Cinema
‘ചങ്കിൽ കുടുങ്ങുന്ന’ പാട്ടുകളൊരുക്കി ഹരിനാരായണൻ
Wednesday, July 11, 2018 7:13 PM IST
മ്യൂ​സി​ക്കി​നോ​ടു ചേ​ർ​ന്നു​നി​ൽ​ക്കു​ന്ന കാ​വ്യാം​ശ​മു​ള്ള വ​രി​ക​ളൊ​രു​ക്കു​ന്ന​തി​ന്‍റെ ത്രി​ല്ലി​ലാ​ണ് ഗാ​ന​ര​ച​യി​താ​വ് ബി.​കെ.​ഹ​രി​നാ​രാ​യ​ണ​ൻ. ‘ജീ​വാം​ശ​മാ​യ് താ​നേ നീ​യെ​ന്നി​ൽ കാ​ല​ങ്ങ​ൾ മു​ന്നേ വ​ന്നൂ..’ എ​ന്നു ഫെല്ലിനിയുടെ തീ​വ​ണ്ടി​യി​ലും ‘ഉ​യി​രി​ൽ നീ​യേ, ഒ​രു ന​ദി പോ​ലെ എ​ൻ വേ​ന​ലു​ക​ൾ ഇ​താ​ദ്യ​മാ​യ് ജ​ലാ​ർ​ദ്ര​മാ​യ് പ്രി​യേ...’ എ​ന്നു റോഷ്നി ദിനകറിന്‍റെ മൈ ​സ്റ്റോ​റി​യി​ലും എ​ഴു​തി​യ ഹ​രി​നാ​രാ​യ​ണ​നി​ൽ നി​ന്നു ത​ന്നെ​യാ​ണ് ഷാഫിയുടെ ഒ​രു പ​ഴ​യ ബോ​ബ് ക​ഥ​യി​ൽ ‘മൂ​വാ​ണ്ട​ൻ മാ​ഞ്ചോ​ട്ടി​ൽ ക​ണ്ട​പ്പം തൊ​ട്ടേ ച​ങ്കി​ൽ കു​ടു​ങ്ങി​യ പെ​ണ്ണാ​ണ്..’ എ​ന്ന നാ​ട​ൻ​ചേ​ലു​ള്ള പ്ര​ണ​യ​ഗാ​നം വി​ട​ർ​ന്ന​ത്. തീ​വ​ണ്ടി​യി​ലെ ജീ​വാം​ശ​മാ​യ്..., അ​ര​വി​ന്ദ​ന്‍റെ അ​തി​ഥി​ക​ളി​ലെ റാ​സാ​ത്തീ..., ഒ​രു പ​ഴ​യ ബോം​ബ് ക​ഥ​യി​ലെ മൂ​വാ​ണ്ട​ൻ മാ​ഞ്ചോ​ട്ടി​ൽ...രചനയിൽ സംതൃപ്തി നല്കിയ പാട്ടുകൾ തന്നെ ജനങ്ങൾ ഏറ്റെടുക്കുന്പോൾ അത് ഗാനരചയിതാവിനു പകരുന്നത് ഇരട്ടിമധുരം. ബി.​കെ. ഹ​രി​നാ​രാ​യ​ണന്‍റെ പുതിയ പാട്ടുവിശേഷങ്ങളിലേക്ക്....



മൂ​വാ​ണ്ട​ൻ മാ​ഞ്ചോ​ട്ടി​ൽ ക​ണ്ട​പ്പം തൊ​ട്ടേ...

