Cinema
തല "വിശ്വാസം' കാത്തു
Friday, January 11, 2019 2:52 PM IST
കു​ടും​ബ ​പ്രേ​ക്ഷ​ക​ർ​ക്ക് ത​ല​യെ വിശ്വസിക്കാം. മാ​സി​ന് പ​ക​രം കുടുംബങ്ങളിലെ വി​ശ്വാ​സ​ത്തി​നാ​ണ് സം​വി​ധാ​യ​ക​ൻ ഇ​വി​ടെ പ്രാ​ധാ​ന്യം കൊ​ടു​ത്തി​രി​ക്കു​ന്ന​ത്. കേ​ട്ടുപ​ഴ​കി​യ ക​ഥ​യെ അ​ജി​ത്ത് എന്ന ന​ട​നെ വി​ശ്വ​സി​ച്ച് സം​വി​ധാ​യ​ക​ൻ അ​ങ്ങ് ഏ​ൽ​പ്പി​ച്ച​പ്പോ​ൾ പു​ള്ളി അ​ത് വെ​ടി​പ്പാ​യി ചെ​യ്ത് തി​രി​കെ ന​ൽ​കി. ക​ട്ട​യ്ക്ക് നി​ൽ​ക്കു​ന്ന പ്ര​ക​ട​ന​വു​മാ​യി ന​യ​ൻ​താ​ര​യും ബേ​ബി അ​നിഘയും മ​ത്സ​രാ​ഭി​നം കൂ​ടി കാ​ഴ്ച​വച്ച​തോ​ടെ സം​ഗ​തി ഉ​ഷാ​റാ​യി.

ര​ണ്ടു​ഗെ​റ്റ​പ്പി​ലാ​യി തൂ​ക്കു ദു​രൈ (​അ​ജി​ത്ത്) ചി​ത്ര​ത്തി​ൽ നി​റ​ഞ്ഞുനി​ൽ​ക്കു​ന്പോ​ൾ ബോ​റ​ടി​യെ​ന്ന സം​ഗ​തി​ക്ക് ത​ന്നെ ചി​ത്ര​ത്തി​ൽ സ്ഥാ​ന​മി​ല്ലാ​താ​യി. തേ​നി​യി​ലെ ഒ​രു ഗ്രാ​മ​വും പി​ന്നെ മും​ബൈ നഗരവും ക​ഥ​യു​ടെ പ്രാ​ധാ​ന്യം അ​നു​സ​രി​ച്ച് ചി​ത്ര​ത്തി​ൽ സ്ഥാ​നം പി​ടി​ക്കു​ന്നു​ണ്ട്.



ഫ്ലാഷ് ബാ​ക്കി​ന്‍റെ മ​റ​പ​റ്റി​യാ​ണ് ചി​ത്ര​ത്തി​ന്‍റെ വേ​ഗം കൂ​ടിത്തുട​ങ്ങു​ന്ന​ത്. തൂ​ക്കു​ദു​രൈ ഗ്രാ​മ​വാ​സി​ക​ളു​ടെ ക​ണ്ണി​ലു​ണ്ണി​യാ​ണ്. എ​ന്തി​നും ഏ​തി​നും അയാൾ മു​ന്നി​ലു​ണ്ടാ​വും. അ​ങ്ങ​നെ​യു​ള്ള നാ​യ​ക​ന്‍റെ ജീ​വി​ത​ത്തി​ൽ സം​ഭ​വി​ച്ച ചി​ല കാ​ര്യ​ങ്ങ​ളി​ലേ​ക്കാ​ണ് സം​വി​ധാ​യ​ക​ൻ ശി​വ പ്രേ​ക്ഷ​ക​രെ കൂ​ട്ടി​ക്കൊ​ണ്ടുപോ​കു​ന്ന​ത്.

യൂ​ത്ത​നാ​യ തൂ​ക്കു​ദു​രൈ​യു​ടെ എ​ന​ർ​ജ​റ്റി​ക്ക് പ്ര​ക​ട​നം പ്രേ​ക്ഷ​ക​രെ ആ​കെ​യൊ​ന്നു ഇ​ള​ക്കി മ​റി​ക്കു​ന്നു​ണ്ട്. അ​ടി​ക്ക് അ​ടി, ലു​ക്കി​ന് ലു​ക്ക് പി​ന്നെ കോ​മ​ഡി​ക്ക് കോ​മ​ഡി എ​ല്ലാം സ​മാ​സ​മം ചേ​ർ​ന്നൊ​രു നാ​യ​ക​ൻ. വീ​രം, വേ​താ​ളം, വി​വേ​കം എ​ന്നീ സി​നി​മ​ക​ൾ​ക്ക് ശേ​ഷ​മു​ള്ള ശി​വ​യു​ടെ​യും അ​ജി​ത്തി​ന്‍റെ​യും ഒ​ത്തു​ചേ​ര​ലി​ൽ ഇ​ത്ത​വ​ണ അ​വ​ർ കു​ടും​ബ​പ്രേ​ക്ഷ​ക​രെ​യും ചേ​ർ​ത്തു പി​ടി​ച്ചി​ട്ടു​ണ്ട്.



