പിജി പരീക്ഷാര്ഥികൾക്ക് തങ്ങളുടെ ജില്ലകളിൽ പരീക്ഷയെഴുതാം
ജൂണ് രണ്ടിന് ആരംഭിക്കുന്ന പിജി നാലാം സെമസ്റ്റര് (സിയുസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ് പരീക്ഷ എഴുതുന്ന സര്വകലാശാലയ്ക്ക് കീഴിലെ കോളജുകളിലെ വിദ്യാര്ഥികളില് ലോക്ക്ഡൗണ് മൂലം അന്യ ജില്ലകളില് തങ്ങുന്നവര്ക്ക് അവര് ഇപ്പോള് താമസിക്കുന്ന ജില്ലകളില് പരീക്ഷ എഴുതാന് കേന്ദ്രം അനുവദിക്കും. സര്വകലാശാലാ വെബ്സൈറ്റില് 25നകം രജിസ്റ്റര് ചെയ്യണം.
പരീക്ഷകള്ക്ക് സൂപ്പര് ഫൈനോടെ അപേക്ഷിക്കാം
സംസ്ഥാനത്ത് നിലനില്ക്കുന്ന പ്രത്യേക സാഹചര്യം കണക്കിലെടുത്ത് സര്വകലാശാലയുടെ വിവിധ പരീക്ഷകള്ക്ക് ഫൈനോടെ രജിസ്റ്റര് ചെയ്യാന് സാധിക്കാത്തവര്ക്ക് സൂപ്പര് ഫൈനോടെ (സൂപ്പര് ഫൈന് +ഫൈന്+എക്സാം രജിസ്ട്രേഷന് ഫീ) ഓണ്ലൈനായി ടൈംടേബിള് പ്രസിദ്ധീകരിക്കുന്നത് വരെ രജിസ്റ്റര് ചെയ്യാം.