ഒന്നാം സെമസ്റ്റർ പിജി ക്ലാസുകൾ തുടങ്ങി
തിരുവനന്തപുരം: സംസ്ഥാനത്തെ ആർട്സ് ആൻഡ് സയൻസ് കോളജുകളിൽ ഒന്നാം സെമസ്റ്റർ എംഎ, എംഎസ്സി, എംകോം ക്ലാസുകൾ തിങ്കളാഴ്ച ആരംഭിച്ചു. സർക്കാർ, എയ്ഡഡ്, സ്വാശ്രയ മേഖലകളിലായി 650 ആർട്സ് ആൻഡ് സയൻസ് കോളജുകളാണ് സംസ്ഥാനത്തുള്ളത്. കേരള സർവകലാശാലയിൽ കഴിഞ്ഞവർഷം സെപ്റ്റംബർ നാലിനും 201718 ൽ സെപ്റ്റംബർ 27 നുമാണ് ഒന്നാം സെമസ്റ്റർ പി.ജി ക്ലാസുകൾ ആരംഭിച്ചത്. ഓരോ സെമസ്റ്ററും 90 പ്രവൃത്തിദിവസം പൂർത്തിയാക്കി സമയബന്ധിതമായി പരീക്ഷ നടത്തി ഫലം പ്രഖ്യാപിക്കുകയെന്നതാണ് സർക്കാർ ലക്ഷ്യം. ബിരുദഫലം ഏപ്രിൽ 30 നകവും ബിരുദാനന്തര ബിരുദഫലം മേയ് 31 നകവും പ്രഖ്യാപിക്കുകയെന്നതാണ് വകുപ്പിന്റെ ലക്ഷ്യം.