പാലക്കാട്: സാമുദായിക ശക്തീകരണത്തിനു ചർച്ചകളല്ല, ഒത്തൊരുമിച്ചുള്ള പ്രവർത്തനങ്ങളാണു വേണ്ടതെന്നു പാലക്കട് രൂപത മെത്രാൻ മാർ പീറ്റർ കൊച്ചുപുരയ്ക്കൽ.
സാമുദായിക ശക്തീകരണം കാലഘട്ടത്തിന്റെ ആവശ്യകതയാണെന്നും അതിനു സംഘടനകൾ ഒന്നിച്ചു പ്രവർത്തിക്കേണ്ടതുണ്ടെന്നും ബിഷപ് ഉദ്ബോധിപ്പിച്ചു.
പാലക്കാട് രൂപതയിലെ സംഘടനകളുടെ സംയുക്ത സമ്മേളനം ഉദ്ഘാടനം ചെയ്തു സന്ദേശം നൽകുകയായിരുന്നു ബിഷപ്. രൂപത വികാരി ജനറാൾ മോൺ. ജീജോ ചാലക്കൽ അധ്യക്ഷത വഹിച്ചു.
പാസ്റ്ററൽ കൗൺസിൽ ജനറൽ സെക്രട്ടറി ഫാ. മാത്യു വാഴയിൽ, ഫാ. അരുൺ കലമറ്റത്തിൽ, രൂപത പിആർഒ റെജി പെരുമ്പിള്ളിൽ, എബിൻ കണിവയലിൽ, സോളി തോമസ്, ഡോ. മാത്യു കല്ലടിക്കോട്, ഫാ. ജെയിംസ് ചക്കിയത്ത്, ജോബിൻ മേലേമുറിയിൽ, ഫാ. ജിതിൻ വേലിക്കകത്ത് തുടങ്ങിയവർ പ്രസംഗിച്ചു.