Cinema
‘മിന്നുന്നുണ്ടേ...’ ഹിറ്റ്..! ‘തരംഗ’മായ് അശ്വിൻ രഞ്ജു
Thursday, October 5, 2017 6:30 AM IST
ഡൊ​മി​നി​ക് അ​രു​ണി​ന്‍റെ ‘ത​രം​ഗം’ എ​ന്ന ന​വ​സി​നി​മ​യു​ടെ ആ​ക​ർ​ഷ​ണ​ങ്ങ​ളി​ലൊ​ന്ന് അ​തി​ലെ ‘മി​ന്നു​ന്നു​ണ്ടേ മു​ല്ല​പോ​ലെ..’ എ​ന്ന പാ​ട്ടു​ത​ന്നെ​യാ​ണ്. മ​നു മ​ഞ്ജി​ത്ത് എ​ഴു​തി പു​തു​മു​ഖ സം​ഗീ​ത​സം​വി​ധാ​യ​ക​ൻ അ​ശ്വി​ൻ ര​ഞ്ജു ഈ​ണ​മി​ട്ട ആ ​പാ​ട്ടു​പാ​ടി​യ​ത് യു​വ​ഗാ​യ​ക​ൻ കാ​ർ​ത്തി​ക്. ത​രം​ഗ​ത്തി​ലെ ബാ​ക്ക് ഗ്രൗ​ണ്ട് സ്കോ​റിംഗും വെ​ല്ലു​വി​ളി​ക​ൾ നി​റ​ഞ്ഞ​താ​യി​രു​ന്നു​വെ​ന്ന് അ​ശ്വി​ൻ ര​ഞ്ജു. പു​തു​മ​ക​ൾ ഏ​റെ​യു​ള്ള ത​രം​ഗ​ത്തി​ന്‍റെ വി​ശേ​ഷ​ങ്ങ​ളു​മാ​യി സം​ഗീ​ത​സം​വി​ധാ​യ​ക​ൻ അ​ശ്വി​ൻ ര​ഞ്ജു....

സം​ഗീ​ത​വഴിയിലേക്ക് എ​ത്തി​യ​ത്...?

സ്കൂ​ൾ​പ​ഠ​നം ദോ​ഹ​യി​ലാ​യി​രു​ന്നു. സ്വ​ദേ​ശി​ക​ളാ​യ കു​ട്ടി​ക​ൾ അ​റ​ബി പ​ഠി​ക്കു​ന്പോ​ൾ മ​റ്റു കു​ട്ടി​ക​ൾ​ക്കു​ള്ള ഓ​പ്ഷ​നാ​യി​രു​ന്നു സം​ഗീ​തം. അ​ങ്ങ​നെ വെ​സ്റ്റേ​ണും ഹി​ന്ദു​സ്ഥാ​നി​യും പ​ഠി​ച്ചു​തു​ട​ങ്ങി. അ​ച്ഛ​ൻ ക്വ​യ​റി​ലാ​യി​രു​ന്നു. അ​ച്ഛ​ന്‍റെ പാ​ട്ടു​കേ​ട്ട് ഞാ​നും ക്വ​യ​റി​ൽ ക​യ​റി. അവിടെനി​ന്നു ധാ​രാ​ളം കാ​ര്യ​ങ്ങ​ൾ പ​ഠി​ക്കാ​നായി.​ ക്വ​യ​റി​ൽ ഞാ​നും 15 വ​ർ​ഷം ഉ​ണ്ടാ​യി​രു​ന്നു.​ പാ​ലാ സെ​ന്‍റ് ജോ​സ​ഫ് കോ​ള​ജി​ലാ​യി​രു​ന്നു ഡി​ഗ്രി പ​ഠ​നം - എ​ൻ​ജി​നി​യ​റിം​ഗ് ഇ​ൻ​സ്ട്രു​മെ​ന്‍റേഷ​ൻ.

ഞാ​നും അ​രു​ണ്‍ ഡൊ​മ​നി​ക്കും ഇ​തി​ന്‍റെ എ​ഡി​റ്റ​ർ ശ്രീനാഥും സം​ഭാ​ഷ​ണ​മെ​ഴു​തി​യ കി​ര​ണ്‍ ര​ഘുവും ക്ലാ​സ്മേ​റ്റ്സാ​ണ്. അക്കാലത്തു താത്പര്യം ലൈ​വ് മ്യൂ​സി​ക്കി​ലും കം​പോ​സിം​ഗി​ലു​മാ​യി. പാ​ടി​ ട്യൂ​ണ്‍ രൂ​പ​പ്പെ​ടു​ത്തും. പി​ന്നീ​ട് ഗിറ്റാറിലും കീബോർഡിലും വാ​യി​ച്ച് നോ​ട്സ് ഫി​ക്സ് ചെ​യ്യും. ലൈ​വ് പെ​ർ​ഫോ​മ​ൻ​സു​ക​ളി​ൽ സ്വ​ന്തം കം​പോ​സി​ഷ​നു​ക​ൾ അ​വ​ത​രി​പ്പി​ച്ചു തു​ട​ങ്ങി. മ്യൂ​സി​ക് പ്രൊ​ഡ​ക്്ഷ​നെ​ക്കു​റി​ച്ചു കൂ​ടു​ത​ൽ അ​റി​യാ​നും പ​ഠി​ക്കാ​നും ശ്ര​മി​ച്ചു. 7 എ​എം എ​ന്ന പേ​രി​ൽ മ്യൂ​സി​ക്ക​ൽ ഓ​ഡി​യോ ആ​ൽ​ബം ചെ​യ്തു.



ത​രം​ഗ​ത്തി​ലേ​ക്കു​ള്ള വ​ഴി....‍‍?