ടു ​ക​ണ്‍​ട്രീ​സ്, ഷെ​ർ​ല​ക് ടോം​സ് എ​ന്നീ പ​ട​ങ്ങ​ളി​ൽ ഷാ​ഫി​ക്ക​യൊ​ടൊ​പ്പം മു​ന്പു വ​ർ​ക്ക് ചെ​യ്തി​ട്ടു​ണ്ട്. സി​നി​മയുമാ​യി ബ​ന്ധ​പ്പെ​ട്ട് അ​ല്ലാ​തെ​യും വി​ളി​ക്കു​ന്ന ത​ര​ത്തി​ൽ എ​നി​ക്ക് അ​ടു​പ്പ​മു​ള്ള​യാ​ളാ​ണ് ഷാ​ഫി​ക്ക; ജ്യേ​ഷ്ഠ​സ​ഹോ​ദ​ര​നെ​പ്പോ​ലെ ഒ​രാ​ൾ. ത​ന്‍റെ സി​നി​മ​യി​ൽ എ​ങ്ങ​നെ​യു​ള്ള പാ​ട്ടു​ക​ളാ​ണു വേ​ണ്ട​ത് എ​ന്ന​തി​നെ​ക്കു​റി​ച്ചു കൃ​ത്യ​മാ​യ ഐ​ഡി​യ അ​ദ്ദേ​ഹ​ത്തി​നു​ണ്ട്.

ഷാ​ഫി​ക്ക, സം​ഗീ​ത​സം​വി​ധാ​യ​ക​ൻ അ​രു​ണ്‍​രാ​ജ് എ​ന്നി​വ​രു​മാ​യു​ള്ള ച​ർ​ച്ച​ക​ളി​ലൂ​ടെ​യാ​ണ് ‘ഒ​രു പ​ഴ​യ ബോം​ബു ക​ഥ​’യി​ൽ ര​ണ്ടു പാ​ട്ടു​ക​ളെ​ഴു​തി​യ​ത്. വി​നീ​ത് ശ്രീ​നി​വാ​സ​ൻ പാ​ടി​യ ‘മൂ​വാ​ണ്ട​ൻ മാ​ഞ്ചോ​ട്ടി​ൽ ക​ണ്ട​പ്പം തൊ​ട്ടേ ച​ങ്കി​ൽ കു​ടു​ങ്ങി​യ പെ​ണ്ണാ​ണ്, ആ​രെ​ന്ന​റി​യാ​തെ പി​ന്നെ​ ഞാ​നെ​ന്നും ആ ​മു​ഖ​മോ​ർ​ത്തു ന​ട​പ്പാ​ണ്...​’ നാ​ട​ൻ സ്വ​ഭാ​വ​മു​ള്ള ഒ​രു പ്ര​ണ​യ​ഗാ​ന​മാ​ണ്. നാ​ട​ൻ​വാ​ക്കു​ക​ളാ​ണ് അ​തി​ൽ ഉ​പ​യോ​ഗി​ച്ചി​രി​ക്കു​ന്ന​ത്. എ​ല്ലാ​വ​ർ​ക്കു മ​ന​സി​ലാ​കു​ന്ന തരത്തിലും ജീ​വി​ത​വു​മാ​യി ബ​ന്ധ​പ്പെ​ടു​ത്താ​നാ​കു​ന്ന രീ​തി​യി​ലുമാ​ണ് ആ ​പാ​ട്ടി​ന്‍റെ ട്രീ​റ്റ്മെ​ന്‍റ്.



അ​രു​ണ്‍ ത​ന്നെ പാ​ടി​യ ‘പൊ​ട്ടാ​സ​ല്ല മ​ത്താ​പ്പ​ല്ല വെ​ടി പൊ​ട്ടാ​തു​ള്ള ത​ട്ടി​പ്പ​ല്ല..​’എ​ന്ന തു​ട​ങ്ങു​ന്ന സി​റ്റ്വേ​ഷ​ണ​ൽ സോം​ഗാ​ണ് പി​ന്നീ​ടെ​ഴു​തി​യ​ത്. പൂ​മ​ര​ത്തി​ൽ പാ​ട്ടെ​ഴു​തി​യ അ​ജീ​ഷ് ദാ​സ​നാ​ണ് ഇ​തി​ൽ ഹാ​ല് ഹാ​ല് എ​ന്ന പാ​ട്ടെ​ഴു​തി​യ​ത്. പൂ​മ​ര​ത്തി​ൽ ഞാ​ൻ ഒ​രു സം​സ്കൃ​ത​ഗാ​നം ചെ​യ്തി​രു​ന്നു​വെ​ങ്കി​ലും ഒ​രു പ​ഴ​യ ബോം​ബു ക​ഥ​യി​ൽ വ​ച്ചാ​ണ് അ​ജീ​ഷി​നെ ആ​ദ്യ​മാ​യി നേ​രി​ൽ​ക്ക​ണ്ട​ത്. ഞാ​ൻ ‘മൂ​വാ​ണ്ട​ൻ മാ​ഞ്ചോ​ട്ടി​ൽ...​എ​ഴു​തി​യ സ​മ​യ​ത്തു​ത​ന്നെ​യാ​ണ് അ​ജീ​ഷ് ‘ഹാ​ല് ഹാ​ല് ..’എ​ഴു​തി​യ​തും.



