എൽഎൽഎം: വിവരങ്ങൾ പരിശോധിക്കാം
തിരുവനന്തപുരം: എൽഎൽഎം കോഴ്സിന്റെ പ്രവേശനത്തിനായി നിശ്ചിത സമയത്തിനകം പ്രവേശന പരീക്ഷാ കമ്മീഷണറുടെ വെബ്സൈറ്റിലൂടെ ഓണ്ലൈൻ അപേക്ഷ സമർപ്പിച്ച അപേക്ഷകരുടെ താത്കാലിക വിവരങ്ങൾ പരിശോധനയ്ക്കായി വെബ്സൈറ്റിൽ പ്രസിദ്ധീകരിച്ചു. അപേക്ഷയിലെ ന്യൂനതകൾ പരിഹരിക്കുന്നതിനുള്ള സർട്ടിഫിക്കറ്റുകൾ, രേഖകൾ വെബ്സൈറ്റിലെ നിർദിഷ്ട ലിങ്കിലൂടെ അപ്ലോഡ് ചെയ്യുന്നതിന് 15ന് വൈകുന്നേരം അഞ്ചുവരെ സൗകര്യം ഉണ്ടായിരിക്കും.
ബാച്ചിലർ ഓഫ് ഡിസൈൻ പ്രവേശന പരീക്ഷയ്ക്കായി ഓണ്ലൈനായി അപേക്ഷ സമർപ്പിച്ചവർ പ്രൊഫൈൽ പരിശോധിക്കുന്നതിനും ന്യൂനതകൾ ഉള്ള പക്ഷം അവ പരിഹരിക്കുന്നതിനുമുള്ള അവസരം 15ന് വൈകുന്നേരം അഞ്ചുവരെ ലഭ്യമാണ്.