മൂന്നു തസ്തികകളിലേക്കു പിഎസ്സി ചുരുക്കപ്പട്ടിക
തിരുവനന്തപുരം: മൂന്നു തസ്തികകളിലേക്കു ചുരുക്കപ്പട്ടിക പ്രസിദ്ധീകരിക്കുന്നതിനു ഇന്നലെ ചേർന്ന പിഎസ്സി യോഗം തീരുമാനിച്ചു. മൈനിംഗ് ആൻഡ് ജിയോളജി വകുപ്പിൽ അസിസ്റ്റന്റ് ജിയോളജിസ്റ്റ്, കെമിക്കൽ എക്സാമിനേഴ്സ് ലബോറട്ടറിയിൽ ടെക്നിക്കൽ അസിസ്റ്റന്റ്/സിറോളജിക്കൽ അസിസ്റ്റന്റ്, ആലപ്പുഴ ജില്ലയിൽ തുറമുഖ വകുപ്പിൽ ലൈറ്റ് കീപ്പർ ആൻഡ് സിഗ്നലർ എന്നീ തസ്തികകളിലേക്കാണു ചുരുക്കപ്പട്ടിക പ്രസിദ്ധീകരിക്കുക.
ആരോഗ്യ വകുപ്പിൽ ജൂണിയർ കണ്സൾട്ടന്റ് (ജനറൽ സർജറി) ഒന്നാം എൻസിഎ എസ്ഐയുസി നാടാർ, തിരുവനന്തപുരം, എറണാകുളം, തൃശൂർ ജില്ലകളിൽ വിവിധ വകുപ്പുകളിൽ ലിഫ്റ്റ് ഓപ്പറേറ്റർ (ഒന്നാം എൻസിഎ മുസ്ലിം), പത്തനംതിട്ട ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ അസിസ്റ്റന്റ് (ഹിന്ദി) ഒന്നാം എൻസിഎഎൽസി/എഐ എന്നീ തസ്തികകളിലേക്ക് അഭിമുഖ പരീക്ഷ നടത്താനും ഇന്നലെ ചേർന്ന പിഎസ്സി യോഗം തീരുമാനിച്ചു.