നാ​യ​ക​ൻ നാ​യി​ക​യെ ക​ണ്ടു​മു​ട്ടു​ന്നു, പി​ന്നീ​ട് ജീ​വി​തം മാ​റി​മ​റി​യു​ന്നു തു​ട​ങ്ങി​യ ക്ലീ​ഷേ സം​ഗ​തി​ക​ളെ വീ​ണ്ടും സംവിധായകൻ കൂട്ടുപിടിച്ചിട്ടുണ്ട്. നി​ര​ഞ്ജ​ന​യാ​യി എ​ത്തി ന​യ​ൻ​താ​ര ഉശിരു​ള്ള പ്ര​ക​ട​ന​മാ​ണ് പു​റ​ത്തെ​ടു​ത്തി​രി​ക്കു​ന്ന​ത്. അ​ജി​ത്ത്-ന​യ​ൻ​താ​ര കെ​മി​സ്ട്രി ചി​ത്ര​ത്തെ പ്ര​ണ​യ വ​ഴി​യി​ലേ​ക്ക് തി​രി​ച്ചുവി​ടു​ന്നു​ണ്ട്. നാ​ട്ടി​ലെ പ്ര​ശ്ന​ങ്ങ​ളി​ലെ​ല്ലാം ഇ​ട​പെ​ടു​ന്ന നാ​യ​ക​നെ വി​ല്ലന്മാർ വീ​ഴ്ത്താ​ൻ ശ്ര​മി​ക്കു​ന്നി​ട​ത്ത് നി​ന്ന് ക​ഥ മ​റ്റൊ​രു ത​ല​ത്തി​ലേ​ക്ക് നീ​ങ്ങു​ക​യാ​ണ്.



ഗ്രാ​മീ​ണ കാ​ഴ്ച​ക​ളും മുംബൈ നഗരത്തിന്‍റെ ഭംഗിയും ക​ള​ർ​ഫു​ൾ ഫ്രെ​യി​മു​ക​ളി​ൽ ഛായാ​ഗ്രാ​ഹ​ക​ൻ വെ​ട്രി പ​ള​നിസ്വാ​മി ഒപ്പിയെടുത്തിട്ടുണ്ട്. ര​ണ്ടാം പ​കു​തി​യി​ൽ അച്ഛൻ മ​ക​ളു​ടെ വി​ശ്വാ​സം വീ​ണ്ടെ​ടു​ക്കു​ന്ന​ത് എ​ങ്ങ​നെ​യാ​ണെ​ന്നാ​ണ് സം​വി​ധാ​യ​ക​ൻ കാ​ട്ടി​ത്ത​രു​ന്ന​ത്. ബേ​ബി അ​നി​ഘ-അ​ജി​ത്ത് കോ​ന്പി​നേ​ഷ​ൻ സീ​നു​ക​ളാ​ണ് ര​ണ്ടാം പ​കു​തി​യു​ടെ ഹൈ​ലൈ​റ്റ്. കോ​മ​ഡി​ക്കാ​യി കോ​മ​ഡി തി​രു​കി ക​യ​റ്റു​ന്ന പ​തി​വ് ത​മി​ഴ് സി​നി​മ ശൈലി ചിത്രത്തിന് കല്ലുകടിയാകുന്നുണ്ട്.



ആക്ഷൻ രംഗങ്ങളിൽ തല അസാമാന്യ പ്രകടനമാണ് പുറത്തെടുത്തിരിക്കുന്നത്. കു​ടും​ബ ക​ഥയായതു കൊ​ണ്ടാ​വാം ബ​ന്ധ​ങ്ങ​ൾ​ക്ക് പ്രാ​ധാ​ന്യം ന​ൽ​കാ​നാ​ണ് സം​വി​ധാ​യ​ക​ൻ ശ്ര​ദ്ധി​ച്ചി​രി​ക്കു​ന്ന​ത്. ഭാ​ര്യാഭ​ർ​തൃ ബ​ന്ധ​ത്തി​ലെ വി​ശ്വാ​സ​വും അച്ഛനും മ​ക​ളും ത​മ്മി​ലു​ള്ള ബ​ന്ധ​ത്തി​ലെ വി​ശ്വാ​സ​വും ത​മ്മി​ലാ​ണ് ഇ​വി​ടെ വൈ​കാ​രി​ക​മാ​യി പോ​ര​ടി​ക്കു​ന്ന​ത്.

ഒ​ടു​വി​ൽ കു​ടും​ബ ​പ്രേ​ക്ഷ​രു​ടെ വി​ശ്വാ​സം വീ​ണ്ടെ​ടു​ത്ത് ത​ല അ​ജി​ത്ത് മീ​ശ പി​രി​ച്ച് ഉശി​രോ​ടെ നി​ൽ​ക്കു​ന്പോ​ൾ സം​വി​ധാ​യ​ക​നെ​ന്ന നി​ല​യി​ൽ ശി​വ വീ​ണ്ടും പ്രേ​ക്ഷ​ക​രു​ടെ വി​ശ്വാ​സം നേ​ടി​യെ​ടു​ക്കു​ക​യാ​ണ്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.