കോ​ള​ജ് പ​ഠ​ന​ത്തി​നു​ശേ​ഷം ദോ​ഹ​യി​ൽ തി​രി​ച്ചെ​ത്തി, എ​ൻ​ജി​നി​യ​റിം​ഗ് ജോ​ലി​യി​ൽ പ്ര​വേ​ശി​ച്ചു. അ​തി​നൊ​പ്പം ഓ​ഡി​യോ ടെ​ക്നോ​ള​ജി​യെ​ക്കു​റി​ച്ചു പ​ഠി​ച്ചു​തു​ട​ങ്ങി. ഒ​രു സ്റ്റു​ഡി​യോ ത​ന്നെ സെ​റ്റ് ചെ​യ്തു. അ​ക്കാ​ല​ത്തു ചെ​ന്നൈ വി​പ്രോ​യി​ലാ​യി​രു​ന്ന ഡൊ​മിനി​ക് ജോ​ലി​ക്കൊ​പ്പം ഫി​ലിം പ്രൊ​ഡ​ക്‌ഷ​ൻ പ​ഠി​ക്കു​ന്നു​ണ്ടാ​യി​രു​ന്നു. പ​ഠി​ച്ച​തൊ​ക്കെ ഞ​ങ്ങ​ൾ പ്ര​യോ​ഗി​ച്ചു നോ​ക്കി​യ​തു ഷോ​ർ​ട്ട്ഫി​ലി​മു​ക​ളി​ൽ ആ​യി​രു​ന്നു. ആ​ദ്യ​ത്തേ​തി​ന്‍റെ കു​റ​വു​ക​ളും പോ​രാ​യ്മ​ക​ളും മ​ന​സി​ലാ​ക്കി​യാ​ണ് തു​ട​ർ​ന്നു​ള്ള ഷോ​ർ​ട്ട്ഫി​ലി​മു​ക​ൾ ചെ​യ്ത​ത്. അ​ങ്ങ​നെ മൂ​ന്ന് ഷോ​ർ​ട്ട്ഫി​ലി​മു​ക​ൾ - ക്രെഡോ, അൺക്രെഡിറ്റഡ്, മൃ​ത്യു​ഞ്ജ​യം. മൃ​ത്യു​ഞ്ജ​യം ഹി​റ്റാ​യി. ഞ​ങ്ങ​ളു​ടേ​താ​യ സ്റ്റൈ​ൽ അ​തി​ൽ പ​രീ​ക്ഷി​ച്ചു. ഫി​ലി​മി​ൽ ഉ​പ​യോ​ഗി​ക്കു​ന്ന ടെ​ക്നി​ക്ക​ൽ ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ചു​ള്ള ഹെ​വി പ്രൊ​ഡ​ക്‌ഷ​നാ​ണ് മൃ​ത്യു​ഞ്ജ​യ​ത്തി​ൽ ചെ​യ്ത​ത്.

പാ​ലാ സെ​ന്‍റ് ജോ​സ​ഫ് കോ​ള​ജി​ലെ ക്ലാ​സ്മേ​റ്റ്സാ​യി​രു​ന്നു അ​തി​ന്‍റെ നി​ർ​മാ​ണം. (ത​രം​ഗം തു​ട​ങ്ങു​ന്പോ​ൾ അ​വ​ർ​ക്കു ന​ന്ദി പ​റ​യു​ന്നു​ണ്ട്. കാ​ര​ണം, അ​ന്ന് അ​വ​ർ മൃ​ത്യു​ഞ്ജ​യം നി​ർ​മി​ക്കാ​ൻ ത​യാ​റാ​യ​തു​കൊ​ണ്ടാ​ണ് ഇ​ന്ന് ഞ​ങ്ങ​ൾ​ക്കു ത​രം​ഗം ചെ​യ്യാ​നാ​യ​ത്. അ​വ​രു​ടെ​യെ​ല്ലാം പ്രാ​ർ​ഥ​ന​ക​ൾ​കൊ​ണ്ടാ​ണ് ത​രം​ഗം തി​യ​റ്റ​റു​ക​ളി​ലെ​ത്തി​യ​ത്.) മൃ​ത്യു​ഞ്ജ​യം ഇ​ഷ്ട​പ്പെ​ട്ട് എ. ​ആ​ർ. മു​രു​ഗദോ​സ് ഞ​ങ്ങ​ളെ വി​ളി​ച്ച് ഒരു പ​ടം നി​ർ​മി​ക്കാ​ൻ സന്നദ്ധത അ​റി​യി​ച്ചു. പ​ക്ഷേ, അ​ന്ന് കൃ​ത്യ​മാ​യ ഒരു സ്ക്രി​പ്റ്റ് ആ​യി​രു​ന്നി​ല്ല. സ്ക്രി​പ്റ്റ് റെ​ഡി​യാ​യ​പ്പോ​ൾ ധ​നു​ഷി​ന്‍റെ വ​ണ്ട​ർ​ബാ​റി​നെ ക​ഥ കേ​ൾ​പ്പി​ക്കാ​ൻ അ​വ​സ​രം കി​ട്ടി. അ​വ​ർ​ക്കു ക​ഥ ഇ​ഷ്ട​മാ​യി. അ​ങ്ങ​നെ​യാ​ണ് ത​രം​ഗം വ​ണ്ട​ർ​ബാ​റി​ന്‍റെ ആ​ദ്യ മ​ല​യാ​ളം പ്രൊ​ഡ​ക്‌ഷ​നാ​യ​ത്. ഷോ​ർ​ട്ട്ഫി​ലി​മു​ക​ളി​ൽ ഞ​ങ്ങ​ൾ പ​രീ​ക്ഷി​ച്ചു വി​ജ​യി​ച്ച പു​തു​മ​ക​ൾ സി​നി​മ​യി​ലും തു​ട​രാ​ൻ തീ​രു​മാ​നി​ച്ചു.



ത​രം​ഗ​ത്തി​ലെ പാ​ട്ടു​പി​റ​വി...?