ജീ​വാം​ശ​മാ​യ് താനേ...

ഫെ​ല്ലി​നിയുടെ തീ​വ​ണ്ടി​യി​ൽ പാ​ട്ടെ​ഴു​താ​ൻ അ​തി​ന്‍റെ സം​ഗീ​ത​സം​വി​ധാ​യ​ക​ൻ കൈ​ലാ​സ് മേ​നോ​നാ​ണ് എ​ന്നെ വി​ളി​ച്ച​ത്. ട്യൂ​ണി​നൊ​പ്പി​ച്ചാ​ണ് ജീ​വാം​ശ​മാ​യ്...​എ​ഴു​തി​യ​ത്. ജീ​വാം​ശ​മാ​യ് എ​ന്ന വാ​ക്കി​ൽ പാ​ട്ടു തു​ട​ങ്ങ​ണോ എ​ന്നു സം​വി​ധാ​യ​ക​ൻ ഉ​ൾ​പ്പെ​ടെ​യു​ള്ള​വ​ർ ആദ്യം സം​ശ​യം പ്ര​ക​ടി​പ്പി​ച്ചി​രു​ന്നു​വെ​ങ്കി​ലും പി​ന്നീ​ട് അ​വ​രും പി​ന്തു​ണ​ച്ചു. കേ​ട്ടാ​ൽ അ​ത്ര സാ​ധാ​ര​ണ​മ​ല്ലെ​ന്നു തോ​ന്നു​ന്ന; ഇ​തെ​ന്താ​ണെ​ന്നു ചോ​ദി​ക്കാ​ൻ തോ​ന്നു​ന്ന ചി​ല വാ​ക്കു​ക​ളി​ൽ തു​ട​ങ്ങു​ന്ന പാ​ട്ടു​ക​ൾ പി​ന്നീ​ടു ജ​ന​ങ്ങ​ൾ ഏ​റ്റെ​ടു​ക്കു​ന്ന​താ​യി മു​ൻ അ​നു​ഭ​വ​ങ്ങ​ൾ​വ​ച്ച് പ​ല​പ്പോ​ഴും തോ​ന്നി​യി​ട്ടു​ണ്ട്. ജീ​വാം​ശ​മാ​യ് എ​ന്ന വാ​ക്കി​ൽ തു​ട​ങ്ങി​യ​പ്പോ​ഴും അ​ത്ത​രം ഒ​രു പ്ര​തീ​ക്ഷ​യു​ണ്ടായി​രു​ന്നു.

