഇ​ത്ര സി​ന്പി​ളാ​യി ബി​ഗ് സ്ക്രീ​നി​ലേ​ക്ക് പ​ക​ർ​ത്തു​ന്ന​ത്. പോ​സി​റ്റീ​വ് എ​ന​ർ​ജി പ​ര​തി​ന​ട​ക്കു​ന്ന ഏ​തൊ​രാ​ൾ​ക്കും വ​ലി​യ​പേ​രു​ള്ള ഈ ​കു​ഞ്ഞു ചി​ത്രം ഏ​റെ ഉന്മേഷം ന​ൽ​കു​മെ​ന്ന് ഉ​റ​പ്പ്.



പെ​ണ്ണു​കാ​ണ​ൽ സൂ​പ്പ​റാ...

ഒ​ഴു​ക്ക​ൻ മ​ട്ടി​ൽ ക​ഥ തു​ട​ങ്ങി ചി​ത്ര​ത്തി​ന്‍റെ പേ​ര് എ​ന്താ​ണിങ്ങ​നെ​യാ​യിപ്പോയ​തെ​ന്നു​ള്ള കാ​ര്യം സം​വി​ധാ​യ​ക​ൻ ആ​ദ്യം ത​ന്നെ പ്രേ​ക്ഷ​ക​രോ​ട് പ​റ​യു​ന്നു​ണ്ട്. പി​ന്നീ​ടു​ള്ള കാ​ര്യ​ങ്ങ​ളെ​ല്ലാം വ​ള​രെ സി​ന്പി​ളാ​യി​ട്ടാ​ണ് സംവിധായകൻ ആ​വി​ഷ്ക​രി​​ച്ചി​രിക്കു​ന്ന​ത്. പെ​ണ്ണുകാ​ണ​ൽ ച​ട​ങ്ങും അ​തി​നെ ചു​റ്റി​പ്പറ്റി​യു​ണ്ടാ​കു​ന്ന സം​ഭ​വ​ങ്ങ​ളു​മാ​യി ക​ഥ വി​ക​സി​ക്കു​ന്പോ​ൾ തീ​യ​റ്റ​റി​ൽ പ​തി​യെ ചി​രി​യു​ടെ അ​ല​യൊ​ലി​ക​ൾ ഉ​യ​രാ​ൻ തു​ട​ങ്ങും.

ചി​രി​പ്പി​ക്കാ​ൻ വേ​ണ്ടി താ​ര​ങ്ങ​ൾ ശ്ര​മി​ച്ച​ത​ല്ല, പ്രേ​ക്ഷ​ക​ർ അറിയാതെ ചി​രി​ച്ചുപോ​യ​താ​ണ്. ചെ​റു​ക്ക​നും പെ​ണ്ണും ഒ​രു മു​റി​യി​ൽ അ​ക​പ്പെ​ടു​ന്ന​തും പി​ന്നീ​ട് അ​വ​ർ അ​വ​രു​ടെ ഇ​തു​വ​രെ​യു​ള്ള ജീ​വി​ത​ത്തി​ലെ ചി​ല ഏ​ടു​ക​ൾ വി​വ​രി​ച്ചു തു​ട​ങ്ങുകയും ചെയ്യുന്ന​തോ​ടെ ക​ഥ ര​സം​പി​ടി​ച്ച് തു​ട​ങ്ങും. അ​യ്യോ, പ​റ​യാ​ൻ മ​റ​ന്നു. ഇ​തി​ലെ ചെ​ക്ക​ൻ ആ​സി​ഫ് അ​ലി​യും (​നാ​യ​ക​ൻ) പെ​ണ്ണ് ഐ​ശ്വ​ര്യ ല​ക്ഷ്മി (നാ​യി​ക)​യു​മാ​ണ്.



ഇ​ങ്ങ​നെ​യും തേ​പ്പു​ണ്ടോ...