ത​രം​ഗ​ത്തി​ലേ​ക്കു ര​ണ്ടു പാ​ട്ടു​ക​ൾ കം​പോ​സ് ചെ​യ്യാ​ൻ ജ​നു​വ​രി​യി​ലാ​ണ് ഡൊ​മി​നി​ക് വി​ളി​ച്ച​ത്. പാ​ട്ടു​ക​ളു​ടെ സി​റ്റ്വേ​ഷ​ൻ പ​റ​ഞ്ഞു​ത​ന്നു. മി​ന്നു​ന്നു​ണ്ടേ മു​ല്ല​പോ​ലെ എ​ന്ന പാ​ട്ടി​ന്‍റെ തു​ട​ക്ക​ത്തി​ൽ വ​രു​ന്ന ഗി​റ്റാ​ർ ഭാഗങ്ങൾ ഞാൻ വാ​യി​ച്ചു കേ​ൾ​പ്പി​ച്ചു. അ​ത് എല്ലാവർക്കും ഇ​ഷ്ട​മാ​യി. ആ ​പാ​ട്ടി​നു പൂ​ർ​ണ​ത കി​ട്ടാ​ൻ​വേ​ണ്ടി 3-4 മാ​സം വ​രെ ആ ​ട്യൂ​ണ്‍ പ​രി​ഷ്ക​രി​ച്ചു​കൊ​ണ്ടി​രു​ന്നു. ആ ​പാ​ട്ട് ന​ല്ല രീ​തി​യി​ൽ വ​ര​ണ​മെ​ന്നു ഡൊ​മ​നി​ക് ആ​ഗ്ര​ഹി​ച്ചി​രു​ന്നു. എ​ന്‍റെ ആ​ദ്യ​ചി​ത്രം എ​ന്ന​തി​ലു​പ​രി ഡൊ​മി​നി​ക്കി​ന്‍റെ ആ​ദ്യ​ചി​ത്രം എ​ന്ന നി​ല​യി​ലാ​ണു ത​രം​ഗ​ത്തെ ഞാ​ൻ ക​ണ്ട​ത്. പാ​ട്ടി​ന്‍റെ ഫു​ൾ ട്യൂ​ണ്‍ മ​നു​മഞ്ജിത്തിന് അ​യ​ച്ചു​കൊ​ടു​ത്തു. ട്യൂ​ണു​മാ​യി ന​ന്നാ​യി ചേ​ർ​ന്നു​പോ​കു​ന്ന രീ​തി​യി​ൽ മ​നു സ​മ​യ​മെ​ടു​ത്ത് വ​രി​ക​ളെ​ഴു​തി. ഫ​സ്റ്റ് ടേ​ക്കി​ൽ ത​ന്നെ വ​രി​ക​ളും ട്യൂ​ണും ചേ​ർ​ന്നു​വ​ന്നു. കാ​ര​ണം, മ​നു അ​ത്ര​ത്താ​ളം പ​രി​ച​യ​സ​ന്പ​ന്ന​നും പ്ര​തി​ഭാ​ശാ​ലി​യു​മാ​ണ്. അ​തി​നു​ശേ​ഷമാണ് പാ​ട്ടു​പാ​ടാ​ൻ കാ​ർ​ത്തി​ക് ചേ​ട്ട​നെ സ​മീ​പി​ച്ച​ത്. കാ​ർ​ത്തി​ക്കി​നു പാ​ട്ട് ഇ​ഷ്ട​മാ​യി. സി​റ്റ്വേ​ഷ​ന​നു​സ​രി​ച്ച് ഓ​ർ​ക്ക​സ്ട്രേ​ഷ​ൻ പ്ലാ​ൻ ചെ​യ്തു. പാ​ട്ടി​ന്‍റെ പ്രോ​ഗ്രാ​മിം​ഗ് ഞാ​ൻ ത​ന്നെ​യാ​ണു ചെ​യ്ത​ത്. അ​ങ്ങ​നെ മേ​യി​ൽ ലൈ​വ് റി​ക്കോ​ർ​ഡിം​ഗ് ന​ട​ന്നു.




മി​ന്നു​ന്നു​ണ്ടേ മു​ല്ല​പോ​ലെ... സിം​പി​ൾ മെ​ല​ഡി​യാ​ണ്. ഗി​റ്റാ​റി​ലാ​ണ് അ​തി​ന്‍റെ പി​റ​വി. രാ​ഗം നോ​ക്കി​യൊ​ന്നു​മ​ല്ല അ​തു കം​പോ​സ് ചെ​യ്ത​ത്. അ​ത്ര​ത്തോ​ളം സിം​പി​ൾ ആ​ക്കു​ക എ​ന്ന​താ​യി​രു​ന്നു മ്യൂ​സി​ക് ഡ​യ​റ​ക്ട​ർ എ​ന്ന നി​ല​യി​ൽ ഞാ​ൻ നേ​രി​ട്ട ടാ​സ്ക്. ല​ളി​ത​മാ​ണെ​ങ്കി​ലും വേ​റി​ട്ട ഈ​ണ​മാ​ണെ​ന്ന് ഈ ​പാ​ട്ട് പാ​ടി​യ കാ​ർ​ത്തി​കും പ​റ​ഞ്ഞി​രു​ന്നു. അ​ത്ര​ത്തോ​ളം ഫീ​ൽ കി​ട്ടാ​ൻ നാ​ലു മ​ണി​ക്കൂ​റെ​ടു​ത്താ​ണ് കാ​ർ​ത്തി​ക് അ​തു പാ​ടി​യ​ത്. കേ​ട്ടു​പ​ഴ​കി​യ രീ​തി​യി​ൽ അ​ല്ലാ​ത്ത​തും എ​ന്നാ​ൽ വ​ള​രെ ലാ​ളി​ത്യ​മു​ള്ള​തു​മാ​യ ഒ​രു പാ​ട്ട്- അ​താ​ണ് കാ​ർ​ത്തി​കി​ന് ഇ​ഷ്ട​മാ​യ​ത്.