ഒ​രു പ്ര​ണ​യ​ഗാ​നം വേ​ണ​മെ​ന്നാ​ണ് അ​വ​ർ ആ​വ​ശ്യ​പ്പെ​ട്ട​ത്. ഒ​രു​പാ​ടു നാ​ളു​ക​ളാ​യി ഇ​ഷ്ട​പ്പെ​ടു​ന്ന​വ​രു​ടെ പ്ര​ണ​യം, നാ​ട്ടി​ൻ​പു​റ​ത്തെ പ്ര​ണ​യം...​അ​തൊ​ക്കെ പാ​ട്ടി​ൽ കൊ​ണ്ടു​വ​രാ​നാ​യി. ശ്രേ​യാ ​ഘോ​ഷാ​ലും ഹ​രി​ശ​ങ്ക​റു​മാ​ണ് ​പാ​ടി​യ​ത്. യൂ​ട്യൂ​ബി​ൽ ഒ​രു കോ​ടി​യി​ലേ​റെ ആ​ളു​ക​ൾ ആ ​പാ​ട്ടു ക​ണ്ടു​ക​ഴി​ഞ്ഞു. ആ ​പാ​ട്ടി​ന്‍റെ പേ​രി​ൽ ധാ​രാ​ളം പേ​ർ എ​ന്നെ വി​ളി​ച്ചി​രു​ന്നു. മ്യൂ​സി​ക്കി​നോ​ടു ചേ​ർ​ന്നെ​ഴു​തു​ക എ​ന്നൊരു കാ​ര്യ​മു​ണ്ട​ല്ലോ. എ​ഴു​ത്തി​ലും സം​തൃ​പ്തി ന​ല്കി​യ പാ​ട്ടാ​ണ​ത്.



റാ​സാ​ത്തി സൂ​പ്പ​റാ​ണ്...

അ​ര​വി​ന്ദ​ന്‍റെ അ​തി​ഥി​ക​ളി​ലേ​ക്കു വി​ളി​ച്ച​തു ഷാൻ റഹ്‌മാനും വി​നീ​ത് ശ്രീ​നി​വാ​സ​നുമാ​ണ്. അ​തി​ൽ ഞാ​ൻ റാ​സാ​ത്തി, ആ​ന​ന്ദ​മേ, ക​ണ്ണേ താ​യ്മ​ല​രേ.., എ​ന്തേ ക​ണ്ണാ...​എ​ന്നി​ങ്ങ​നെ നാ​ലു പാ​ട്ടു​ക​ളെ​ഴു​തി. ആ ​പാ​ട്ടു​ണ്ടാ​കു​ന്ന സ​മ​യ​ത്ത് വി​നീ​തി​ന്‍റെ ഉ​ള്ളി​ൽ​ത്ത​ന്നെ വ​ന്ന ഒ​രു വാ​ക്കാ​ണ് റാ​സാ​ത്തി.​ ആ വാ​ക്കി​ൽ ​പാ​ട്ടു തു​ട​ങ്ങി​യാ​ലോ എ​ന്നൊ​രാ​ശ​യം വി​നീ​ത് പ​റ​ഞ്ഞു. കൃ​ത്യ​മാ​യ വാ​ക്ക് അ​തു ത​ന്നെ​യാ​ണെ​ന്ന് എ​നി​ക്കും തോ​ന്നി. അ​ങ്ങ​നെ​യാ​ണ് റാ​സാ​ത്തി​യി​ൽ തു​ട​ങ്ങി​യ​ത്. രാ​ജ​കു​മാ​രി, സു​ന്ദ​രി..​എ​ന്നൊ​ക്കെ​യു​ള്ള അ​ർ​ഥ​മാ​ണ് റാ​സാ​ത്തിക്ക്. ഷാ​ൻ റ​ഹ്‌മാ​ന്‍റെ ഈ​ണ​ത്തി​ലാ​ണ് വ​രി​ക​ളെ​ഴു​തി​യ​ത്. അ​തി​ലെ മ​റ്റു പാ​ട്ടു​ക​ളും സി​റ്റ്വേ​ഷ​ൻ മു​ൻ​നി​ർ​ത്തി​യാ​ണ് എ​ഴു​തി​യ​ത്. റാ​സാ​ത്തി​യാ​ണ് ഏ​റെ ഹി​റ്റാ​യ​ത്. വി​നീ​തും ലി​യ സൂ​സ​ൻ വ​ർ​ഗീ​സു​മാ​ണ് റാ​സാ​ത്തീ എ​ന്നെ വി​ട്ടു പോ​കാ​തെ​ടീ...​എ​ന്ന പാ​ട്ടു പാ​ടി​യ​ത്. അ​ര​വി​ന്ദ​ന്‍റെ അ​തി​ഥി​ക​ളി​ലെ പാ​ട്ടു​ക​ൾ​ക്കും ആ​ളു​ക​ൾ വി​ളി​ച്ചു ന​ല്ല അ​ഭി​പ്രാ​യം പ​റ​ഞ്ഞി​രു​ന്നു. പ​ടം ഹി​റ്റാ​യ​തി​നാ​ൽ അ​തി​ലെ പാ​ട്ടു​ക​ളും കൂ​ടു​ത​ൽ ആ​ളു​ക​ളി​ലേ​ക്ക് എ​ത്തി.



