തൊടുപുഴ: ഖരമാലിന്യ പരിപാലന ചട്ടത്തിലെ വ്യവസ്ഥകളെക്കുറിച്ച് പൊതുജനങ്ങളില് അവബോധം സൃഷ്ടിക്കുന്നതിനു കേരള ഖരമാലിന്യ പരിപാലനപദ്ധതിയുടെയും നഗരസഭയുടെയും സംയുക്ത നേതൃത്വത്തില് വാതില്പ്പടി ബോധവത്കരണവും പദയാത്രയും സംഘടിപ്പിച്ചു.
നഗരസഭാ ചെയര്പേഴ്സണ് സാബിറ ജലീല് പദയാത്ര ഉദ്ഘാടനം ചെയ്തു. ചെയര്പേഴ്സണ്, വൈസ് ചെയര്മാന് കെ. ദീപക് എന്നിവരുടെ നേതൃത്വത്തില് കൗണ്സിലര്മാര് വ്യാപാര സ്ഥാപനങ്ങള്, ഓഫീസുകള്, സ്കൂളുകള് എന്നിവ സന്ദര്ശിച്ച് ബോധവത്കരണം നടത്തുകയും ഖരമാലിന്യ പരിപാലന ചട്ടത്തിലെ പ്രധാന നിര്ദേശങ്ങള് ഉള്പ്പെടുത്തിയ നോട്ടീസുകളും സ്റ്റിക്കറുകളും വിതരണം ചെയ്യുകയും ചെയ്തു.
മേഴ്സി സെബാസ്റ്റ്യന്, സെക്രട്ടറി എം.പി. ജോസ്, ക്ലീന് സിറ്റി മാനേജര് മീരാന് കുഞ്ഞ്, കെഎസ്ഡബ്ല്യുഎംപി ഡെപ്യൂട്ടി ഡിസ്ട്രിക്ട് കോ-ഓര്ഡിനേറ്റര് സാലിഹ. പബ്ലിക് ഹെല്ത്ത് ഇന്സ്പെക്ടര് പ്രജീഷ് കുമാര്, എന്ജിനിയര് പി.ജി.ഹേമന്ത് , അഖില, സോഷ്യല് എക്സ്പേര്ട്ട് കെ.കെ. അജിത് എന്നിവര് നേതൃത്വം നല്കി. ഹരിതകര്മ സേനാംഗങ്ങള്, വിദ്യാര്ഥികള്, നഗരസഭാ ജീവനക്കാര് തുടങ്ങിയവര് പങ്കെടുത്തു.
Tags : Nattuvishesham Local news Doorstep awareness campaign