പാ​ട്ടി​ന്‍റെ ഫു​ൾ സ്ട്ര​ക്ച​റി​ൽ വെ​സ്റ്റേ​ണ്‍ പാ​റ്റേ​ണ്‍ ആ​ണ് ഉ​പ​യോ​ഗി​ച്ചി​രി​ക്കു​ന്ന​ത്. അ​തി​ൽ ഒ​രു ക​ർ​ണാ​ടി​ക് ടോ​ണ്‍ ന​ല്കി​യ​തു കാ​ർ​ത്തി​ക് ചേ​ട്ട​ന്‍റെ ക​ഴി​വു​ത​ന്നെ​യാ​ണ്. ആ ​പാ​ട്ടി​ന് ഈ ​സ്്ട്ര​ക്ച​ർ ത​ന്നെ വേ​ണം എ​ന്ന കാ​ര്യ​ത്തി​ൽ ഡൊ​മ​നി​ക് ഉ​ൾ​പ്പെ​ടെ എ​ല്ലാ​വ​ർ​ക്കും ഒ​രേ അ​ഭി​പ്രാ​യ​മാ​യി​രു​ന്നു. പാ​ട്ട് സ​ക്സ​സ് ആ​യ​തി​ൽ സ​ന്തോ​ഷ​മു​ണ്ട്. ‘മി​ന്നു​ന്നു​ണ്ടേ മു​ല്ല​പോ​ലെ’ എന്ന ​പാ​ട്ട് ഞ​ങ്ങ​ളു​ടെ മ​ക​ൻ റാ​ഫേ​ലി​നു വേണ്ടിയാണു ചെയ്തത്. ഈ ​പ​ട​ത്തി​ന്‍റെ ഫ​സ്റ്റ് പ്രീ​മി​യ​ർ ന​ട​ന്ന​ത് അ​വ​ന്‍റെ സെ​ക്ക​ൻ​ഡ് ബ​ർ​ത്ത് ഡേ​യി​ൽ ആ​യി​രു​ന്നു.




‘എ​ന്തേ​ലും പ​റ​യാ​നു​ണ്ടോ’ എ​ന്ന പാ​ട്ടി​ലാ​ണു പ​ടം അ​വ​സാ​നി​ക്കു​ന്ന​ത്. മ​നു എ​ഴു​തി​ത്ത​ന്ന വ​രി​ക​ൾ നോ​ക്കി​യാ​ണ് കം​പോ​സിം​ഗ് ന​ട​ത്തി​യ​ത്. കാ​ര​ണം, വ​രി​ക​ളി​ൽ കു​റ​ച്ചു ഫി​ലോ​സ​ഫി​യൊ​ക്കെ ഉ​ണ്ടാ​യി​രു​ന്നു. വ​രി​ക​ൾ​ക്കു പ്രാ​ധാ​ന്യം ന​ല്കി​യാ​ണു കം​പോ​സ് ചെ​യ്ത​ത്. 15 മി​നി​റ്റി​നു​ള്ളി​ലാ​ണ് അതു ട്യൂ​ണ്‍ ചെ​യ്തെ​ടു​ത്ത​ത്. ഗി​രീ​ഷ് പു​ത്ത​ഞ്ചേ​രി​യു​ടെ മ​ക​നും ഈ ​പ​ട​ത്തി​ന്‍റെ അ​സി.​ഡ​യ​റ​ക്ട​റു​മാ​യ ജി​തി​ൻ പു​ത്ത​ഞ്ചേ​രി​യും(​ഓ​മ​ന​യു​ടെ കേ​റ്റ​റിം​ഗ് സെ​ന്‍റ​റി​ലെ വ​ർ​ക്ക​റാ​യി അ​ഭി​ന​യി​ച്ചി​ട്ടു​ണ്ട് ജി​തി​ൻ ഈ ​പ​ട​ത്തി​ൽ) ഈ ​പാ​ട്ട് കം​പോ​സ് ചെ​യ്ത​പ്പോ​ൾ എ​നി​ക്കൊ​പ്പം ഉ​ണ്ടാ​യി​രു​ന്നു. ജി​തി​നും ട്യൂ​ണ്‍ ഇ​ഷ്ട​മാ​യി. അ​തി​നു​ശേ​ഷ​മാ​ണ് ഡൊ​മി​നി​ക്കി​നെ പാ​ട്ടു കേ​ൾ​പ്പി​ച്ച​ത്. മൂ​ന്നു മാ​സ​മെ​ടു​ത്ത് പാട്ടുകൾ കൂ​ടു​ത​ൽ മെ​ച്ച​പ്പെ​ടു​ത്തി. സജി സ്റ്റാൻലി, മനു രമേശ്, വിനീത്കുമാർ എന്നിവർ ചേർന്നാണ് എ​ന്തേ​ലും പ​റ​യാ​നു​ണ്ടോ എ​ന്ന പാ​ട്ടു പാടിയത്.

മി​ന്നു​ന്നു​ണ്ടേ മു​ല്ല പോ​ലെ എ​ന്ന പാ​ട്ടി​ന്‍റെ ഫീ​മെ​യി​ൽ വേ​ർ​ഷ​ൻ പി​ന്നീ​ടു ചെ​യ്തു. അ​തു സി​നി​മ​യി​ൽ ഇ​ല്ല. മാ​ലു​വി​ന്‍റെ കാഴ്ചപ്പാടിൽ നി​ന്നാ​ണ് ഫീ​മേ​യി​ൽ വേ​ർ​ഷ​ൻ. നേ​ഹ നാ​യ​രാ​ണ് അ​തു പാ​ടി​യ​ത്. ഡോ.​ ഭ​വ്യ​ല​ക്ഷ്മി​യാ​ണ് അ​തി​നു വ​യ​ലി​ൻ ചെ​യ്ത​ത്. അ​ങ്ങ​നെ ത​രം​ഗ​ത്തി​നു​വേ​ണ്ടി മൂ​ന്നു പാ​ട്ടു​ക​ൾ ഒ​രു​ക്കി. ദോ​ഹ, കൊ​ച്ചി, തൃ​ശൂ​ർ ചേ​ത​ന സ്റ്റു​ഡി​യോ എ​ന്നി​വി​ട​ങ്ങ​ളി​ലാ​യി​രു​ന്നു കം​പോ​സിംഗ്. മി​ക്സ് എ​ൻ​ജി​നി​യ​ർ സ​ജി ആ​ർ. നാ​യ​രാ​ണ് പാട്ടുകളുടെ മി​ക്സിംഗും മാ​സ്റ്റ​റിംഗും റി​ക്കാ​ർ​ഡിംഗുമെ​ല്ലാം നിർവഹിച്ചത്.



