കെ.അനിത , വി.പി. ജൂബി, ദീപ ചന്ദ്രന്‍, വി.എം.അഞ്ജന (കോമേഴ്സ്) , ടി.വൈ. നജില, എൻ.ദിവ്യ (ഇംഗ്ലീഷ്), പി.എ.ദേവസ്യ, കെ.ജ്യോസ്മി (ഹിന്ദി), എ.രാംശക്തി, എ.സജിത ( സംസ്‌കൃതം), ടി.പി. സുനീറ, രേഷ്മ ഭാസ്‌കർ, പി.നിയാസ് (ഫിസിക്‌സ്), പി.വി. ഗ്രീഷ്മ (മൈക്രോബയോളജി), എം.എസ. ശിവ പ്രസാദ് (സുവോളജി), കെ.എം. മഞ്ജുള(ബോട്ടണി), ബ്ലസിത അന്‍വര്‍ , എം.ഷഹീദലി ( എഡ്യൂക്കേഷന്‍ ), ജി.പി. ബിന്ദുമോള്‍ ( എന്‍വയോണ്‍മെന്‍റല്‍ സയന്‍സ്) എന്നിവര്‍ക്ക് പിഎച്ഡി അവാര്‍ഡ് നല്‍കാന്‍ കാലിക്കട്ട് സര്‍വകലാശാലയില്‍ ചേര്‍ന്ന സിന്‍ഡിക്കേറ്റ് യോഗം തീരുമാനിച്ചു.
അഭിമുഖം
ടീച്ചര്‍ എഡ്യൂക്കേഷന്‍ സെന്‍ററിലെ പ്രിന്‍സിപ്പല്‍ കം അഡിഷണല്‍ ഡയറക്ടര്‍ തസ്തികയിലേക്ക് അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം 26 ന് രാവിലെ ഒമ്പതിന് ഭരണ വിഭാഗത്തില്‍ നടക്കും. വിവരങ്ങള്‍ വെബ്സൈറ്റില് .
പരീക്ഷ ഫലം
2017 നവംബറില്‍ നടത്തിയ മൂന്നാം സെമസ്റ്റര്‍ ബികോം, ബിബിഎ , ബികോം (വൊക്കേഷണല്‍ ) സിസിഎസ്എസ് സപ്ലിമെന്‍ററി / ഇമ്പ്രൂവ്‌മെന്‍റ് പരീക്ഷാഫലം വെബ്സൈറ്റിൽ. പുനര്‍മൂല്യനിര്‍ണയത്തിന് ജൂലൈ മൂന്ന് വരെ അപേക്ഷിക്കാം.
പൊളിറ്റിക്കല്‍ സയന്‍സ് : കോംപ്ലിമെന്‍ററി കോഴ്‌സ് പുനഃ പരീക്ഷ
വിദൂര വിദ്യാഭ്യാസ വിഭാഗം നാലാം സെമസ്റ്റര്‍ ബി എ (സിയുസിബിസിഎസ്എസ്) കോംപ്ലിമെന്‍ററി കോഴ്‌സ് പൊളിറ്റിക്കല്‍ സയന്‍സ് : സ്ട്രക്‌ചേഴ്‌സ് ആന്‍ഡ് പ്രോസസ്സ് ആന്‍ഡ് പൊളിറ്റിക്കല്‍ ഐഡിയോളോജിസ് പുനപരീക്ഷ 26 നു നടത്തും . കോഴിക്കോട് ഫാറൂഖ് കോളജ് കേന്ദ്രമായി രജിസ്റ്റര്‍ ചെയ്തവര്‍ (84 പേര്‍) കോഴിക്കോട് , കാലിക്കട്ട് സര്‍വകലാശാല ടീച്ചര്‍ എഡ്യൂക്കേഷന്‍ കേന്ദ്രത്തിലും വടകര ശ്രീ നാരായണ കോളജ് (64 പേര്‍ ), കൊയിലാണ്ടി എസ്എആര്‍ബിടിഎം ഗവ. കോളജ് എന്നീ കേന്ദ്രങ്ങളില്‍ രജിസ്റ്റര്‍ ചെയ്തവര്‍ അതേ കേന്ദ്രത്തിലും പരീക്ഷയ്ക്ക് ഹാജരാകണം.
എംഎസ്‌സി ഫുഡ് സയന്‍സ് പ്രവേശനം
കാലിക്കട്ട് സര്‍വകലാശാല സ്‌കൂള്‍ ഓഫ് ഹെല്‍ത്ത് സയന്‍സ് സ്വാശ്രയ എംഎസ്‌സി ഫുഡ് സയന്‍സ് ആന്‍ഡ് ടെക്‌നോളജി എന്‍ട്രന്‍സ് , നോണ്‍ എന്‍ട്രന്‍സ് വിഭാഗത്തില്‍ യോഗ്യരായവരുടെ രണ്ടാം ഘട്ട കൗണ്‍സലിംഗ് പട്ടിക പ്രസിദ്ധീകരിച്ചു. ഫോണ്‍ : 0494 2407345
ബിഎഡ് ഒന്നാം അലോട്ട്‌മെന്‍റ് പ്രസിദ്ധീകരിച്ചു
ഏകജാലക സംവിധാനം മുഖാന്തരമുള്ള ബിഎഡ് പ്രവേശനത്തിന്‍റെ ഒന്നാം അലോട്ട്‌മെന്‍റ് വെബ്സൈറ്റില് പ്രസിദ്ധീകരിച്ചു. മാന്‍ഡേറ്ററി ഫീസ് അടക്കാത്തപക്ഷം നിലവില്‍ കിട്ടിയിരിക്കുന്ന അലോട്ട്‌മെന്‍റ് നഷ്ടപ്പെടും.വിദ്യാര്‍ഥികളെ തുടര്‍ന്നുള്ള അലോട്ട്‌മെന്‍റുകള്‍ക്ക് പരിഗണിക്കുന്നതല്ല.
ബിരുദ പ്രവേശനം
20192020 അധ്യയന വര്‍ഷത്തേക്കുളള ബിരുദ പ്രവേശനത്തോടനുബന്ധിച്ച് മൂന്നാമത്തെ അലോട്ട്‌മെന്‍റിനുശേഷമുള്ള ഒഴിവുകളിലേക്ക് പ്രവേശനം നടത്തുന്നതിന് 27 നു എല്ലാ കോളജുകളിലേക്കും ഓരോ കോഴ്‌സിനും ഓണ്‍ലൈന്‍ മുഖാന്തരം അപേക്ഷ സമര്‍പ്പിച്ചവരുടെ ലിസ്റ്റ് അയയ്ക്കുന്നതാണ്.പട്ടികയില്‍ ഉള്‍പ്പെട്ട വിദ്യാര്‍ഥികള്‍ അപേക്ഷിച്ച കോളജുകളില്‍ 27 മുതല്‍ 29 വരെ റിപ്പോര്‍ട്ട് ചെയ്യുന്നതിന് അവസരമുണ്ടായിരിക്കും.
വിദ്യാര്‍ഥികള്‍ വെബ്‌സൈറ്റ് സന്ദര്‍ശിച്ച് ഓരോ കോളജിലെയും ഓരോ കോഴ്‌സിലെയും കാറ്റഗറി തിരിച്ചുളള വേക്കന്‍സി, വെയിറ്റിംഗ് ലിസ്റ്റ് എന്നിവ പരിശോധിക്കണം.