ഡിഫാം പാർട്ട് 1 റെഗുലർ പരീക്ഷയ്ക്ക് അപേക്ഷിക്കാം
തിരുവനന്തപുരം: മെഡിക്കൽ വിദ്യാഭ്യാസ വകുപ്പ് നടത്തുന്ന ഡിഫാം പാർട്ട് 1 (റഗുലർ) പരീക്ഷ സംസ്ഥാനത്തെ വിവിധ ഫാർമസി കോളജുകളിൽ ഡിസംബർ 11 മുതൽ നടക്കും. പരീക്ഷയ്ക്ക് രജിസ്റ്റർ ചെയ്യേണ്ട അപേക്ഷകൾ നിശ്ചിത തുകയ്ക്കുള്ള ഫീസടച്ച് പൂരിപ്പിച്ച അപേക്ഷകൾ 20ന് മുമ്പ് ബന്ധപ്പെട്ട കോളജുകളിൽ സമർപ്പിക്കണം. അതത് കോളജുകളിൽ നിന്നുള്ള അപേക്ഷകൾ 25ന് മുമ്പ് ചെയർപേഴ്സൺ, ബോർഡ് ഓഫ് ഡിഫാം എക്സാമിനേഷൻസ്, ഡയറക്ടറേറ്റ് ഓഫ് മെഡിക്കൽ എഡ്യൂക്കേഷൻ, തിരുവനന്തപുരം11 എന്ന വിലാസത്തിൽ ലഭിക്കണം. അപേക്ഷയോടൊപ്പം എസ്എസ്എൽസി സർട്ടിഫിക്കറ്റിന്റെ സാക്ഷ്യപ്പെടുത്തിയ പകർപ്പ്വയ്ക്കണം. വിശദവിവരങ്ങൾ www.dme.kerala.gov.in ലും വിവിധ ഫാർമസി കോളജുകളിലും ലഭിക്കും.