വെച്ചൂർ: അച്ചിനകം സെന്റ് ആന്റണീസ് തീർഥാടന പള്ളിയിൽ വിശുദ്ധ അന്തോനീസിന്റെ ഊട്ടുനേർച്ച തിരുനാൾ 11 മുതൽ 13 വരെ നടക്കും. 11ന് വൈകുന്നേരം 4.45ന് പ്രസുദേന്തി വാഴ്ച, തിരുനാൾ കൊടിയേറ്റ്, ദിവ്യബലിക്ക് ഫാ. ആന്റണി കോലഞ്ചേരി കാർമികത്വം വഹിക്കും. തുടർന്ന് മരണ വാർഷികം അനുസ്മരിച്ച് ദീപക്കാഴ്ചയിൽ ഭക്തജനങ്ങൾ 795 ദീപങ്ങൾ തെളിക്കും.
തിരുശേഷിപ്പ് വണക്കദിനമായ 12ന് വൈകിട്ട് അഞ്ചിന് ജപമാലയെ തുടർന്നുള്ള ദിവ്യബലി, നൊവേന, ആരാധന എന്നിവയ്ക്ക് ഫാ. പീറ്റർ കണ്ണമ്പുഴ കാർമികനാകും. തുടർന്ന് തിരുശേഷിപ്പ് പ്രദക്ഷിണം. തിരുനാൾ ദിനമായ 13ന് രാവിലെ ആറിന് ദിവ്യബലിയെ തുടർന്ന് നേർച്ച പായസം വെഞ്ചരിക്കും. 10ന് ജപമാല. 10.30ന് നേർച്ചസദ്യ വെഞ്ചരിപ്പ്. തിരുനാൾ പാട്ടുകുർബാനയ്ക്ക് ഫാ. ജോഷി കളപ്പറമ്പത്ത് മുഖ്യകാർമികനാകും.
ഫാ. ഫെർണാണ്ടോ ജോസ് കപ്പൂച്ചിൻ വചനസന്ദേശം നൽകും. തുടർന്ന് നേർച്ചസദ്യ. വൈകിട്ട് 5.30ന് ദിവ്യബലിയെ തുടർന്ന് തിരുസ്വരൂപം എടുത്തുവയ്ക്കൽ, കൊടിയിറക്ക് എന്നിവ നടത്തും. തിരുനാളിനും നേർച്ചസദ്യയ്ക്കുമുള്ള ഒരുക്കങ്ങൾ പൂർത്തിയായതായി വികാരി ഫാ. ആന്റണി മംഗലത്ത്, കൈക്കാരന്മാരായ സോജി ജോർജ് പുത്തൻപുര, ലാലിച്ചൻ പുത്തൻപറമ്പ്, വൈസ് ചെയർമാൻ റോബിൻ മങ്ങാരത്തുചിറ എന്നിവർ അറിയിച്ചു.
Tags : Nattuvishesham Local news Ootutneercha