എംഎസ്സി നഴ്സിംഗ്: ഓണ്ലൈൻ ഓപ്ഷനുകൾ ക്ഷണിച്ചു
തിരുവനന്തപുരം: ബിരുദാനന്തര ബിരുദ (എംഎസ്സി നഴ്സിംഗ്) കോഴ്സിലേക്ക് പ്രവേശനത്തിന് കേന്ദ്രീകൃത അലോട്ട്മെന്റ് നടപടിക്രമങ്ങൾ ആരംഭിച്ചു. പ്രവേശന പരീക്ഷയെഴുതിയ വിദ്യാർഥികൾക്ക് എന്ന വെബ്സൈറ്റിൽ 15 ന് രാവിലെ പത്തുവരെ ഓണ്ലൈനായി ഓപ്ഷനുകൾ രജിസ്റ്റർ ചെയ്യാം. പ്രവേശന പരീക്ഷാ കമ്മീഷണർ പ്രസിദ്ധീകരിക്കുന്ന റാങ്ക് ലിസ്റ്റിൽ ഉൾപ്പെടുന്ന വിദ്യാർഥികളെ മാത്രം ഉൾപ്പെടുത്തിയാകും അലോട്ട്മെന്റ് പ്രസിദ്ധീകരിക്കുന്നത്. 15 ന് രാവിലെ പത്തുവരെ ഓണ്ലൈനായി രജിസ്റ്റർ ചെയ്യുന്ന ഓപ്ഷനുകളുടെ അടിസ്ഥാനത്തിൽ 16 ന് ഒന്നാംഘട്ട കേന്ദ്രീകൃത അലോട്ട്മെന്റ് പ്രസിദ്ധീകരിക്കും. അലോട്ട്മെന്റ് ലഭിക്കുന്ന വിദ്യാർഥികൾ 20 നകം കോളജുകളിൽ ഹാജരായി പ്രവേശനം നേടണം. വിജ്ഞാപനം വെബ്സൈറ്റിൽ. 0471 2339101, 2339102, 2339103, 2339104, 2332123.