ഒന്നാം വർഷ എംബിബിഎസ്: ജൂബിലി മിഷൻ മെഡിക്കൽ കോളജിന് ഒന്നാം സ്ഥാനം
തൃശൂർ: കേരള ആരോഗ്യ സർവകലാശാല നടത്തിയ ഒന്നാംവർഷ എംബിബിഎസ് (2018 അഡ്മിഷൻ) പരീക്ഷയിൽ 94 ശതമാനം വിജയത്തോടെ ജൂബിലി മിഷൻ മെഡിക്കൽ കോളജ് ഒന്നാംസ്ഥാനം കരസ്ഥമാക്കി.
14 പേർ ഡിസ്റ്റിംഗ്ഷനും 57 പേർ ഫസ്റ്റ് ക്ലാസും നേടി. മൂന്നാം തവണയാണ് ആരോഗ്യസർവകലാശാല നടത്തുന്ന പരീക്ഷയിൽ കോളജിന് ഒന്നാം സ്ഥാനം ലഭിക്കുന്നത്.
പ്രിൻസിപ്പൽ ഡോ. പ്രവീണ്ലാൽ, ഡയറക്ടർ ഫാ. ഫ്രാൻസിസ് പള്ളിക്കുന്നത്ത് എന്നിവർ ഉന്നതവിജയം കരസ്ഥമാക്കിയ വിദ്യാർഥികളെയും അധ്യാപകരെയും അഭിനന്ദിച്ചു.