മരിയൻ കോളജിൽ ജെറിയാട്രിക് കെയർ കോഴ്സ്
കോട്ടയം: കുട്ടിക്കാനം മരിയൻ കോളജിൽ പോസ്റ്റ് ഗ്രാജ്വേറ്റ് ഡിപ്ലോമ ഇൻ ജെറിയാട്രിക് കെയർ ആൻഡ് മാനേജ്മെന്റ് കോഴ്സ് ആരംഭിച്ചു. മരിയൻ കോളജും ട്രാവൻകൂർ ഫൗണ്ടേഷനും സംയുക്തമായാണു പാഠ്യപദ്ധതിക്ക് രൂപം നൽകിയത്. കോഴ്സുകൾ ജൂലൈയിൽ ആരംഭിക്കും.
അന്താരാഷ്ട്ര നിലവാരമുള്ള സീനിയർ കെയർ കേരളത്തിൽ ആദ്യമായി ആരംഭിച്ച ട്രാവൻകൂർ ഫൗണ്ടേഷനു പത്ത് വർഷത്തെ പരിചയസന്പത്തുണ്ട്. പത്ത് മാസം ദൈർഘ്യമുള്ള കോഴ്സ് രണ്ട് സെമസ്റ്ററാണ്. നഴ്സിംഗ് ഹെൽത്ത് അഡ്മിനിസ്ട്രേഷനൊപ്പം ബിരുദ ധാരികൾക്കും അപേക്ഷിക്കാം.