ബാ​ക്ക്ഗ്രൗ​ണ്ട് സ്കോ​റിം​ഗ് അ​നു​ഭ​വ​ങ്ങ​ൾ...?

പ്രീ​പ്രൊ​ഡ​ക്്ഷ​ൻ സ്റ്റേ​ജി​ൽ​ത്ത​ന്നെ ഡൊ​മ​നി​ക് ത​രം​ഗ​ത്തി​ന്‍റെ ക​ഥ മൊ​ത്തം പ​റ​ഞ്ഞി​രു​ന്നു. പ​ട​ത്തി​നു പു​തി​യ രീ​തി​യി​ലു​ള്ള അ​വ​ത​ര​ണ​ശൈ​ലി​യാ​ണ് പ്ലാ​ൻ ചെ​യ്തി​രു​ന്ന​ത്. ബാ​ക്ക് ഗ്രൗ​ണ്ട് സ്കോ​റും പു​തു​മ​യു​ള്ള​താ​വ​ണം എ​ന്നു​പ​റ​ഞ്ഞ് ഡൊ​മ​നി​ക് ഫു​ൾ സ്ക്രി​പ്റ്റ് എ​നി​ക്കു​ത​ന്നു. ഏറെ ചി​ന്തി​ച്ചും റി​സേ​ർ​ച്ച് നടത്തിയുമാണ് പു​തു​മ​ക​ളെ സ​പ്പോ​ർ​ട്ട് ചെ​യ്യു​ന്ന ബാ​ക്ക്ഗ്രൗ​ണ്ട് സ്കോ​റും മ്യൂ​സി​ക്കും ചെ​യ്ത​ത്. ബാ​ക്ക് ഗ്രൗ​ണ്ട് സ്കോ​റി​ൽ എ​ന്നെ ഹെ​ൽ​പ് ചെ​യ്ത​ത് ക​വി​യും ഗാ​ന​ര​ച​യി​താ​വു​മാ​യ എ​സ്. ​ര​മേ​ശ​ൻ നാ​യ​രു​ടെ മ​ക​ൻ മ​നു ര​മേ​ശാ​ണ്. മ​നു ര​മേ​ശും മ്യൂ​സി​ക് ഡ​യ​റ​ക്ട​റാ​ണ്. ബാ​ക്ക് ഗ്രൗ​ണ്ട് സ്കോ​റി​ന്‍റെ അ​ഡീ​ഷ​ണ​ൽ പ്രോ​ഗ്രാ​മി​ങ്ങും അ​റ​ഞ്ച്മെ​ന്‍റും മ​നു​വാ​ണു ചെ​യ്ത​ത്.

ദൈ​വം വ​രു​ന്ന സീ​നു​ക​ൾ ച​ല​ഞ്ചിം​ഗ് ആ​യി​രു​ന്നു. പ​ക്ഷേ അ​തു ന​ന്നാ​യി വ​ന്നു. ഓ​മ​ന​യും പ​ഴ​യ​കാ​ല സു​ഹൃ​ത്ത് സി​ജു​വു​മാ​യു​ള്ള ഫ്ളാ​ഷ്ബാ​ക്ക് ഡ്രാ​മ സീ​ക്വ​ൻ​സും ഏ​റെ ച​ല​ഞ്ചിം​ഗ് ആ​യി​രു​ന്നു. ര​ണ്ടു​ദി​വ​സം കൊ​ണ്ടാ​ണ് ആ ​സീ​നി​ന്‍റെ ഒൗ​ട്ട്പു​ട്ട് എ​ടു​ത്ത​ത്. അ​തു​പോ​ലെ ത​ന്നെ​യാ​യി​രു​ന്നു ചേ​യ്സ് സീ​ക്വ​ൻ​സു​ക​ളി​ലും. പ​ട​ത്തി​ന്‍റെ ക്ലൈ​മാ​ക്സ് നാ​ട​ക സ്റ്റേ​ജി​ലാ​ണ്. ക്ലൈ​മാ​ക്സി​ലെ ഡ്രാ​മ സീ​ക്വ​ൻ​സി​നു ബാ​ലെ​യി​ലെ ആ​ശ​യ​മെ​ടു​ത്താ​ണ് ബാ​ക്ക്ഗ്രൗ​ണ്ട് സ്കോ​ർ ന​ല്കി​യ​ത്. കു​റ​ച്ചു പി​രി​മു​റു​ക്കം കൂടി ഫീ​ൽ ചെ​യ്യു​ന്ന ത​ര​ത്തി​ലാ​ണ് അ​തു ചെ​യ്ത​ത്. ഹാ​ർ​മോ​ണി​യം, ഡ്രം​സ്, ഹോ​ണ്‍ എ​ന്നി​വ ഉ​പ​യോ​ഗി​ച്ചാ​ണ് അതിനു സ്കോ​ർ ചെ​യ്ത​ത്.



