നവംബറിൽ നടത്തുന്ന ബാച്ചിലർ ഓഫ് ഫിസിക്കൽ എഡ്യൂക്കേഷൻ (നാലു വർഷ ഇന്റഗ്രേറ്റഡ് കോഴ്സ് 2011 സ്കീം) മൂന്ന്, അഞ്ച്, ഏഴ് സെമസ്റ്റർ സപ്ലിമെന്ററി പരീക്ഷയ്ക്കുള്ള അപേക്ഷകൾ ഓണ്ലൈനായി 31 വരെയും 150 രൂപ പിഴയോടു കൂടി നവംബർ രണ്ടു വരെയും 400 രൂപ പിഴയോടു കൂടി നവംബർ നാലു വരെയും അപേക്ഷിക്കാം.
നവംബർ 27 ന് ആരംഭിക്കുന്ന എട്ടാം സെമസ്റ്റർ ബിടെക് (2008 സ്കീം സപ്ലിമെന്ററി/മേഴ്സി ചാൻസ്) ഡിഗ്രി പരീക്ഷ, നവംബർ 2019ന്റെ ഓണ്ലൈൻ രജിസ്ട്രേഷൻ ആരംഭിച്ചു. നവംബർ ഏഴു വരെയും 150 രൂപ പിഴയോടു കൂടി നവംബർ 11 വരെയും 400 രൂപ പിഴയോടു കൂടി നവംബർ 13 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
നവംബർ 22 ന് ആരംഭിക്കുന്ന ഒന്നാം സെമസ്റ്റർ എംബിഎ (2014 സ്കീം സപ്ലിമെന്ററി ഫുൾ ടൈം/റെഗുലർ ഈവനിംഗ്/യുഐഎം/ട്രാവൽ ആൻഡ് ടൂറിസം, 2018 സ്കീം (റെഗുലർ & സപ്ലിമെന്ററി) ഫുൾ ടൈം/യുഐഎം/ട്രാവൽ ആൻഡ് ടൂറിസം, 2018 സ്കീം (റെഗുലർ & സപ്ലിമെന്ററി) ഈവനിംഗ് റെഗുലർ) പരീക്ഷകൾക്ക് നാലു വരെയും 150 രൂപ പിഴയോടെ നവംബർ ആറു വരെയും 400 രൂപ പിഴയോടെ നവംബർ എട്ടു വരെയും അപേക്ഷിക്കാം.
പരീക്ഷാഫലം
ജൂണിൽ നടന്ന മൂന്നാം സെമസ്റ്റർ ബികോം കൊമേഴ്സ് വിത്ത് കംപ്യൂട്ടർ ആപ്ലിക്കേഷൻ, പ്രയർ ടു 2013 അഡ്മിഷൻ (മേഴ്സി ചാൻസ്2010 & 2011 അഡ്മിഷൻ, സപ്ലിമെന്ററി2012 അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. ഉത്തരക്കടലാസുകളുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും നവംബർ ഏഴു വരെ അപേക്ഷിക്കാവുന്നതാണ്.
2019 സെപ്റ്റംബറിൽ നടന്ന നാലാം സെമസ്റ്റർ എംഎ പൊളിറ്റിക്കൽ സയൻസ്, എംഎസ്സി (ബയോഇൻഫർമാറ്റിക്സ്, സൂവോളജി, ജ്യോഗ്രഫി, കെമിസ്ട്രി, അപ്ലൈഡ് കെമിസ്ട്രി, അനലിറ്റിക്കൽ കെമിസ്ട്രി) പരീക്ഷകളുടെ ഫലം പ്രസിദ്ധീകരിച്ചു. ഉത്തരക്കടലാസുകളുടെ സൂക്ഷ്മപരിശോധനയ്ക്കായി നവംബർ ഏഴു വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ടൈംടേബിൾ
നവംബർ 20 മുതൽ ആരംഭിക്കുന്ന ബികോം (ആന്വൽ സ്കീം) 1996 അഡ്മിഷൻ വിദ്യാർഥികളുടെ മേഴ്സി ചാൻസ് പരീക്ഷാ ടൈംടേബിൾ പ്രസിദ്ധീകരിച്ചു. പരീക്ഷാ സമയം ഉച്ചയ്ക്ക് 1.30 മുതൽ 4.30 വരെ. പ്രസ്തുത പരീക്ഷയ്ക്ക് തിരുവനന്തപുരം പരീക്ഷാകേന്ദ്രമായി അപേക്ഷിച്ച രജിസ്റ്റർ നന്പർ 401 മുതൽ 500 വരെയുളള വിദ്യാർഥികൾ ഡിപ്പാർട്ട്മെന്റ് ഓഫ് എഡ്യൂക്കേഷൻ, തൈക്കാട് (ഗവണ്മെന്റ് ആർട്സ് കോളജ്, തൈക്കാടിന് സമീപം) കായംകുളം പരീക്ഷാകേന്ദ്രമായി അപേക്ഷിച്ച രജിസ്റ്റൻ നന്പർ 501 മുതൽ 600 വരെയുളള വിദ്യാർഥികൾ എംഎസ്എം കോളജിലും പരീക്ഷ എഴുതേണ്ട താണ്. പരീക്ഷയ്ക്ക് രണ്ടു ദിവസം മുന്പ് മുതൽ മേൽപ്പറഞ്ഞ പരീക്ഷാകേന്ദ്രങ്ങളിൽ നിന്നും ഹാൾടിക്കറ്റ് കൈപ്പറ്റാവുന്നതാണ്. വിശദവിവരങ്ങൾ വെബ്സൈറ്റിൽ.
പരീക്ഷാതീയതി
നവംബർ ആറിന് ആരംഭിക്കുന്ന ഒന്നാം സെമസ്റ്റർ ബിഎഡ് ഡിഗ്രി പരീക്ഷയുടെ (2015 സ്കീംഇംപ്രൂവ്മെന്റ് & സപ്ലിമെന്ററി, 2019 സ്കീംറഗുലർ). വിശദമായ ടൈംടേബിൾ വെബ്സൈറ്റിൽ .