അമല്ജ്യോതി എൻജിനിയറിംഗ് കോളജിൽ റോയല് എന്ഫീല്ഡിന്റെ പരിശീലനം
കാഞ്ഞിരപ്പള്ളി: എപിജെ അബ്ദുള്കലാം കേരള ടെക്നോളജിക്കല് യൂണിവേഴ്സിറ്റിയുടെ കീഴിലുളള എന്ജിനിയറിംഗ് കോളജുകളിലെ അധ്യാപകര്ക്കായി ഇരുചക്രവാഹന നിര്മാതാക്കളായ റോയല് എല്ഫീല്ഡും അമല്ജ്യോതി എന്ജിനിയറിംഗ് കോളജ് മെക്കാനിക്കല് എന്ജിനിയറിംഗ് ഓട്ടോമൊബൈല് ഡിപ്പര്ട്ടുമെന്റും സംയുക്തമായി 24 മുതല് 28 വരെ അധ്യാപക പരിശീലന പരിപാടി നടക്കും. യൂണിവേഴ്സിറ്റിയുടെ സാമ്പത്തിക സഹായത്തോടുകൂടിയാണ് പരിശീലനം.
ഇരുചക്രവാഹനങ്ങളുടെ സസ്പെന്ഷന് സിസ്റ്റം, ഇലക്ട്രിക്കല് സിസ്റ്റം, ബ്രേക്കിംഗ് സിസ്റ്റം, വീല്സ് ആൻഡ് ടയേഴ്സ്, എന്ജിന് ആൻഡ് ഗിയര്ബോക്സ് എന്നീ മേഖലകളിലാണ് നൂതന രീതിയിലുളള പരിശീലനം നല്കുന്നത്. വിദ്യാർഥികളുടെ തൊഴില് വൈഭവം വർധിപ്പിക്കുതിനും നൂതന സാങ്കേതിക വിദ്യ പരിചയപ്പെടുത്തുന്നതിനുമായി അധ്യാപകരെ സജ്ജരാക്കുക എന്ന ലക്ഷ്യത്തോടുകൂടി അമല്ജ്യോതിയില് സ്ഥാപിച്ചിരിക്കുന്ന റോയല് എന്ഫീല്ഡ് ട്രെയിനിംഗ് സെന്ററിലാണ് പ്രോഗ്രാം നടക്കുന്നത്. പൂര്ണമായും പ്രാക്ടിക്കല് ഓറിയന്റഡായി റോയല് എന്ഫീല്ഡിലെ പരിശീലകര് ഉള്പ്പെടെയുളള വിദഗ്ദ്ധ ടീമാണ് ഈ പരിപാടി നയിക്കുക. കേരള സാങ്കേതിക സര്വകലാശാലയുടെ കീഴിലുള്ള കോളജുകളിലെ അധ്യാപകര്ക്ക് ഈ പഞ്ചദിന പരിശീലന പരിപാടിയിലേക്ക് അപേക്ഷിക്കാം. ഫോണ് 9400650668, 8129256836.