ഓ​മ​ന​യു​ടെ കേ​റ്റ​റിം​ഗ് സെ​ന്‍റ​റി​ൽ ലൂ​ക്ക് എ​ന്ന ക​ഥാ​പാ​ത്രം ടോവി​നൊ​യെ​യും ബാ​ലു​വി​നെ​യും പി​ടി​ച്ചു​നി​ർ​ത്തി ചോ​ദ്യം​ചെ​യ്യു​ന്ന ഒ​രു സീ​നു​ണ്ട് ത​രം​ഗ​ത്തി​ൽ. നി​ങ്ങ​ൾ സി​ബി​ഐ​യാ​ണോ, റോ ​ആ​ണോ എ​ന്നി​ങ്ങ​നെ ത​മാ​ശ​രീ​തി​യി​ൽ ആ ​ചോ​ദ്യം​ചെ​യ്യ​ൽ തു​ട​രു​ന്പോ​ഴും സീനിന്‍റെ മൂ​ഡ് ടെ​ൻ​ഷ​നാ​ണ്. ടെ​ൻ​ഷ​ൻ ഫീ​ൽ ചെ​യ്യു​ന്ന രീ​തി​യി​ൽ ബാ​ക്ക് ഗ്രൗ​ണ്ട് സ്കോ​ർ മു​ന്നോ​ട്ടു​പോ​കു​ന്പോ​ൾ ഇ​ട​യ്ക്കു ത​മാ​ശ ഡ​യ​ലോ​ഗ് വ​രും. അ​പ്പോ​ൾ മ്യൂ​സി​ക് ക​ട്ട് ആ​ക്കി, പി​ന്നെ​യും മ്യൂ​സ്ക് ലെ​വ​ൽ ഉ​യ​ർ​ത്തി ആ ​സീ​നി​നെ പി​ടി​ച്ചു​ന​ട​ത്തു​ന്ന ത​ര​ത്തി​ലാ​ണ് ബാ​ക്ക് ഗ്രൗ​ണ്ട് സ്കോ​ർ ചെ​യ്ത​ത്.

ഡൊ​മി​നി​ക് എ​ന്ന സം​വി​ധാ​യ​ക​നൊ​പ്പം...?

മ്യൂ​സി​ക് ഡ​യ​റ​ക്ട​ർക്ക് ആ​വ​ശ്യം​പോ​ലെ സ്വാ​ത​ന്ത്ര്യം ത​രു​ന്ന സം​വി​ധാ​യ​ക​നാ​ണ് ഡൊ​മി​നി​ക് അ​രു​ണ്‍. അ​തി​നാ​ൽ ഡൊ​മിനി​ക്കി​ന് ഒ​പ്പം വ​ർ​ക്ക് ചെ​യ്യാ​ൻ ഇഷ്ട​മാ​ണ്. നർമസന്പന്നമായ ബാ​ക്ക്ഗ്രൗ​ണ്ട് സ്കോ​ർ സെ​ഷ​നാ​യി​രു​ന്നു ഡൊ​മിനി​ക്കി​നൊ​പ്പം. മ്യൂ​സി​ക് ഡ​യ​റ​ക്ട​റു​ടെ ഭാ​ഗം കൂ​ടി ക്ഷ​മ​യോ​ടെ കേ​ൾ​ക്കു​ന്ന ഡ​യ​റ​ക്ട​റാ​ണ് ഡൊ​മി​നി​ക്. തു​ട​ക്കം ദൈ​വ​ത്തി​ന്‍റെ സീ​നാ​ണ്. അ​തു സ്പെ​ഷ​ലാ​യി ചെ​യ്യ​ണ​മെ​ന്നു ഡൊ​മിനി​ക്കി​നു നി​ർ​ബ​ന്ധ​മാ​യി​രു​ന്നു. ജാ​സ് സ്റ്റൈ​ലി​ൽ ചെ​യ്യ​ണ​മെ​ന്നു ഡൊ​മി​നി​ക്ക് പ​റ​ഞ്ഞു. ജാസിനെ പുതിയ രീതിയിൽ അവതരിപ്പിച്ചപ്പോൾ ഡൊമിനിക്കിനും അ​തി​ഷ്ട​മാ​യി. അ​ത്ര​ത്തോ​ളം ഫ്ള​ക്സി​ബി​ളും പ​ര​സ്പ​ര​ധാ​ര​ണയെക്കുറിച്ചു ബോധ്യവുമുള്ള സം​വി​ധാ​യ​ക​നാ​ണു ഡൊ​മി​നി​ക്.




ആ​ദ്യ സി​നി​മ ന​ല്കിയ അ​നു​ഭ​വ​ങ്ങ​ൾ...?

ഹി​റ്റാ​ക്ക​ണം എ​ന്നു പ്ലാ​ൻ ചെ​യ്ത് ഇ​റ​ക്കി​യ പാ​ട്ടു​ക​ള​ല്ല ത​രം​ഗ​ത്തി​ലേ​ത്. ആ​ളു​ക​ൾ​ക്ക് ഇ​ഷ്ട​മാ​ക​ണം എ​ന്നേ ആ​ഗ്ര​ഹി​ച്ചി​രു​ന്നു​ള്ളൂ. പാ​ട്ട് ഇ​ഷ്ട​മാ​യ​താ​യി ധാ​രാളം പേർ ക​മ​ന്‍റ് ചെ​യ്യു​ന്നു​ണ്ട്. കൊ​ച്ചു​കു​ട്ടി​ക​ൾ പോ​ലും പാ​ടു​ന്നു​ണ്ട്. അ​തൊ​ക്കെ അ​റി​യു​ന്പോ​ൾ സ​ന്തോ​ഷ​മാ​ണ്. ബാ​ക്ക്ഗ്രൗ​ണ്ട് സ്കോ​റി​നും ന​ല്ല പ്ര​തി​ക​ര​ണ​മാ​ണ് വ​രു​ന്ന​ത്. ത​രം​ഗം ഫു​ൾ ടീ​മി​നെ അ​ഭി​ന​ന്ദി​ച്ച് ലാ​ൽ സാ​ർ ഡൊ​മി​നി​ക്കി​നു മെ​സേ​ജ് അ​യ​ച്ചി​രു​ന്നു. വാ​സ്ത​വ​ത്തി​ൽ കോ​മ​ഡി​യും ക്രൈ​മും മി​ക്സ് ചെ​യ്യു​ന്ന ത​ര​ത്തി​ലു​ള്ള പ​രീ​ക്ഷ​ണ​മാ​ണ് ത​രം​ഗ​ത്തി​ൽ ന​ട​ത്തി​യി​രി​ക്കു​ന്ന​ത്. പ്രി​യ​ദ​ർ​ശ​ൻ സാ​റി​ന്‍റെ വ​ലി​യ ഒ​രാ​രാ​ധ​ക​നാ​ണു ഡൊ​മി​നി​ക്. ക​ഥാ​പാ​ത്ര​ങ്ങ​ൾ എ​ല്ലാ​വ​രും ഒ​രു​മി​ച്ചു ചേ​രു​ന്ന ത​രം​ഗ​ത്തി​ലെ ക്ലൈ​മാ​ക്സ് സീ​ൻ പ്രി​യ​ദ​ർ​ശ​ൻ സാ​റി​നു​ള്ള ആ​ദ​ര​വാ​യാ​ണു ചെ​യ്തി​രി​ക്കു​ന്ന​ത്.