തേ​പ്പി​ന്‍റെ പ​ല​രൂ​പ​ങ്ങ​ൾ ഇക്കാലത്ത് ക​റ​ങ്ങി ന​ട​ക്കു​ന്പോ​ൾ സം​വി​ധാ​യ​ക​നും വി​ട്ടുകൊ​ടു​ക്കാ​ൻ ത​യാ​റ​ല്ല. പു​ള്ളി​യും കാ​ട്ടി​ത്ത​രു​ന്നു​ണ്ട് ഒ​രു ന്യൂ​ജ​ൻ തേ​പ്പ്. പെ​ണ്ണു​കാ​ണ​ൽ ച​ട​ങ്ങ് പൂ​ർ​ത്തി​യാ​കു​ന്ന​തോ​ടെ ഒ​ന്നാം പ​കു​തി അ​വ​സാ​നി​ക്കു​ക​യാ​യി. അ​തു​വ​രെ ക​ണ്ട​തെ​ല്ലാം വി​ധി​യു​ടെ ചി​ല വി​ള​യാ​ട്ട​ങ്ങ​ൾ മാ​ത്ര​മാ​ണെ​ന്ന് മ​ന​സി​ലാ​കു​ന്പോ​ഴേ​ക്കും ക​ഥ ഇ​തു​വ​രെ​യു​ള്ള ക​ഥാ​പാ​ത്ര​ങ്ങ​ളെ കൂ​ട്ടു​പി​ടി​ച്ച് മ​റ്റൊ​രു വ​ഴി​യെ യാ​ത്ര ചെ​യ്തു തു​ട​ങ്ങും.

ഇ​വി​ടെ​യാ​ണ് മ​ന​സി​ലെ തോ​ന്ന​ലു​ക​ളെ ഏ​റ്റു​മു​ട്ടി​ക്കാ​ൻ സം​വി​ധാ​യ​ക​ൻ ത​യാ​റാ​കു​ന്ന​ത്. അ​വി​ടെനി​ന്ന​ങ്ങോ​ട്ട് വി​ജ​യ് (ക​ഥാ​നാ​യ​ക​ൻ) സൂ​പ്പ​റാ​കു​ന്ന​തും പൗ​ർ​ണ​മി​യാ​ക​ട്ടെ (ക​ഥാ​നാ​യി​ക) ത​ന്‍റെ ല​ക്ഷ്യ​ത്തി​ലേ​ക്ക് പ​റ​ക്കാ​ൻ വെ​മ്പ​ൽ കൊ​ള്ളു​ന്ന​തും കാ​ണാ​ൻ സാ​ധി​ക്കും.



ആ​ഗ്ര​ഹം മാ​ത്രം പോ​ര​ല്ലോ...

ന​ന്നാ​ക​ണ​മെ​ന്ന് ആ​ഗ്ര​ഹം മാ​ത്രം പോ​ര അ​തി​ന് വേ​ണ്ടി ശ്ര​മി​ക്കു​ക കൂ​ടി ചെ​യ്യ​ണ​മെ​ന്ന് സം​വി​ധാ​യ​ക​ൻ നാ​യ​ക​ന്‍റെ ആ​ല​സ്യ​ങ്ങ​ളി​ലൂ​ടെ കാ​ട്ടി​ത്ത​ന്ന​പ്പോ​ൾ ആ​സി​ഫ് അ​ലി വെ​ല്ലു​വി​ളി​ക​ളേ​തു​മി​ല്ലാ​ത്ത ആ ​വേ​ഷം കൂ​ളാ​യി കൈ​കാ​ര്യം ചെ​യ്യു​ക​യും ചെ​യ്തു. ഐ​ശ്വ​ര്യ ല​ക്ഷ്മി​യാ​ക​ട്ടെ സ്വ​പ്ന​ങ്ങ​ളി​ലേ​ക്ക് പ​റ​ക്കാ​ൻ വ​ഴി​ക​ൾ തേ​ടു​ന്ന നാ​യി​ക​യാ​യി സ്ക്രീ​നി​ൽ നി​റ​ഞ്ഞു നി​ന്ന​പ്പോ​ൾ നാ​യ​ക​നേ​ക്കാ​ൾ പൊ​ടി​ക്ക് മേ​ൽ​ക്കൈ നാ​യി​ക​യ്ക്കാ​ണെ​ന്ന് പ​ല​ർ​ക്കും തോ​ന്നി​യി​ട്ടു​ണ്ടാ​കും.