അ​ടു​ത്തി​ടെ ചാ​രു​ല​ത എ​ന്ന ഷോ​ർ​ട്ട്ഫി​ലി​മി​ൽ അ​ഭി​ന​യി​ച്ചി​രു​ന്നു അ​ല്ലേ..‍?

ബി​ജി​ബാ​ലി​ന്‍റെ ബോ​ധി പു​റ​ത്തി​റ​ക്കി​യ ഒ​രു മ്യൂ​സി​ക് ഫി​ക്‌ഷ​നാ​ണ് ചാ​രു​ല​ത. പ്ര​ണ​യം ത​ന്നെ​യാ​ണ് തീം. ​സ​ത്യ​ജി​ത് റാ​യ്‌യു​ടെ ചാ​രു​ല​ത എ​ന്ന സി​നി​മ​യി​ലെ മൂ​ന്നു ക​ഥാ​പാ​ത്ര​ങ്ങ​ളാ​ണ് അ​മ​ലും ഭൂ​പ​തി​യും ചാ​രു​ല​ത​യും. ഈ ​മൂ​ന്നു ക​ഥാ​പാ​ത്ര​ങ്ങ​ളെ​യും ഒ​ര​ടി​യ​ന്ത​രാ​വ​സ്ഥ​യു​ടെ കാ​ല​ത്തു പ്ലേ​സ് ചെ​യ്ത് ശ്രു​തി ന​ന്പൂ​തി​രി സം​വി​ധാ​നം ചെ​യ്ത മ്യൂ​സി​ക്ക​ൽ ഫി​ലി​മാ​ണി​ത്.



സ​ത്യ​ജി​ത് റേ​യ്ക്ക് ആ​ദ​ര​മ​ർ​പ്പി​ച്ചു കൊ​ണ്ട് ഒ​രു ക​ഥ പാ​ട്ടി​ന്‍റെ പ​ശ്ചാ​ത്ത​ല​ത്തി​ൽ പ​റ​യു​ക​യാ​ണ്. അ​ഭി​ന​യി​ക്കാ​ൻ ഉ​ദ്ദേ​ശ്യ​മു​ള​ള​തു​കൊ​ണ്ടു ചെ​യ്ത​ത​ല്ല. ശ്രു​തി​യും ബി​ജി​യേ​ട്ട​നു​മൊ​ക്കെ പ​റ​ഞ്ഞ​തു​കൊ​ണ്ടു ചെ​യ്തു​വേ​ന്നെ​യു​ള്ളൂ. കോ​ൽ​ക്ക​ത്ത​യാ​ണു ക​ഥാ​പ​ശ്ചാ​ത്ത​ലം. ഡാ​ൻ​സ​ർ പാ​ർ​വ​തി മേ​നോ​ൻ ചാ​രു​ല​ത​യാ​യും ബി​ജി​ബാ​ൽ ഭൂ​പ​തി​യാ​യും ഞാ​ൻ അ​മ​ലാ​യും വേ​ഷ​മി​ട്ടു. ശ്രു​തി ന​ന്പൂ​തി​രി മു​ന്പ് ബാ​ലെ എ​ന്ന മ്യൂസിക്കൽ വീഡിയോ സം​വി​ധാ​നം ചെ​യ്തി​രു​ന്നു. അ​ഞ്ജ​ലി മേ​നോ​ൻ ചി​ത്രം കൂ​ടെ​യി​ൽ ഒ​രു പാ​ട്ടെ​ഴു​തി​യി​ട്ടു​ണ്ട് ശ്രു​തി.

ടി.ജി.ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.