ക്ലൈ​മാ​ക്സി​ലെ സ്ലോ​മോ​ഷ​ൻ സീ​നി​ൽ ഉ​പ​യോ​ഗി​ച്ച​ത് അദ്ദേഹത്തിന്‍റെ ‘മ​ഴ പെ​യ്യു​ന്നു, മ​ദ്ദ​ളം കൊ​ട്ടു​ന്നു’ എ​ന്ന പ​ട​ത്തി​ലെ ഒ​രു ബാ​ക്ക്ഗ്രൗ​ണ്ട് സ്കോ​റാ​ണ്. അ​ദ്ദേ​ഹ​ത്തെ നേ​രി​ട്ടു​ക​ണ്ട് അ​നു​വാ​ദം വാ​ങ്ങി​യാ​ണ് ആ ​സ്കോ​ർ മോ​ഡേ​ണ്‍​രീ​തി​യി​ൽ ഉ​പ​യോ​ഗി​ച്ച​ത്. ട്രെ​യി​ല​റി​ലും ആ ​സ്കോ​ർ കൊ​ടു​ത്തി​ട്ടു​ണ്ട്. സാ​റി​ന്‍റെ പ​ട​ത്തി​ൽ നി​ന്ന് അ​ടി​ച്ചു​മാ​റ്റി​യ​താ​ണ് എ​ന്നൊ​ക്കെ ചി​ല​ർ വാസ്തവമറിയാതെ ക​മ​ന്‍റ് ചെ​യ്തി​രു​ന്നു.



ത​രം​ഗ​ത്തി​നു പ്രേ​ക്ഷ​ക​രി​ൽ നി​ന്നു​ള്ള പ്ര​തി​ക​ര​ണം..?

ആ​ളു​ക​ൾ പ​ടം ക​ണ്ടു​തു​ട​ങ്ങി​യി​രി​ക്കു​ന്നു. വ്യ​ത്യ​സ്ത​മാ​യ രീ​തി​യി​ലാ​ണ് ഈ ​പ​ടം അ​വ​ത​രി​പ്പി​ച്ചി​രി​ക്കു​ന്ന​തെ​ന്ന് ആ​ളു​ക​ൾ​ക്കു ബോ​ധ്യ​മാ​യി​ട്ടു​ണ്ട്. പോ​സി​റ്റീ​വ് പ്ര​തി​ക​ര​ണ​ങ്ങ​ൾ ധാ​രാ​ളം കി​ട്ടു​ന്നു​ണ്ട്. ക്വ​ൻടിൻ ടാ​ര​ന്‍റീ​നോ എ​ന്ന ഡ​യ​റ​ക്ട​റു​ടെ മേ​ക്കിം​ഗ് സ്റ്റൈ​ലു​മാ​യാ​ണ് പ​ല​രും ഡൊ​മി​നി​ക്കി​ന്‍റെ സ്റ്റൈ​ലി​നെ താ​ര​ത​മ്യം ചെ​യ്യു​ന്ന​ത്. ഡൊ​മ​നി​ക്കി​ന്‍റേതു പൂ​ർ​ണ​മാ​യും വെ​സ്റ്റേ​ണ്‍​രീ​തി​യാ​ണ്. ആ​ളു​ക​ൾ അ​തു മ​ന​സി​ലാ​ക്കി​വ​രു​ന്നു. ഈ ​പ​ടം ടൊ​റ​ന്‍റി​ൽ വ​രു​ന്പോ​ൾ ഗം​ഭീ​ര ഹി​റ്റ് എ​ന്നു പ​റ​യു​ന്ന​തി​ൽ കാ​ര്യ​മി​ല്ല. തു​റ​ന്ന മ​ന​സോ​ടെ പ​ടം ഇ​പ്പോ​ൾ കാ​ണ​ണം. പു​തു​മ കൊ​ണ്ടു​വ​രു​ന്ന​തി​ന് ഞങ്ങൾ എ​ത്ര​മാ​ത്രം പ്ര​യ​ത്നി​ച്ചു​വെ​ന്ന് അ​പ്പോ​ൾ ബോ​ധ്യ​മാ​കും. മാ​ലു​വും ഓ​മ​ന​യും...​ ര​ണ്ടു ഫീ​മെ​യി​ൽ കാ​ര​ക്ടേ​ഴ്സ​സും തി​ക​ച്ചും സ്വാ​ഭാ​വി​ക​മാ​യി ക​ഥ ആ​വ​ശ്യ​പ്പെ​ടു​ന്ന ത​ര​ത്തി​ൽ ക​രു​ത്തു പ്ര​ക​ട​മാ​ക്കു​ന്നു​ണ്ട്.




സം​ഗീ​ത​ലോ​ക​ത്തെ പ്ര​ചോ​ദ​ന​ങ്ങ​ൾ...?

