മാനന്തവാടി: പരിസ്ഥിതിയെ സംരക്ഷിക്കാൻ ഓരോ മനുഷ്യരും പ്രതിജ്ഞാബന്ധമാണെന്നും പ്രകൃതിയെ സ്നേഹിക്കുന്നത് പിരിസ്ഥിതിദിനാചരണത്തിൽ മാത്രമായി ഒതുങ്ങരുതെന്നും ബത്തേരി ബിഷപ്പ് ഡോ. ജോസഫ് മാർ തോമസ്.
മുൻ തലമുറ നട്ടുവളർത്തിയ വൃക്ഷങ്ങളുടെ തണലിലാണ് നാം ജീവിക്കുന്നതെന്നും മലങ്കര കാത്തലിക്ക് അസോസിയേഷൻ സഭാതല സമിതി മാനന്തവാടി സെന്റ് തോമസ് ദേവാലയത്തിൽ നടത്തിയ ഗ്ലോബൽ പരിസ്ഥിതി ദിനാഘോഷ സമ്മേളനത്തിൽ മുഖ്യ പ്രഭാഷണം നടത്തുകയായിരുന്നു ബിഷപ്. ഉഷ വിജയൻ എംഎൽഎ ഉദ്ഘാടനം ചെയ്തു.
പരിസ്ഥിതിയെ സംരക്ഷിക്കുന്നതിൽ മലങ്കര കാത്തലിക്ക് അസോസിയേഷൻ ചെയ്യുന്ന സേവന പ്രവർത്തനങ്ങൾ മാതൃകപരമാണെന്നും സഹജീവികളെ സ്നേഹിക്കുന്നതിന് തുല്ല്യമാണ് ഒരു തൈ നട്ട് വളർത്തുന്നതിലൂടെ പ്രകടമാവുന്നതെന്നും എംസിഎ സഭാതലസമിതി ഇന്ത്യയൊട്ടാകെ ചെയ്യുന്ന ജീവകാരുണ്യ പദ്ധതികൾ ഏറെ അഭിനന്ദനാർഹമാണെന്നും എംഎൽഎ പറഞ്ഞു. സഭാതല സമിതി ഗ്ലോബൽ പ്രസിഡന്റ് എസ്.ആർ. ബൈജു അധ്യക്ഷത വഹിച്ചു.
തെരഞ്ഞെടുത്ത 100 നിർധന കുടുംബങ്ങൾക്ക് 500 ഹൈബ്രീഡ് തെങ്ങിൻ തൈകൾ ചടങ്ങിൽ വിതരണം ചെയ്തു. സമ്മേളനത്തിൽ പങ്കെടുത്ത എല്ലാവർക്കും തെങ്ങിൻ തൈകൾ നല്കി. മാനന്തവാടി നഗരസഭ അധ്യക്ഷൻ ജേക്കബ് സെബാസ്റ്റ്യൻ, ബത്തേരി രൂപതാ സ്പിരിച്ച്വൽ ഡയറക്ടർ ഫാ. ജയിംസ് മലേപറന്പിൽ, ഫാ. വർഗീസ് മറ്റമന, ഫാ. തോമസ് തുണ്ടിയിൽ, സഭാതല വൈസ് പ്രസിഡന്റ് ഷാജി കൊയിലേരി, ബത്തേരി രൂപത പ്രസിഡന്റ് പ്രിൻസ് ഏബ്രാഹം, ലാലി ജോസ്, ചാക്കോ നരിമറ്റത്തിൽ, ബ്ലോക്ക് പഞ്ചായത്ത് അംഗം ബേബി നീർക്കുഴി, മുനിസിപ്പൽ കൗണ്സിലർ സബിത ഷെറി, മാനന്തവാടി മേഖല പ്രസിഡന്റ് ജോയിം തെങ്ങുംതോട്ടം, സൽജു ജോബ്, ഷിന്ദു ഫിലിപ്പ് തുടങ്ങിയവർ പ്രസംഗിച്ചു. നവാഗതരായ എംസിഎ അംഗങ്ങൾക്ക് സ്വീകരണം നൽകി.
Tags : nattu vishesham Nature conservation saplings are protected