സംസ്ഥാന മെഡിക്കൽ, ആയുർവേദ റാങ്ക് പ്രസിദ്ധീകരിച്ചു
തിരുവനന്തപുരം: മെഡിക്കൽ/അനുബന്ധ കോഴ്സുകളിലേക്കുള്ള പ്രവേശനത്തിനായി അപേക്ഷിച്ചിട്ടുള്ളവരും റാങ്ക് ലിസ്റ്റ് തയാറാക്കുന്നതിലേക്ക് നീറ്റ് യുജി 2019 ഫലം പ്രവേശന പരീക്ഷാ കമ്മീഷണർക്ക് 16 ലെ വിജ്ഞാനപ്രകാരം സമർപ്പിച്ചിട്ടുള്ളവരുമായ അപേക്ഷകരുടെ സംസ്ഥാന മെഡിക്കൽ/ആയൂർവേദ റാങ്ക് പ്രവേശന പരീക്ഷാ കമ്മീഷണറുടെ വെബ്സൈറ്റിൽ പ്രസിദ്ധീകരിച്ചു. സുപ്രീംകോടതി ഉത്തരവ് പ്രകാരം 1994 മേയ് അഞ്ചിനു ശേഷം ജനിച്ച ജനറൽ വിഭാഗക്കാരെയും 1989 മേയ് അഞ്ചിനു ശേഷം ജനിച്ച എസ്സി/എസ്ടി/പിഡബ്ല്യുഡി വിഭാഗക്കാരെയും ഉൾപ്പെടുത്തിയിരിക്കുന്നത് താത്കാലികമായാണ്. ജനനത്തീയതി സമർപ്പിക്കാത്തതുകൊണ്ടും മറ്റ് ചില കാരണങ്ങളാലും റാങ്ക് തടഞ്ഞുവച്ചിട്ടുള്ള വിദ്യാർഥികൾക്ക് പ്രസ്തുത അപാകതകൾ പരിഹരിക്കുന്നതനുസരിച്ച് റാങ്ക് പ്രസിദ്ധീകരിക്കുന്നതായിരിക്കും.
വിദ്യാർഥികൾ KEAM 2019 Candidate Portal എന്ന ലിങ്കിലൂടെ ആപ്ലിക്കേഷൻ നന്പരും പാസ്വേഡും നൽകി അവരവരുടെ ഹോം പേജിൽ പ്രവേശിച്ച് റിസൽറ്റ് എന്ന മെനു ഐറ്റം ക്ലിക്ക് ചെയ്താൽ റിസൽറ്റ് ലഭ്യമാകും.