ഹാൻസ് സിമ്മർ, ട്രെന്‍റ് റെസ്നർ, അറ്റിക്കസ് റോസ് എ​ന്നി​വ​രു​ടെ സം​ഗീ​തം ഏ​റെ പ്ര​ചോ​ദ​നം ന​ല്കു​ന്ന​താ​ണ്. മു​ന്പ് ദോ​ഹ​യി​ൽ​വ​ച്ച് ടൈ​റ്റാ​നി​ക്കി​ന്‍റെ സം​ഗീ​ത സം​വി​ധാ​യ​ക​ൻ ജെ​യിം​സ് ഹോ​ണ​റി​നെ നേ​രി​ൽ​ക​ണ്ടു സം​സാ​രി​ക്കാ​ൻ അ​വ​സ​രം കി​ട്ടി​യി​രു​ന്നു. ആ ​സ​മ​യ​ത്ത് ഞാ​ൻ സി​നി​മ​യി​ൽ മ്യൂ​സി​ക് ചെ​യ്യും എ​ന്നൊ​ന്നും അ​റി​യി​ല്ലാ​യി​രു​ന്നു. കം​പോ​സിം​ഗ് നി​ർ​ത്ത​രു​തെ​ന്നും ചെ​യ്യാ​ൻ പ​റ്റു​ന്നി​ട​ത്തോ​ളം ചെ​യ്യ​ണ​മെ​ന്നും ഒ​രു​ദി​വ​സം നി​ന​ക്കു മു​ന്നി​ലു​ള്ള മ​തി​ൽ ചാ​ടി​ക്ക​ട​ന്ന് ആ​ളു​ക​ൾ നി​ന്നെ സ്വീ​ക​രി​ക്കു​മെ​ന്നും അ​ന്ന് അ​ദ്ദേ​ഹം പ​റ​ഞ്ഞു. ആ ​വാ​ക്കു​ക​ൾ എ​നി​ക്കു വ​ലി​യ പ്ര​ചോ​ദ​ന​മാ​യി.

അ​ടു​ത്ത പ്രോ​ജ​ക്ട്...?

പു​തി​യ ഒ​രു പ്രോ​ജ​ക്ട് വ​ന്നി​ട്ടു​ണ്ട്. ഇ​തു​വ​രെ ക​മി​റ്റ് ചെ​യ്തി​ട്ടി​ല്ല. സ്ക്രി​പ്റ്റ് കേ​ൾ​ക്കാ​തെ പ​ടം ക​മി​റ്റ് ചെ​യ്യാ​ൻ എ​നി​ക്കു താ​ത്പ​ര്യ​മി​ല്ല. സ്ക്രി​പ്റ്റ് വാ​യി​ച്ച് ക​ഥ​യ​റി​ഞ്ഞു ഡ​യ​റ​ക്ട​റി​നെ​ അ​റി​ഞ്ഞു ചെ​യ്യാ​നാ​ണ് എ​നി​ക്കി​ഷ്ടം. എ​പ്പോ​ഴും ഞാ​ൻ എ​ന്നെ​ത്ത​ന്നെ ജ​ഡ്ജ് ചെ​യ്തു​കൊ​ണ്ടി​രി​ക്കു​ക​യാ​ണ്. എ​നി​ക്കി​ണ​ങ്ങി​യ സ്റ്റൈ​ലി​ൽ ചെ​യ്യാ​നാ​കു​ന്ന പ്രോ​ജ​ക്ട് ആ​യി​രി​ക്ക​ണം. സം​ഗീ​ത​സം​വി​ധാ​യ​ക​നു ഫ്രീ​ഡം ത​രു​ന്ന ഡ​യ​റ​ക്ട​ർ ആ​യി​രി​ക്ക​ണം. പ​ര​സ്പ​രം കേ​ൾ​ക്കാ​ൻ ത​യാ​റാ​കു​ന്ന ത​ര​ത്തി​ലു​ള്ള ബ​ന്ധം ഡ​യ​റ​ക്ട​റു​മാ​യി ഉ​ണ്ടാ​വ​ണം. അ​ങ്ങ​നെ​യു​ള്ള പ്രോ​ജ​ക്ടു​ക​ളാ​വും ഞാ​ൻ ക​മി​റ്റ് ചെ​യ്യു​ക. ടൊ​വി​നൊ​യു​മാ​യും ബാ​ലു​വു​മാ​യും വ​ർ​ക്ക് ചെ​യ്യാ​ൻ ന​ല്ല ര​സ​മാ​ണ്. കാ​ര​ണം, ത​ങ്ങ​ളു​ടെ സീ​നി​ൽ മാ​സ് ഇ​ൻ​ട്രോ വേ​ണം എ​ന്നൊ​ന്നും അ​വ​ർ പ​റ​യി​ല്ല. പ​ടം ന​ന്നാ​യി വ​ര​ണം എ​ന്നു​മാ​ത്ര​മാ​ണ് അ​വ​രു​ടെ ചി​ന്ത. ഗി​റ്റാ​റും ഡ്ര​മ്മും മാ​ത്രം ഉ​പ​യോ​ഗി​ച്ചു ചെ​യ്ത സിം​പി​ൾ സ്കോ​റാ​ണ് അ​വ​രു​ടെ ഇ​ൻ​ട്രോ​യി​ൽ കൊ​ടു​ത്തി​രി​ക്കു​ന്ന​ത്.

വീ​ട്ടു​വ​ർ​ത്ത​മാ​ന​ങ്ങ​ൾ....

എ​ൻ​ജി​നി​യ​റിം​ഗി​ന് ഒ​പ്പം പ​ഠി​ച്ച ആ​ൻ​സി തോ​മ​സാ​ണ് ഭാ​ര്യ. ‘മി​ന്നു​ന്നു​ണ്ടേ മു​ല്ല​പോ​ലെ’ എ​ന്ന പാ​ട്ടി​ന്‍റെ ബാ​ക്കിം​ഗ് വോ​ക്ക​ൽ​സ് ചെ​യ്ത​ത് ആ​ൻ​സി​യാ​ണ്. മ​ക​ൾ മിക്കെലെൻ. അ​ച്ഛ​ൻ ര​ഞ്ചു വൈ​ക്കത്ത് ഈ​ശോ​യും അ​മ്മ ഷീ​ല ര​ഞ്ചു​വും കോ​ട്ട​യ​ം പാ​ക്കി​ൽ ആണു താ​മ​സം. സ​ഹോ​ദര​ൻ അ​നി​ൽ ര​ഞ്ജു.

ടി.ജി.ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.