കേരള സർവകലാശാല യുജി/പിജി പ്രവേശനം 2019: കമ്മ്യൂണിറ്റി ക്വാട്ട/ സ്പോർട്സ് ക്വാട്ട പ്രവേശനം ഓണ്ലൈൻ അപേക്ഷയിൽ തിരുത്തലിന് അവസരം
20192020 അധ്യയന വർഷത്തെ ഒന്നാം വർഷ ബിരുദ, ബിരുദാനന്തര ബിരുദ പ്രോഗ്രാമുകളിലേയ്ക്കുള്ള കമ്മ്യൂണിറ്റി ക്വാട്ട / സ്പോർട്സ് ക്വാട്ട പ്രവേശനത്തിനുള്ള ഓണ്ലൈൻ അപേക്ഷയിൽ തിരുത്തലുകൾ വരുത്തുവാൻ അവസരം നൽകുന്നു. 30 വരെ വിദ്യാർഥികൾക്ക് തിരുത്തലുകൾ വരുത്താം. തിരുത്തലുകൾക്ക് വേണ്ടി സർവകലാശാലയെ സമീപിക്കേണ്ടതില്ല. കമ്മ്യൂണിറ്റി ക്വാട്ട / സ്പോർട്സ് ക്വാട്ട ഓണ്ലൈൻ അപേക്ഷ സമർപ്പിക്കേണ്ട അവസാന തീയതി ജൂണ് 30.
ടൈംടേബിൾ
കരിയർ റിലേറ്റഡ് സിബിസിഎസ്എസ് (2013 അഡ്മിഷന് മുൻപ്) മേഴ്സിചാൻസ് പരീക്ഷകളുടെ ടൈംടേബിൾ പ്രസിദ്ധീകരിച്ചു. മൂന്നാം സെമസ്റ്റർ പരീക്ഷ 28നും നാലാം സെമസ്റ്റർ പരീക്ഷ ജൂലൈ രണ്ടിനും ആരംഭിക്കും. വിദ്യാർഥികൾ രജിസ്റ്റർ ചെയ്ത കോളജുകളിൽ നിന്നും ഹാൾടിക്കറ്റ് വാങ്ങി തങ്ങൾക്കനുവദിച്ചിരിക്കുന്ന യുഐടി സെന്ററുകളിൽ പരീക്ഷ എഴുതേണ്ടതാണ്. വിശദവിവരങ്ങൾ വെബ്സൈറ്റിൽ.
വൈവാ വോസി
2019 ജൂണിൽ നടത്തിയ രണ്ടാം സെമസ്റ്റർ ബിഎ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ വൈവാ വോസി 26ന് തിരുവനന്തപുരം ഗവണ്മെന്റ് വിമൻസ് കോളജിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫലം
വിദൂര വിദ്യാഭ്യാസ പഠന കേന്ദ്രം ഡിസംബർ 2018, ഫെബ്രുവരി 2019ൽ നടത്തിയ ഒന്നും രണ്ടും വർഷ എംഎ ഇംഗ്ലീഷ് സപ്ലിമെന്ററി പരീക്ഷാഫലം പ്രസിദ്ധീകരിച്ചു. കരട് മാർക്ക് ലിസ്റ്റ് ജൂലൈ 10 മുതൽ സെക്ഷനിൽ നിന്നും ഹാൾടിക്കറ്റ് ഹാജരാക്കി കൈപ്പറ്റാം. വിശദവിവരങ്ങൾ വെബ്സൈറ്റിൽ.
സ്പോട്ട് അഡ്മിഷൻ
എംഎ മ്യൂസിക് പഠനവകുപ്പിലെ ഒഴിവുള്ള സീറ്റുകളിലേയ്ക്ക് സ്പോട്ട് അഡ്മിഷൻ നടത്തുന്നു. യോഗ്യതയുള്ള വിദ്യാർഥികൾ 27ന് പ്രവേശനപരീക്ഷയ്ക്ക് തയാറായി അതാതു ഡിപ്പാർട്ട്മെന്റിൽ എത്തിച്ചേരണം.
സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗാ ആൻഡ് മെഡിറ്റേഷൻ (മോർണിംഗ് ബാച്ച്) കോഴ്സിന് സീറ്റൊഴിവുണ്ട്. യോഗ്യത: പ്രീഡിഗ്രി/പ്ലസ്ടു. പ്രവേശനത്തിന് പിഎംജി ജംഗ്ഷനിലുളള സിഎസിഇഇ ഓഫീസുമായി ബന്ധപ്പെടുക. ഫോണ്: 0471 2302523.
അപേക്ഷ ക്ഷണിക്കുന്നു
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ അഡ്വാൻസ്ഡ് ഫംഗ്ഷണൽ ഇംഗ്ലീഷ് ആൻഡ് പബ്ലിക് സ്പീക്കിംഗ് കോഴ്സ്, പി.ജി ഡിപ്ലോമ ഇൻ യോഗാ തെറാപ്പി കോഴ്സ് (മോർണിംഗ് ബാച്ച്) എന്നീ കോഴ്സുകൾക്ക് 29 വരെ അപേക്ഷിക്കാം. അപേക്ഷാ ഫോറത്തിന് സർവകലാശാല സെനറ്റ് ഹാൾ കാന്പസിലെ എസ്ബിഐ ബാങ്കിൽ A/c No. 57002299878 ൽ 100 രൂപ അടച്ച രസീത് സഹിതം പിഎംജി ജംഗ്ഷനിലെ സ്റ്റുഡന്റ്സ് സെന്റർ കാന്പസിലുള്ള CACEE ഓഫീസിൽ നേരിട്ട് ബന്ധപ്പെടുക. വിശദവിവരങ്ങൾക്ക്: 0471 2302523
ഇൻഡക്ഷൻ പ്രോഗ്രാം
2019 20 അധ്യയന വർഷത്തേയ്ക്ക് കേരള സർവകലാശാലയിലെ വിവിധ പഠന ഗവേഷണ വകുപ്പുകളിൽ പ്രവേശനം ലഭിച്ച വിദ്യാർഥികൾക്കും അവരുടെ രക്ഷിതാക്കൾക്കുമായി ഇന്നു രാവിലെ 10.30ന് കേരള സർവകലാശാല, സെനറ്റ് ഹൗസ് കാന്പസിൽ സ്റ്റുഡന്റ് ഇൻഡക്ഷൻ പ്രോഗ്രാം സംഘടിപ്പിക്കുന്നു.
വിവിധ പഠന വകുപ്പുകൾ സംഘടിപ്പിക്കുന്ന വകുപ്പുതല ഇൻഡക്ഷൻ പ്രോഗ്രാമിനു പുറമെ നടത്തുന്നതാണ് .ഇന്നത്തെ കേന്ദ്രീകൃത സ്റ്റുഡന്റ് ഇൻഡക്ഷൻ പ്രോഗ്രാം.ഇൻഡക്ഷൻ പ്രോഗ്രാമിൽ വൈസ്ചാൻസലർ പ്രഫ.ഡോ.വി.പി.മഹാദേവൻപിള്ള അധ്യക്ഷനായിരിക്കും. പ്രഫ. വി. കെ. രാമചന്ദ്രൻ, (വൈസ് ചെയർമാൻ, കേരള സംസ്ഥാന ആസൂത്രണ ബോർഡ്), പ്രഫ. ഡോ. സാബു തോമസ്, (വൈസ് ചാൻസലർ, മഹാത്മാ ഗാന്ധി സർവകലാശാല, കോട്ടയം), പ്രഫ. എസ്. കെ. സതീഷ്, (ഇൻഡ്യൻ ഇൻസ്റ്റിറ്റ്യൂട്ട് ഓഫ് സയൻസ് )തുടങ്ങിയ പ്രമുഖർ വിദ്യാർഥികളെ അഭിസംബോധന ചെയ്യും.