അമ്പലപ്പുഴ: ഓപ്പറേഷൻ തൂഫാന്റെ ഭാഗമായി നടത്തിയ പരിശോധനയ്ക്കിടെ കഞ്ചാവും മാരകായുധങ്ങളുമായി നാലംഗസംഘം പിടിയിൽ. അമ്പലപ്പുഴ ഡിവൈഎസ്പിയുടെ തൂഫാൻ സ്കാഡും പുന്നപ്ര പോലീസും സംയുക്തമായി നടത്തിയ പരിശോധനയ്ക്കിടെയാണ് അറസ്റ്റ്.
അഭിമന്യു (18), സഞ്ജയ് സത്യൻ (18), സച്ചിൻ സത്യൻ (18), ശ്രീശങ്കർ (19) എന്നിവരാണ് അറസ്റ്റിലായത്. രഹസ്യവിവരത്തിന്റെ അടിസ്ഥാനത്തിലാണ് പ്രതികൾ പിടിയിലായത്. ഇവരിൽനിന്ന് കഞ്ചാവും കത്തി ഉൾപ്പെടെയുള്ള മാരകായുധങ്ങളും പോലീസ് പിടിച്ചെടുത്തു.
അമ്പലപ്പുഴ ഡിവൈഎസ്പി കെ.എന്. രാജേഷിന്റെ നേതൃത്വത്തിൽ പുന്നപ്ര എസ്എച്ച്ഒ മുരളീകൃഷ്ണനും പോലീസ് ഉദ്യോഗസ്ഥരായ വിനിൽ, ബിനുകുമാർ, നവീൻകുമാർ, വിഘ്നേഷ് എന്നിവർ ഉൾപ്പെട്ട സംഘമാണ് പരിശോധന നടത്തി പ്രതികളെ പിടികൂടിയത്.