ഒടിവിദ്യകളുമായി ഒടിയൻ മാണിക്യൻ വരുന്നു.. : Upcoming Movies

Upcoming Movies

ഒടിവിദ്യകളുമായി ഒടിയൻ മാണിക്യൻ വരുന്നു..

Sunday, December 9, 2018 5:31 PM IST

മോഹൻലാലിനെ നായകനാക്കി വി.എ. ശ്രീകുമാർ മേനോൻ ഒരുക്കുന്ന ബിഗ് ബജറ്റ് ചിത്രം ഒടിയൻ റിലീസിന് തയാറെടുക്കുന്നു.

ഒടിയൻ മാണിക്യന്‍റെയും തേങ്കുറുശി ഗ്രാമത്തിന്‍റെയും കഥ പറയുന്ന ചിത്രത്തിൽ മഞ്ജു വാര്യരാണ് നായിക. പത്രപ്രവര്‍ത്തകനും ദേശീയഅവാര്‍ഡ് നേടിയ തിരക്കഥാകൃത്തുമായ ഹരികൃഷ്ണനാണ് തിരക്കഥയൊരുക്കുന്നത്. ചിത്രത്തിൽ തെന്നിന്ത്യൻ താരം പ്രകാശ് രാജ് ആണ് വില്ലൻ കഥാപാത്രത്തെ അവതരിപ്പിക്കുന്നത്.

മോഹൻലാലിന്‍റെ അഭിനയമൂഹൂര്‍ത്തങ്ങളും ഗംഭീര ആക്ഷന്‍ രംഗങ്ങളുമാകും ഒടിയന്‍റെ പ്രത്യേകത. പുലിമുരുകനും വില്ലനും ശേഷം പ്രസിദ്ധ സ്റ്റണ്ട് മാസ്റ്റർ പീറ്റർ ഹെയ്നും മോഹൻലാലും ഒന്നിക്കുന്ന ചിത്രം കൂടി‍യാണ് ഒടിയൻ. ബാഹുബലിയും എന്തിരനുമടക്കം നിരവധി ബ്രഹ്മാണ്ഡചിത്രങ്ങളുടെ കലാസംവിധായകനായ സാബു സിറിലും ചിത്രത്തിലുണ്ട്. ഷാജികുമാറാണ് കാമറ. ബാഹുബലിയുടെ സൗണ്ട് ഡിസൈനര്‍ സതീഷാണ് ചിത്രത്തിന്‍റെ ശബ്ദലേഖനം. എഡിറ്റിംഗ് ശ്രീകര്‍ പ്രസാദ്. റഫീഖ് അഹമ്മദ്, ലക്ഷ്മി ശ്രീകുമാർ എന്നിവരുടെ വരികൾക്ക് എം. ജയചന്ദ്രൻ ഈണമൊരുക്കുന്നു.

വിദേശത്തുനിന്നുള്ള സാങ്കേതികവിദഗ്ധരായിരിക്കും ചിത്രത്തിലെ വിഎഫ്എക്സ് രംഗങ്ങളൊരുക്കുക. വിഎഫ്എക്സിനു വേണ്ടി മാത്രം കോടികളാണ് ചെലവാക്കുന്നത്. പാലക്കാട്, തസറാക്ക്, ഉദുമല്‍പേട്ട്, പൊള്ളാച്ചി, ബനാറസ്,ഹൈദരാബാദ് എന്നിവിടങ്ങളാണ് പ്രധാന ലൊക്കേഷനുകൾ. ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ നിർമിക്കുന്ന ചിത്രം ഈമാസം 14ന് തീയറ്ററുകളിലെത്തും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.