സി​ദ്ദി​ഖും ര​ണ്‍​ജി പ​ണി​ക്ക​രും കെ​പി​എ​സി ​ല​ളി​ത​യു​മെ​ല്ലാം ഇ​വ​രു​ടെ ഇ​ട​യി​ലേ​ക്ക് ഇ​ട​യ്ക്കി​ടെ എ​ത്തി പ്രേ​ക്ഷ​ക​രു​ടെ മ​ന​സി​ൽ കൊ​ള്ളു​ന്ന ചി​ല ഡ​യ​ലോ​ഗു​ക​ൾ നൈ​സാ​യി​ട്ട് പ​റ​ഞ്ഞു പോ​കു​ന്പോ​ൾ ചി​രി​യും ചി​ന്ത​യു​മെ​ല്ലാം ഞൊ​ടി​യി​ട​യി​ൽ ത​ല​പൊ​ക്കും. അ​തു​കൊ​ണ്ട് ത​ന്നെ ര​ണ്ടാം പ​കു​തി കി​ത​പ്പി​ന്‍റെ​യും കു​തി​പ്പി​ന്‍റെ​യും പാ​ത​യി​ലൂ​ടെ​യാ​ണ് യാ​ത്ര ചെ​യ്യു​ന്ന​ത്.



നി​റ​ഞ്ഞൊ​ഴു​കു​ന്ന പോ​സി​റ്റീ​വ് എ​ന​ർ​ജി

ഒ​ഴു​ക്കി​ന് അ​നു​സ​രി​ച്ച് പ്രേ​ക്ഷ​ക​രെ ത​ലോ​ടാ​ൻ വ​രു​ന്ന പ്രി​ൻ​സ് ജോ​ർ​ജി​ന്‍റെ പ​ശ്ചാ​ത്ത​ല സം​ഗീ​ത​ത്തി​ലൂ​ടെ​യും സ​ന്ദ​ർ​ഭ​ങ്ങ​ൾ​ക്ക് അ​നു​സ​രി​ച്ച് ഒ​ഴു​കി​യെ​ത്തു​ന്ന പാ​ട്ടു​ക​ളി​ലൂ​ടെ​യും പോ​സി​റ്റീ​വ് എ​ന​ർ​ജി ചി​ത്ര​ത്തെ വ​ല​യം ചെ​യ്ത് നി​ൽ​ക്കു​ക​യാ​ണ്. നി​ത്യ​ജീ​വി​ത​ത്തി​ൽ ക​ണ്ടു​മ​റ​ന്ന പ​ല ഫ്രെ​യി​മു​ക​ളും ഛായാ​ഗ്രാ​ഹ​ക​ൻ ര​ണ​ദി​വ ചി​ത്ര​ത്തി​ലേ​ക്ക് കൂ​ട്ടി​ച്ചേ​ർ​ത്തുവച്ചി​ട്ടു​ണ്ട്.

ന​ല്ല​ത് തോ​ന്നാ​നും ചെ​യ്യാ​നും പ്ര​വ​ർ​ത്തി​ക്കാ​നും മ​ന​സി​നെ സ്വ​ത​ന്ത്ര​മാ​ക്കു​ന്ന​തി​ലൂ​ടെ മാത്രമേ സാ​ധി​ക്കൂ​വെ​ന്നും മ​റ്റു​ള്ള​വ​ർ​ക്ക് വേ​ണ്ടി ഹോ​മി​ക്കാ​നു​ള്ള​ത​ല്ല അവനവന്‍റെ ആ​ഗ്ര​ഹ​ങ്ങ​ളെ​ന്നു കൂടി സംവിധായകൻ പറയുന്നുണ്ട്.

അ​തെ, ആ​ഗ്ര​ഹ​ങ്ങ​ളെ പൂ​ട്ടി​യി​ടാ​തി​രി​ക്കാം. അ​വ ചിറകടിച്ച് പ​റ​ന്നു​യ​ര​ട്ടെ. സ​ന്തോ​ഷ​ങ്ങ​ളെ ജീ​വി​ത​ത്തി​ലേ​ക്ക് ക​ട​ത്തി​വി​ട​ട്ടെ.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.