കെ മാറ്റ് സൗജന്യ പരിശീലനം
ചെമ്പേരി: കേരളത്തിൽ എംബിഎ അഡ്മിഷൻ ആഗ്രഹിക്കുന്ന വിദ്യാർഥികൾക്കായി കെ മാറ്റ് പരീക്ഷയ്ക്കുള്ള ഏകദിന പരിശീലനവും മോഡൽ പരീക്ഷയും ഒൻപതിന് രാവിലെ 9.30ന് ആലക്കോട് മേരിമാതാ കോളജിലും ചെറുപുഴ കാക്കേഞ്ചാൽ സെന്റ് മേരീസ് ഫൊറോന ദേവാലയ പാരിഷ് ഹാളിലും നടത്തും.
ചെമ്പേരി വിമൽജ്യോതി എംബിഎ കോളജിലെ അധ്യാപകരുടെ നേതൃത്വത്തിൽ സൗജന്യമായാണ് പരിശീലനം. ഏതെങ്കിലും വിഷയത്തിൽ 50 ശതമാനത്തിലധികം മാർക്കോടെ ബിരുദം നേടിയവർക്കും അവസാനവർഷ ബിരുദവിദ്യാർഥികൾക്കും കെ മാറ്റ് പരിശീലനത്തിൽ പങ്കെടുക്കാം.
ഇതുവരെ കെ മാറ്റിന് രജിസ്റ്റർ ചെയ്യാത്തവർ 11ന് മുമ്പ് https://km atkerala.in എന്ന വെബ്സൈറ്റിൽ അപേക്ഷ സമർപ്പിക്കണം. കൂടുതൽ വിവരങ്ങൾക്ക് ഫോൺ: 9400512240.