ചെമ്പേരി വിമൽജ്യോതി സിവിൽ സർവീസ് അക്കാഡമിയിൽ പുതിയ ബാച്ചുകൾ
ചെമ്പേരി: വിമൽജ്യോതി എൻജിനിയറിംഗ് കോളജിൽ ഇന്ത്യയിലെ പ്രശസ്ത സിവിൽ സർവീസ് പരിശീലനസ്ഥാപനമായ ഡൽഹി എഎൽഎസിന്‍റെ സഹകരണത്തോടെ പ്രവർത്തിക്കുന്ന സിവിൽ സർവീസ് അക്കാഡമിയിൽ യുപിഎസ്‌സി, പിഎസ്‌സി, ഐഎഎസ്, കെഎഎസ് പരീക്ഷകൾക്ക് തയാറെടുക്കുന്നവർക്കുള്ള പുതിയ ബാച്ചുകൾ 25 നും ഡിസംബർ പത്തിനും ആരംഭിക്കും.
ഡൽഹിയിലെ പ്രശസ്ത ഐഎഎസ്. യുപിഎസ്‌സി പരീക്ഷാപരിശീലകരായ ജോജോ മാത്യൂസ്, മനീഷ് ഗൗതം, ശശാങ്ക് ആറ്റം, സച്ചിൻ അറോറ എന്നിവർ ക്ലാസുകൾക്ക് നേതൃത്വം നൽകും. ഏതെങ്കിലും വിഷയത്തിൽ ഡിഗ്രിയാണ് യോഗ്യത.
സ്റ്റഡി മെറ്റീരിയൽസ്, ടെസ്റ്റ് സീരീസ്, പ്രത്യേക മെന്‍റൽ എബിലിറ്റി ക്ലാസുകൾ, ഇംഗ്ലീഷ് ഇപ്രൂവ്മെന്‍റ് ക്ലാസുകൾ എന്നിവയെല്ലാം പരിശീലനത്തിൽ ഉൾപ്പെടും. ഹോസ്റ്റൽ സൗകര്യം ലഭ്യമാണ്.